1 Kronika25
Olekatakɔ Nwu Sinu Basantɛ
1Dawid, diɛkyakaa ni ku bakpɛtɛ kanyabayilatɛ ladiki Asaf, Heman ku Yedutun babisuɔtɔbi bawo baase lete baata kasumu ɔlaa-obuɛ-ɔtɛ, diakyakaa ni di bakyitaa, basanku ku abɔɔsaa anɛɛkya. Nnya batii ba niabla ni kasumu ɔkpɛ wɔ mmle ayooto:2Di Asaf babisuɔtɔbi kamɛ niale: Sakur, Yosef, Netania ku Asarela. Asaf babisuɔtɔbi lasiɛ di Asaf kanyu kalɔ, wɔ niabuɛ-sɛlaa-aatɛ ni di ɔka kanyu kalɔ.3Yedutun nnwɔɔ yi, di babisuɔtɔbi nɔɔ kamɛ niale: Gedelia, Seri, Yesaia, Simei, Hasabia ku Matitia, bamuu labla bakuɔ, baasiɛ ni di ote lɛma Yedutun kanyu kalɔ, baabuɛ-sɛlaa-baatɛ ni, baayɔ kyitaa baatɔɔpɛ ni SAATE nwu sɛfa, baatɔɔtansa nwɔ kafɔɔ nɛ.4Heman nnwɔɔ yi, di babisuɔtɔbi nɔɔ kamɛ niale: Bukia, Matania, Usiel, Sebuel ku Yerimot; Hanania, Hanani, Eliata, Gidalti ku Romamti-Eser; Yosbekasa, Maloti, Hotir ku Mahasiot.5Mba mmle bamuu niale ɔka asaanyatɛ nwu Heman babisuɔtɔbi nɛ. Baalofo babisuɔtɔbi ba mmle baata Heman diafe ni di ɔlaa wɔ di Yaa labuɛ aatɛ aatɔɔ alɛ ɔɔtakatɛ nwɔ ni katoo suoto. Yaa lata Heman babisuɔtɔbi lefosi-bana ku babisankobi batiɛ.6Batii ba mmle bamuu lasiɛ di bate lɛma kanyu kalɔ baata SAATE nwu olekatakɔ sinu ɔsa, ku abɔɔsaa anɛɛkya, basanku ku bakyitaa, diata ni kasumu di Yaa leyo nwu kamɛ. Asaf, Yedutun ku Heman lasiɛ di ɔka kanyu kalɔ.7Diakyakaa ni di banantii lɛma yi- baananfi bamuu lɛma, baatofo kamɛ nwaa kafɔɔ di sinu ɔsa ɔta SAATE nwu- lɛpɔ lɛma labla alafa-anyɔ-afosi-anɛ-banɛ.8Baawii atrebi baata sɛsaabla lɛma ɔbla nwu, okosopo ku ɔnɔɔfo, asaatuotɛ ku asaateketetɛ kyɛkyɛ.9Atrebi owii kasale niale ni Asaf leyo kamɛ ale lase di Yosef suoto, babisuɔtɔbi nɔɔ ku banantii nɔɔ, lefosi-banyɔ lɛnyɔɔfa lase di Gedalia suoto, nnwɔɔ ku banantii nɔɔ ku babisuɔtɔbi nɔɔ, lefosi-banyɔ10ditiɛfa lase di Sakur suoto, babisuɔtɔbi nɔɔ ku banantii nɔɔ, lefosi-banyɔ11lɛnaafa lase di Yisri suoto, babisuɔtɔbi nɔɔ ku banantii nɔɔ, lefosi-banyɔ12lɛnɔɔnle lase di Netania suoto, babisuɔtɔbi nɔɔ ku banantii nɔɔ, lefosi-banyɔ13dikuɔnle lase di Bukia suoto, babisuɔtɔbi nɔɔ ku banantii nɔɔ, lefosi-banyɔ14dikuɛnsĩne lase di Yesarela suoto babisuɔtɔbi nɔɔ ku banantii nɔɔ, lefosi-banyɔ15lɛnɛɛnle lase di Yesaia suoto, babisuɔtɔbi nɔɔ ku banantii nɔɔ, lefosi-banyɔ16lɛnansinle lase di Matania suoto, babisuɔtɔbi nɔɔ ku banantii nɔɔ, lefosi-banyɔ17lefosile lase di Simei suoto, babisuɔtɔbi nɔɔ ku banantii nɔɔ, lefosi-banyɔ18lefosi-kasale lase di Asarel suoto, babisuɔtɔbi nɔɔ ku banantii nɔɔ, lefosi-banyɔ19lefosi-nyɔɔfa lase di Hasabia suoto, babisuɔtɔbi nɔɔ ku banantii nɔɔ, lefosi-banyɔ20lefosi-tiɛfa lase di Subael suoto, babisuɔtɔbi nɔɔ ku banantii nɔɔ, lefosi-banyɔ21lefosi-naafa lase di Matitia suoto, babisuɔtɔbi nɔɔ ku banantii nɔɔ, lefosi-banyɔ22lefosi-nɔɔnle lase di Yeremot suoto, babisuɔtɔbi nɔɔ ku banantii nɔɔ, lefosi-banyɔ23lefosi-kuɔnle lase di Hanania suoto, babisuɔtɔbi nɔɔ ku banantii nɔɔ, lefosi-banyɔ24lefosi-kuɛnsinle lase di Yosbekasa suoto, babisuɔtɔbi nɔɔ ku banantii nɔɔ, lefosi-banyɔ25lefosi-nɛnle lase di Hanani suoto, babisuɔtɔbi nɔɔ ku banantii, lefosi-banyɔ26lefosi-nansinle lase di Maloti suoto, babisuɔtɔbi nɔɔ ku banantii, lefosi-banyɔ27afosi-anyɔle lase di Eliata suoto, babisuɔtɔbi nɔɔ ku banantii, lefosi-banyɔ28afosi-anyɔ-lɛkasale lase di Hitir suoto, babisuɔtɔbi nɔɔ ku banantii nɔɔ, lefosi-banyɔ29afosi anyɔ-lɛnyɔɔfa lase di Gidalti suoto, babisuɔtɔbi nɔɔ ku banantii, lefosi-banyɔ30afosi-anyɔ-ditiɛfa lase di Mahasiot suoto, babisuɔtɔbi nɔɔ ku banantii nɔɔ, lefosi-banyɔ31afosi-anyɔ-lɛnaafa lase di Romanti-Eser suoto, babisuɔtɔbi nɔɔ ku banantii nɔɔ, lefosi-banyɔ Olekatakɔ N-yoko Banyuntɛ1Nnya mmle baasɛ ni n-yoko banyuntɛ nwu di akudi kamɛ: Di Kora batii kamɛ: Kore obisuɔtɔbi Meselemia, aale ni Asaf babisuɔtɔbi onwii lɛma.2Meselemia lawɛ babisuɔtɔbi: Sakaria niale obi kasale, Yediael ɔnyɔɔfa, Sebadia otiɛfa, Yarniel ɔnaafa,3Elam ɔnɔnle, Yehohanan okuɔnle Eliehoenai kafɔɔ okuɛnsinle.4Obed-Edom kafɔɔ lawɛ babisuɔtɔbi: Semaia niale obi kasale, Yehosabad ɔnyɔɔfa, Yoah otiɛfa, Sakar ɔnaafa, Netanel ɔnɔnle,5Amiel okuɔnle, Isakar okuɛnsinle Peuletai kafɔɔ ɔnɛnle. (Diekye Yaa lata Obed-Edom lɛtɔtrɔ.)6Obisuɔtɔbi nɔɔ Semaia kafɔɔ lawɛ babisuɔtɔbi ba niale ni batunletɛ di ote lɛma leyo kamɛ, diekye batii ba niatɛ baawo ni baale.7Semaia babisuɔtɔbi niale: Otni, Refael, Obed ku Elsabad; banantii nɔɔ Elihu ku Semakia kafɔɔ lale batii ba niawo nii.8Mba mmle bamuu lale Obed-Edom banantii; mma ku babisuɔtɔbi lɛma ku banantii lɛma lale batii ba niawo nii, baawɛ osie kafɔɔ baata ni ɔkpɛ nwu ɔbla- Obed-Edom banantii bamuu labla, afosi-akuɔ-banyɔ.9Meselemia lawɛ babisuɔtɔbi ku banantii, baale ni basuɔtɔ niawo nii- bamuu labla lefosi-banɛ.10Merari otii nwu Hosa lawɛ babisuɔtɔbi: Simri niale ɔkasale (kuntɛ ditale nnwɔɔ niale lelofo kasale yi, ote ladiki nwɔ aale ɔkasale),11Hilkia ɔnyɔɔfa, Tebalia otiɛfa, Sakaria kafɔɔ ɔnaafa. Hosa babisuɔtɔbi ku banantii bamuu labla lefosi-batiɛ.12N-yoko banyuntɛ ba mmle baasɛ ni, diafe ni di banɔɔfo lɛma suoto, lawɛ sɛkpɛ baata kasumu di SAATE nwu olekatakɔ, fɛ mmle okle di banantii lɛma lawɛ nii.13Baawii atrebi baata kayoko biala, di ayo lɛma kanya, babisɔ ku banɔɔfo kyɛkyɛ.14Kufĩkatunkɔ Kayoko atrebi owii nwu lase di Selemia suoto. Ninfɛ baawii atrebi baata obisuɔtɔbi nɔɔ Sakaria wɔ niale ni numbentɛ anta ni batii kɔkà, ni di Katookasɔ Kayoko atrebi owii nwu lase di suoto nɔɔ nɛ.15Kalakasɔ Kayoko atrebi owii nwu lase di Obed-Edom suoto, ni di asaakatɛkɔ atrebi owii nwu lase di babisuɔtɔbi nɔɔ suoto nɛ.16Kufĩkamɛɛkɔ Kayoko atrebi owii nwu ku Saleket Kayoko di katoo lɛkyɛ osuku lase di Supim ku Hosa suoto.Nyuntɛ biala ɔkpɛ lakyɛkyɛ ku nyuntɛ wo nɔɔ ole:17Lewi batii bakuɔ niawɛ di kufĩkatunkɔ Kayoko dii biala, bana di katookasɔ dii biala, bana di kalakasɔ dii biala, banyɔ, banyɔ kafɔɔ di asaakatɛkɔ n-yoko nwu.18Kaflɔnkɔ ka niawɛ ni di kufĩkamɛɛkɔ lɛkyɛ yi, bana lawɛ di osuku, ni di banyɔ lawɛ di kaflɔnkɔ nwu kamu nɛ.19Mba mmle niale n-yoko banyuntɛ akudi ya niale ni Kora ku Merari banantii nɛ.
Olekatakɔ Sɛkpɛ Bamba
20Lewi batii wo lɛma niayila di Yaa leyo kotontɛkɔ ku asaa ya baakleklesa ni asaantɛkɔ kanya.21Ladan banantii ba niale ni Gerson batii diafe ni di Ladan suoto ku mba niale ni Gerson otii nwu Ladan ayo kamɛ banɔɔfo, niale Yehieli nɛ.22Yehieli babisuɔtɔbi niale, Setam ku obilɛma-suɔtɔbi Yoel nɛ. Mma niayila di SAATE nwu olekatakɔ kotontɛkɔ kanya nɛ.23Di Amram batii kamɛ, Yishar batii, Hebron batii ku Usiel batii.24Mose obisuɔtɔbi Gersom ɔnantii, Sebuel niale ɔnɔɔfotii wɔ niayila ni di kotontɛkɔ nwu kanya nɛ.25Banantii nɔɔ diafe ni di Eliesa suoto niale: obisuɔtɔbi nɔɔ Rehabia, obisuɔtɔbi nɔɔ Yesaia, obisuɔtɔbi nɔɔ Yoram, obisuɔtɔbi nɔɔ Sikri ku obisuɔtɔbi nɔɔ Selomit.26Selomit ku banantii nɔɔ niayila di kotontɛkɔ nnya mmuu di asaa ya di Ɔka Dawid, ayo kamɛ banɔɔfo ba niale ni bakpɛtɛ kanyabayilatɛ di nkpe ku alafa kanya, ku bakpɛtɛ bamba kanyabayilatɛ lakleklesa ni nɛ.27Baakleklesa kakpɛ kamɛ asaa ya awo baayɔ ni di kakpɛ kamɛ baata SAATE nwu olekatakɔ ololaa.28Ni baayɔ lɛsaa biala le di asaanyatɛ, Samuel ku Kis obisuɔtɔbi Ɔka Saul, Ner obisuɔtɔbi Abner ku Seruia obisuɔtɔbi Yoab lakleklesa ni, ku asaa bamba ya amuu baakleklesa ni baakpee di Selomit ku banantii nɔɔ nnɛɛ nɛ.Lewi Batii Bamba Sɛkpɛ
29Di Yishar batii kamɛ yi: Sɛkpɛ se baata ni Kenania ku babisuɔtɔbi nɔɔ ditale olekatakɔ ɔkpɛ, mma niale banɔɔfotii ku bakantɛ di Israel suoto nɛ.30Di Hebron batii kamɛ yi: Hasabia ku banantii nɔɔ- basuɔtɔ sientɛ kakpe-alafa-akuɛnsĩ. Mma niayila kaanya di Israel, di Yordan kufĩ kamɛɛkɔ baatɔɔbla SAATE nwu kasumu ku ɔka sɛkpɛ simuu nɛ.31Hebron batii mma yi, Yeria niale ma ɔka di ayo lɛma kamɛ ayooto kanya. Ni di Dawid sɛka olebee di alɛɛ afosi-ana kamɛ, baawolaa akũ kamɛ, ni baawɛ basuɔtɔ sientɛ di Hebron batii kamɛ di Yaser di Gilead nɛ.32Yeria lawɛ banantii nkpe-nnyɔ-alafa-akuɛnsĩ, baale ni basuɔtɔ sientɛ ku ayo kamɛ banɔɔfo, ni di Ɔka Dawid layɔ ma aase di Ruben batii, Gad batii ku Manase-kɔna kakyɛ kanya aata ɔlaa biala niɛkaako ni Yaa ku ɔka sɛsaabla nɛ.The Seed Company