2 Timoti2
1Eelyo iwe, mwanaangu, ube mukozu muluzyalo luli muli Kkirisitu Jesu,2alimwi eezyo nzwakamvwa kulindime kunembo lyabakamboni bayingi, uziyiisye kubantu basyomekede bayookonzya kuyiisya bamwi lubo.3Waabilane mukupenzegwa mbuli silumamba mubotu waKkirisitu Jesu.4Taakwe silumamba uli mumulimu uchelezegwa akuchita zimbi, mbuli kuti impalamo yakwe njakubotezya simalelo wakwe.5Sikuchijaana tajani musini pe kunze akuti wachijaana zyeendelene amalayilile.6Mulimi ubeleka anguzu nguuyelede lutaanzi kujana chaabilo chazilyo.7Yeeyesya atala azintu nzindaamba, nkaambo Mwami uyookupa kumvwisisisya muzintu zyoonse.8Yeeya Jesu Kkirisitu, wakabusigwa kuzwa kubafu, walunyungu lwaDevidi, mbuli mbwakambawukwa mumakani mabotu aangu,9makani mabotu aayo ngindifwabila akwaangwa anketani mbuli sikutyola mulawu. Pesi jwi lyaLeza talyaangidwe pe anketani.10Nkikaako ndilakakatila zintu zyoonse nkaambo kabasale, kuchitila kuti alabo bakajane lufutuko muli Kkirisitu Jesu abulemu butamani.11Kwaamba ooku nkwachoonzyo:Kuti twafwa anguwe,tuyoopona aamwi anguwe lubo.12Kuti twakakatila,tuyooyendelezya aamwi anguwe lubo;kuti twamutama,alakwe uyootutama alubo;13kuti katutasyomeki,we unookkede kasyomekede,nkaambo takonzyi kulitama.14Kubayeezya zintu eezi, akubalayilila kunembo lyaLeza kuti baleke kukazyana atala amajwi, aayo atagwasyi, pesi anyonganiya aabo baswiilizyi.15Chita changuzu kuti ulitondeezye kuli Leza mbuli umwi wakasalwa, simulimu utakwe bweeme, ujata kabotu ijwi lyakasimpe.16Uleke kwaambuula kutakwe bunaLeza, nkaambo kuyoozulida bantu mukuyabuya kubija,17alimwi majwi aabo ayooyendelela mbuli chilonda chisasabuka. Akati kabo kuli Himeniyasi aFiletasi,18aabo bakasunzuluka kuzwa kukasimpe akujatilila kuti kubuka kwakayinda kale. Baliikunyonyoona lusyomo lwabamwi.19Pesi intalisyo yaLeza iliimvwi nji, kayijisi chisinizyo chamajwi aaya: “Mwami ulibazi bakwe,” alimwi, “Muleke woonse muntu wiita zina lyaMwami aleke bubi.”20Muŋanda mpati mulizibelesyo peepe zyangolide ansiliva luzutu pe pesi lubo azyazisamu azyabulongo, azimwi zibelesegwa mubulemu, azimwi zitali zyabulemu.21Kuti umwi walisalazya kuzwa kuzintu eezyo zyabubi zitakwe bulemu, eelyo uyooba chibelesyo chabulemu, chisalazidwe akuba amulimu kuli simalelo waŋanda, chibambililwa kubelesegwa kufumbwa mulimu mubotu.22Aboobo siya zisusi zyabukubusi akudunamina bululami alusyomo aluyando aluumuno, abaabo bayita zina lyaMwami kuzwa kumoyo ululeme.23Utabi achakuchita azyabufubafuba, akukazyana kwabiyo, ulizi kuti zizyala nkondo.24Alimwi mulanda waMwami teelede kuba sikukazyana pe pesi abe abuuya kumuntu woonse, weelede kuba muntu ukonzya kuyiisya amoyo mulamfu,25ululamika aabo bamukazya mukulibombya. Ambweni Leza ngoolabapa kuti bakasanduke akuyooziba kasimpe,26alimwi ngabalakonzya kuyeeya kabotu mpawo bachije kuzwa kukakole kaSikuchenga, ooyo wakabatola mubuzike kuti bachite kuyanda kwakwe.
The Word for the World International