1 Timoteho2
Lisambulu mu tooni a baatu boosi
1Hati a tsomi, dyaambu li me pondi huli we Timoteho ni linili: vondo huli Nzambi, mu masambulu ma we, mu ulembesene nde, na mu ufutala matondo huli Nzambi mu baatu boosi.2Sambila mu tooni bapfumu, na mu tooni a boosi ba bali na lituma. Sambila mu bo, mana bisu a benu liba na idiingu hya hyenze hyoosi hutso a mbiili yi yafwana. Ni mu mbiili a bisu a benu, luumweese ti bisu a benu baatu ba likiinzu ŋa busu bwa Nzambi.3Liina ni dyaambu lilibwe, li Nzambi Muyobili a bisu hasilasa.4Nzambi wu tondi ti baatu boosi bayoboho na baya hu nzaabili a imbuli.5Mu mbuli, Nzambi ndulu mosi,muvolili mileembe ndulu mumosi,ŋa hati la Nzambi na baatu.Ni Yisu Kristo, muutu6wu ayehuli muvumu a nde we kodi,mu uyobolo baatu boosi mu masumu.Mu taangu yi yafwana, Nzambi amweesi Kristo we mbangi a libwe la nde.7Ni mu buuna, Nzambi hasoolo me, mu uba mulongisi na iluumbi huli ba bavele Bayudaayo. Nzambi hasoolo me, mu ulongese bo musamu wu imiinu hya mbuli. Me a ndi mu upfuta ve, ka ndulu imbuli me ndi mu undeele.Mbiili yi yafwana huli babahala na bakaasu mu libundu
8Ni mu buuna, me tondi ti babahala babaasambila kindi mbuha, na ubaasyenolo myoho mi myatsyeme, hwavele a kesi na bileedi.9Me tondi kaka ti, bakaasu babaalwata bu hwafwana. A mu tooni umonehele ve, ka mu butsitu bwosi. Bakaasu a bafwana uyolo linyutu la bo mu mivanda, mu wolo, mu bilunga na milwatu mya talu ve.10Ka bo baafwana umweese yoli-yoli a bo, mu mavaanga ma mabwe. Yiina ni mbiili yi yafwana mu bakaasu ba bubaayusa Nzambi.11Bakaasu baafwana uba «swii» mu taangu a ndongisili, na ubaayuha hutso a kulimini.12Me a handi mu upa muswa huli mukaasu mu ulongese ve, buuve mu uba na lituma ŋa yulu a babahala ve. Nde afwana ubaayuha.13Me ndeeli buuna, mu tooni ati, tswamina Nzambi mu uvanga mukaasu Eva, nde amavaanga bahala Adami.14Wu baasohi a Adami ve, ka mukaasu. Bu mukaasu hasiingi soho, nde abisi tumili a Nzambi.15Ka mukaasu hu uyoboho, ŋa nde hu ubuta baana, tso nde kwilili mu imiinu, mu litondo na mu piili linyutu, na mu umweese mbiili yi yibaava muyusu huli Nzambi.Wycliffe Bible Translators, Inc.