Mme Ñke5
Ndʌdutọñ ke Abaña Efịbe
1Ayịn awodeen mmi, kpañ utọñ nọ aniọñ mmi,wọññọ utọñ mfo nọ ikọ ifiọk mmi,2nọ afo anie mfarakeidemñkpọkinua mfo ñko anịm ifiọk.3Sia ñkpọkinua awonwaan akpara atọi adanakwọọk,ikọ amọ anyʌñ adọnọ akan adan;4ado ke utịd anye adoro nte mfañ atidod,asọp nte afịd iso iba.5Ukod amọ eka ke ñkpa;ñkpadisañ amọ aka udi nnen-nnen.6Anye inieghe akikere ndomokeed ibaña eduuwem;usʌñ amọ ayoyo, ado anye idiọọñọke.7Idahami ndin, nditọ mmi ideen, ikpañ utọñ innọ miin;ikiiwọññọ ikpọñ se ami ntañ inọọ ndufo.8Yak usʌñ ndufo anyọọñ akpọñ anye,ikiisaña ikpere inuausʌñ ufọk amọ,9mbaak ndufo ididuọọk ukpono ndufo inọọ mbon mfenye uku ndufo ñko inọọ awo ndoom,10mbaak mme isenawo edibịme inie ndufondin afịd ufen ndufo akeforo ufọk awo mfen.11Ke utịd uwem ndufo, afo ayaatua akuun,ke ini abʌk ye ikpọkidem ndufo emaebiara.12Ndufo eyaebo, “Se naña ñnyịn ikisua item!Naña esịd ñnyịn akesua ntʌnọ!13Ami ñkekoppo item mme andikpeeb mmiñnyʌññọ ñwọññọ utọñ mmi nnọ mme anọitem mmi.14Ikpeenekekpeene ami mmaadʌk ekamba mfịnake esob ikọd Abasi.”15Nwọñ mmọọñ a-atooho ube mmọọñ mfo,mmọọñ a-afeghekefeghe ke ube mmọọñ mfo.16Me akpena nte idịm mfo afiọrọ ke mme efaak,mme mmọọñ idịm mfo eboiyo ke mme eferife?17Yak ammọ unie fiin ikpọọñ,kuudedei uwuana ye mme isenawo.18Yak ediọñ ñkpọdiọhọ mmọọñ mfo,ñko afo ayaakop inem ke anwaan uyịn mfo.19Edima akoyo, uyaiya edob,yak eba amọ uyʌkkọ fiin afịd ini,yak ima amọ unaam fiin nte ukọd.20Ayịn awodeen mmi, nsoo inam yak anwaan awo mfen unaam fiin nte ukọd?Nsoo ido nọ afat ikpanesịd awonwaan akpara?21Sia mme usʌñ mfo enaa ataa inwañ ke iso Abọọñ,ndin anye aduuñọ afịd usʌñ mfo.22Ndoom mbon ibak ado afia anọ ammọ;mme udʌk idiọọkñkpọ ammọ ekpaha ammọ anye asọñ.23Ammọ eyaekpa ato ke unana mfarakeidem,ndisịme ammọ ayaaben ammọ atịn usʌñ.Biblica, Inc.