Mme Ñke4
Se Akpekpakpa, Yem Aniọñ
1Nditọ mmi, ikpañ utọñ inọ item ete;ikpañ utọñ inyʌñ ibọ ndiọọñọidem.2Ami inọ ndufo eti ukpeeb,ke ntoro ikiidiañña idem ikpọñ ukpeebñkpọ mmi.3Sia ami ñko ñkedo ayịn nnọ ete mmi,ataa nsek, etəkayịn e-eka mmi akemaaha.4Ndin anye amañkpeep miin, anyʌñ ambo miin,“Mʌm ikọ mmi ke afịd esịd mfo;nịm mme mbed mmi, ndin afo ayaadu uwem.5Bọ aniọñ, bọ ndiọọñọidem;kuufre mme ikọ mmi, kuunyʌñ uwọññọ ukpọñ ammọ.6Kuudakka ukpọñ aniọñ, ndin anye ayaukpeme fiin;ma anye, ndin anye ayaukpeme fiin.7Ntọọñọ aniọñ ado ami: Bọ aniọñ.Akpọkọm anye akpa afịd se afo anie, bọ ndiọọñọidem.8Ma anye, ndin anye ayaadịppe ndaha mfo;fat anye dian ke idem, ndin anye ayaukpono fiin.9Anye ayaunọ fiin ñkpọ mbana se ayara ke iwuod mfoanyʌñ uyat fiin uyaiya anyanya ubọọñ.”10Ayịn mmi, kpañ utọñ, dat se ami ntañ,ndin isua uwem mfo ayaawak.11Ami mmunọ fiin item ke usʌñ aniọññnyʌñ udat fiin nsaña ke mme nnen-nnen usʌñ.12Ke usʌñ isañ mfo, uduunieghe ubiọọñọ;afo umaufeghe itọk, uduutuakka ukod.13Mʌm item kama, kuusaana anye uyaak;nekke kpeme anye mfọn-mfọn, sia anye ado uwem mfo.14Kuudot ikpad ke usʌñ mbon ibakkuunyʌñ usaña ke usʌñ mme anamidiọọk.15Wọññọ kpọñ anye, kuusaña ke usʌñ ado;wọññọ kpọñ usʌñ ado nyʌñ saña ke usʌñ mfo.16Sia ammọ ikemeke iduọk adudu tutu enam ibak;e-enyịm ammọ idab tutu ammọ enam awo aduọ.17Ammọ eta uyo ibakenyʌñ enwọñ ukọd afai.18Usʌñ ndinen awo atie nte utịn ubakusen,ayamma tutu awuọ ufọọd uweemeayio.19Ado usʌñ awo ibak atie nte akpọsọñ ekịm;ammọ idiọọñọke se inam ammọ etuak ukod.20Ayịn mmi, kpañ utọñ kop se ntañ;wọññọ utọñ mfo nọ mme ikọ mmi.21Kuuyak ammọ efeppe ekpọñ anyen mfo,sịn ammọ ke esịd mfo;22sia ammọ edo uwem enọ mbon e-ekịtte ammọenyʌñ edo nsọñidem enọ afịd idem.23Ke akannakan ami, kpeme esịd mfo,sia afịd ñkpọ se afo anam eto do ewuọ.24Kuuyak inua mfo atañ nsappa-nsappa ikọ;kuuyak abʌd-abʌd ikọ awuọ ato inua mfo.25Yak anyen mfo ase nnen-nnen;wuuk anyen mfo ke iso mfo.26Nekke kere ñkpọ baña nte afo asịn ukodnyʌñ nie iwuuk ke afịd mme usʌñ mfo.27Kuuwọññọ udʌk nnasia me ufiin;yak ukod mfo awuọ akpọñ idiọọk ñkpọ.Biblica, Inc.