YOB38
SAATE Nwu Latuna Aata Yob
1Ninfɛ di SAATE nwu ladiki kanya aatɔkɔ Yob di kakitikɔ kamɛ nɛ. Aabuɛ alɛ:2“Owe ninle nnwɔ mmle nikosĩ ni kɔkà niiku sɛlaa se di lɛsaatofo diesi ni?3Pɛ lɛtapo fɛle osuɔtɔ;ninkaalɛ fɔ ɔlaa,faadiki kanya fatɛɛ.4“Ɔfɛ faawɛ di obe wɔ lase ni kasɔ lɛsɔse?Tɔkɔ mi, nse feenu kasɔ.5Owe niatɛ lɛtembi nika nsũ? Nwaako faye!Owe niablɛfɛsa lɛklapoosaa ole aafenko ka di suoto?6Obe suoto baase ka nkpaa,ee owe niase ka leyokɔ difuɔ-7di obe wɔ di olesɛ awɛntrɛbi lasi aasa ni sinu,di Yaa batɔkyɛntɛ layiisa ni suoto lɛyɔɔ kudu?8“Owe niasɛɛ lekpo aakpee di akloo sɛmaa,di obe wɔ diabɛ diadie ni di olofofɔtɔ kamɛ,9di obe wɔ layɔ alokonkyɛ labla ni abula nini,lamiminisa nini kafɔɔ di ditunu tunutunu kamɛ,10di obe wɔ latɛ ni kasekɔ lata nini,latɛ ni kafɔɔ n-yoko ku abɔɔsaa nini di aba ninya,11di obe wɔ labuɛ ni nlɛ, ‘Nfũ mmle fabapɛ fandu ni, ni flɔbasinkyɛ ni sitũ;ni nfũ di ɔpɛ lɛfɔ lɛkanta nwu kamase ni’?12“Fatodi diki kanya fɛɛtɔkɔ olesɛ ɔlaa,ee feetuo kolesɛtũ kasiɛkɔ ninwu,13alɛ kuafe di kasɔ nwu atokosifansɔsɔkɔ batii kpile fandiki di suoto nika?14Kasɔ n-yɔ letembi nika fɛle kɔtɛ ko ninsi ni di nsũ ɔtɛ kalɔ;di kɔkpana nini nte ni fɛle dibula ale okle.15Mansĩ batii kpile lɛkpa lɛma ɔyɔ ɔta,manfee kafɔɔ kɔnɛɛ lɛma ko mantakatɛsa ni katoo.16“Fatodikyɛ fɛɛlaadu lekpo kataakɔee fatodikyɛ di kalɔ kakyofokɔ nwu?17Batodituo fɔ kukpi n-yoko nwu fɛɛnya?Fatodinya kukpi kunyii fɛɛnya?18Fatoonu kasɔ lɛblɛfɛ kasɔ?Tɔkɔ mi, nse faye n-ya mmle amuu.19“Ɔmɛsuku manfe mankyɛ lɛkpa kasiɛkɔ?Ɔfɛ kafɔɔ di ditunu nsi?20Fabafuo nya ɔyɔ osifiko nsiɛkɔ lɛma?Faye nfenkɔ be manfe mankyɛ ni nsiɛkɔ lɛma?21Nwaako faye, diekye di obe nwu batoolofo fɔ kofokofoko!Fatoosiɛ nkpa alɛɛ kpinwu!22“Fatoodibuo atubakani asaa katɛkɔ leyoee fɛɛnya atubakani asaa katɛkɔ ayo23n-ya lebu lese lɛta ni ɔlaa ɔwɛ obe,diɛta ni kakpɛ ku nkpɛ ayi?24Ɔmɛnsuku manfe mankyɛ lɛba le di ɔplalaa amunaa ndie ninkye ni,ee lɛba le mansamiisa ni kufĩ katunkɔ kɔfɛɛfɔ mankpee ni kaasɔ suoto?25Owe nimbɛ okplo anta kanto kplɛ,ku osuku anta kanto okpududuu,26anta ntu di lɛba le di otii kuonwii diesi ni,ɔfaafuu wɔ di kuonwii diesi ni ninwu,27anta ni ntu di kasɔ ka ninte ni kafukuti,anta ni kasɔ nwu n-yie ni ku sɛfa?28Kanto nwu nkpe kote?Owe ninle kote ɛɛta oblokyi alɛsɛ nwu?29Owe olofofɔtɔ di ntu be nienii ni lekye?Owe nielofo ntu nyɛnɛnɛɛ be ninkye ni kolo,30di ntu nwu mmawɛ ni osie fɛ difuɔ,di nkyofokɔ osi mbla ni kekleke?31“Faafuo awɛntrɛbi ya nikɔlɛ ni onyu dikudi onii?Faafuo okũ wɔ nimmufũ ni awɛntrɛbi ya bɔɔlɛɛ ni Orion anklee ni ofukuti?32Faafuo awɛntrɛbi kayi odieko di obe ninya kamɛ,ee fanleko Kɔɔkɔ ku abi katũ?33Faye osi afiofa nwu?Faafuo Yaa sɛka ole osie ose di kasɔ suoto?34“Faafuo sɛlɔ lɛfɔ katoo ɔtakatɛsa sinnadu alokonkyɛfaantĩi suoto lɛfɔ ku ntu-yiile?35Faafuokanto amunaa osuku odiki?Mantɔkɔ fɔ alɛ, ‘Nyawo ninfũ’?36Owe niayɔ ninumbe aakpee di otu kamɛee aata lɛsaatofo lawɛ disibu?37Owe ninkpe ninumbe abaka ni alokonkyɛ?Owe nimafuo osi abukii ntu ɔnyɛɛnɛ owii38di kudu kubabla keklekedi kasɔ apatapata asi di lɛba ninwii?39“Fankpa fanta kyata-sanko,fanta kafɔɔ bakyata n-le mammiɛ,40nse bafufuu di ayo lɛma kamɛee bɛɛklɛ bate di lepoo kamɛ?41Owe nimmiɛ alesaa anta kwakwalobi,nse abi nɔɔ lewi ɛɛlɛɛ Yaa,ɛɛkyɛ eekyikyii, ta alesaa nnaa ni oso?The Seed Company