2 بطرس2
1إِيوَا زِي زِيش كَّرن شَا ن لْأَنْبِيَا جَار شَّعْب سْنعْمِيڒن وَاهَا. أَمنِّي عَاوذ إِي د غَا كَّرن شَان يمْسڒْمَاذن جَارَاوم زَعْمَا. س ثْنُوْفْرَا يثَرَّاسن-أَ اَذ سِيذْفن تَّعْلِيم ن لْبِدَاع جَارَاوم إِݣ يسْفنَّان وَاهَا. أَذ نْكَرن وَاخَّا ذ سِيذِيثْسن إِي خَاسن يخدْجْسن لْفِدْيَا. يِيْنَا ذغْيَا تَاوِين-د ڒفْنَا خ يِيخف نْسن.2أَطَّاس إِي غَا يقلّْدن ڒقْبَاحث نْسن. خ سَّبَاب-أَ وَانِيتَان يوْذَان اَذ زبّْڒن ذݣ وبْرِيذ ن لْحَقِيقَا.3عْلَاحْسَاب اَعدِّيس نْسن اَذَاوم شّن ڒْمُوْخ س وَاوَاڒن إِي تْسَايَاسن وَاهَا. مشْحَاڒ زݣ وَامِي لْعِقَاب نْسن عَاذ يتْرَاجَا-ثن وَار يتطّص شَا.4إِيوَا شُوْف، قَا أَربِّـي وَار يحِنّ شَا خ لْمَلَائِكَاث وَامِي ث عْصَانْت، ئِرُوْح يقنّ-يثنْت س سْنَاسڒ ينْضَر-يثنْت ذݣ يِجّن ن ثَادْجسْت ذ ثَبرْشَانْت ذِي لْأَخِيرَا مَانِي غَا رَاجَانْت يُوْم لْحِسَاب ذ لْعِقَاب.5وَار يحِنّ شَا عَاوذ خ دُّنشْت-أَ ن زْمَان اَقْذِيم وَامِي خَاسن د يسهْوَا يجّن ن طُّوْفَان ن وَامَان خ يِنِّي وَار ذَاس يتْطِيعِين شَا. تُوْغَا يحْضَا غِير نُوْح ونِّي يتْبشَّارن س ڒْحَقّ ذ يِجّن ن سبْعَا اَكِذس.6ئِعَاقب عَاوذ أَربِّـي ثَنْدِينْت ن سَدُوْم ذ ثنْدِينْت ن عَمُوْرَا يسّشْمض-يثنْت يَارِّي-ثنْت ذ ثَعجَّاجْث ن يِيْغذ وَاهَا، ئِݣِّي-ثنْت ذ لْعِبْرَا خ مِين يتْرَاجَان إِ يِنِّي وَار ذَاس يتْطِيعِين شَا.7ئِسنْجم أَربِّـي غِير لُوْط نتَّا ذ يجّن ن بْنَاذم إِي يدْجَان نِيْشَان ثسْخيَّاق-يث ڒقْبَاحث ن لْمُفْسِدِين.8مِينْزِي اَرْيَاز-أَ يتْعِيش جَار لْمُفْسِدِين نِيْشَان، ئِتتّ-يث وُوْڒ نّس كُڒ نْهَار عْلَاحْسَاب ڒفْعَايڒ نْسن ثِعفَّانِين ذ مِين يتسْڒَا ذ مِين يتْوَاڒَا.9أَمُّو عَاوذ يسّن أَربِّـي اَذ يسنْجم يِنِّي إِي ذَاس يتْطَاعَان زِي ڒمْحَاين إِي خَاسن د يتكّن. ئِسّن عَاوذ اَذ يقّن ينِّي يعصَّان سْوَادَّاي لْحُكم نّس حتَّا ٱڒ يُوْم لْحِسَاب ذ لْعِقَاب.10خَاصَّتَان يِنِّي يݣُّوْرن ذݣ وبْرِيذ ن شّهْوث إِݣ يسخْنِيزن بْنَاذم ذ يِنِّي يتْسحْقَارن سُّلْطَا.
ئِثَرَّاسن-أَ ذَايْسن زْعَامث ن تَّكبُّر، وَار تݣّْوْذن شَا اَذ ينِين اَوَاڒن وَار يحْڒِين خ لْمخْلُوْقَاث ن وجنَّا.11قَا لْمَلَائِكَاث وَاخَّا غَارْسنْت جّْهذ ذ ثْزمَّار كْتَار زݣ يثَرَّاسن-أَ، وَلَكِن تَاݣِينْت اَثن تَاهْمنْت س وَاوَاڒن وَار يحْڒِين زَّاث إِ مَوْلَانَا.12ئِثَرَّاسن-أَ نِثْنِي قَّارن اَوَاڒن وَار يحْڒِين خ ثْمسْڒَايِين وَار فهّْمن شَا. نِثْنِي ݣِّين اَم ڒُوْحُوْش يقفْڒن اَم لْحَيَوَانَاث يدْجَان س طَّبِيعَا نْسن يوْعَارن. خڒْقن-د يثَرَّاسن-أَ بَاش اَذ تْوَاطّْفن اَذ تْوَانْغن مَامّش تْوَانقّن ڒُوْحُوْش.13أَذ تْخَاڒَاسن عْلَاحْسَاب مَامش ݣِّين، أَذ تْوَاضَرّْمن مَامّش ضَرّْمن نِثْنِي يوْذَان.
مڒَا زهُّوْن ذِي ثْفَاوْث ن ؤُزِيڒ تحْسَابن مَانَايَا ذ اَصبْحَان. نِثْنِي ذ يخْشِيْون ذ ڒْعِيبَاث، زهُّوْن س شّهْوث نْسن يسْتْوَاغَرَّان خْمِي تْمُوْنْسِيون اَكِذْوم.14ثِيطَّاوِين نْسن غِير خزَّرنْت ذِي زّْنَا، وَار تْجِيْوِيننْت شَا س ڒْمُعْصِيَاث. نِثْنِي تْحدْجَاقن-د يِنِّي وَار يتجْهِيذن شَا ذِي لْإِيمَان، ؤُوْڒَاون نْسن تْرِينَارن ذِي طّْمَع. نِثْنِي ذ ثَارْوَا ن نَّعْڒث.15فّْغن اَبْرِيذ نِيْشَان ودَّرن، طّْفن اَبْرِيذ ن نَّبِي بَلْعَام مِّس ن بِعُوْر نتَّا تُوْغَا يتعْجِيب-اَس تْخَاڒُوْس ن شَّرّْ.16نتَّا ثنْهَا-ث ثغْيُوْڒْث نّس خ شَّرّْ نِّي؛ ثَغْيُوْڒْث نِّي ذ يجّن ن لْحَيَوَان ذ ثَزيْزُوْنْت ثسِّيوڒ س يِجّن ن ثْمِيْجَّا ن بْنَاذم ثسْبدّ ثُوْبُّوْهْڒِيَا نّس ن نَّبِي نِّي.17ئِثَرَّاسن-أَ نِثْنِي ذ ڒَعْنَاصڒ بْڒَا يَامَان ذ ثَايُّوْث إِي ثْندّه لْعَصِيفَا وَاهَا. نِثْنِي ثتْوَاسّوْجذ-اَسن يجّن ن ثَادْجسْت ذ ثَبرْشَانْت اَطَّاس.18سمْغَارن يخف نْسن س وَاوَاڒن يخْوَان. س ڒقْبَاحث نِّي ن شّهْوث ن بْنَاذم تْحدْجَاقن-د يِنِّي يَالَّاه عَاذ يَروّْڒن زݣ يِوْذَان إِي تْعِيشن ذِي لْغَالَط.19ضمْنن-اَسن يثَرَّاسن-أَ لْحُرِّيَا إِ يِوْذَان وَلَكِن يِـيْنَا بَاب نْسن نتَّا ذ ڒفْنَا. ڒَاحقَّاش مِين يتحْكَامن خ بْنَاذم نتَّا ذ بَاب نّس.20شُوْف، ئِثَرَّاسن-أَ مڒَا تُوْغَا سّْنن سِيذِيثْنغ عِيْسَى لْمَسِيح اَروْڒن زِي ڒوْسخ ن دُّنشْت-أَ سّنِّي عَاوذ عقْبن-د حْنُوْنّْضن ذَايس يذْوڒ يحكّم خَاسن، أَتَاف اَنݣَّارُو نْسن يقْسح كْتَار زݣ ومزْوَارُو نْسن.21مَعْلِيك تُوْغَا عمَّارْص وَار سِّينن شَا ڒُوْصِيّث نِّي ن ڒْحَقّ إِڒِي حْسن زِي مڒَا سّْنن-ت، سّنِّي سمْحن ذِي ڒُوْصِيّث-أَ ثَمْقدّسْت إِي ذَاسن د يمُّوْشن زِي قْبڒ.22ئِوْقع ذ صَّح مِين يقَّار لْمِثَال: <أَقْزِين يعْقب-د اَذ يشّ مِين د ينْصر> نِغ <ثِڒفْث يعُوْمّن ذݣ وَامَان ثذْوڒ-د اَذ تحْنُوْنّض ذݣ ؤُرْوِيض.>
ئِثَرَّاسن-أَ ذَايْسن زْعَامث ن تَّكبُّر، وَار تݣّْوْذن شَا اَذ ينِين اَوَاڒن وَار يحْڒِين خ لْمخْلُوْقَاث ن وجنَّا.11قَا لْمَلَائِكَاث وَاخَّا غَارْسنْت جّْهذ ذ ثْزمَّار كْتَار زݣ يثَرَّاسن-أَ، وَلَكِن تَاݣِينْت اَثن تَاهْمنْت س وَاوَاڒن وَار يحْڒِين زَّاث إِ مَوْلَانَا.12ئِثَرَّاسن-أَ نِثْنِي قَّارن اَوَاڒن وَار يحْڒِين خ ثْمسْڒَايِين وَار فهّْمن شَا. نِثْنِي ݣِّين اَم ڒُوْحُوْش يقفْڒن اَم لْحَيَوَانَاث يدْجَان س طَّبِيعَا نْسن يوْعَارن. خڒْقن-د يثَرَّاسن-أَ بَاش اَذ تْوَاطّْفن اَذ تْوَانْغن مَامّش تْوَانقّن ڒُوْحُوْش.13أَذ تْخَاڒَاسن عْلَاحْسَاب مَامش ݣِّين، أَذ تْوَاضَرّْمن مَامّش ضَرّْمن نِثْنِي يوْذَان.
مڒَا زهُّوْن ذِي ثْفَاوْث ن ؤُزِيڒ تحْسَابن مَانَايَا ذ اَصبْحَان. نِثْنِي ذ يخْشِيْون ذ ڒْعِيبَاث، زهُّوْن س شّهْوث نْسن يسْتْوَاغَرَّان خْمِي تْمُوْنْسِيون اَكِذْوم.14ثِيطَّاوِين نْسن غِير خزَّرنْت ذِي زّْنَا، وَار تْجِيْوِيننْت شَا س ڒْمُعْصِيَاث. نِثْنِي تْحدْجَاقن-د يِنِّي وَار يتجْهِيذن شَا ذِي لْإِيمَان، ؤُوْڒَاون نْسن تْرِينَارن ذِي طّْمَع. نِثْنِي ذ ثَارْوَا ن نَّعْڒث.15فّْغن اَبْرِيذ نِيْشَان ودَّرن، طّْفن اَبْرِيذ ن نَّبِي بَلْعَام مِّس ن بِعُوْر نتَّا تُوْغَا يتعْجِيب-اَس تْخَاڒُوْس ن شَّرّْ.16نتَّا ثنْهَا-ث ثغْيُوْڒْث نّس خ شَّرّْ نِّي؛ ثَغْيُوْڒْث نِّي ذ يجّن ن لْحَيَوَان ذ ثَزيْزُوْنْت ثسِّيوڒ س يِجّن ن ثْمِيْجَّا ن بْنَاذم ثسْبدّ ثُوْبُّوْهْڒِيَا نّس ن نَّبِي نِّي.17ئِثَرَّاسن-أَ نِثْنِي ذ ڒَعْنَاصڒ بْڒَا يَامَان ذ ثَايُّوْث إِي ثْندّه لْعَصِيفَا وَاهَا. نِثْنِي ثتْوَاسّوْجذ-اَسن يجّن ن ثَادْجسْت ذ ثَبرْشَانْت اَطَّاس.18سمْغَارن يخف نْسن س وَاوَاڒن يخْوَان. س ڒقْبَاحث نِّي ن شّهْوث ن بْنَاذم تْحدْجَاقن-د يِنِّي يَالَّاه عَاذ يَروّْڒن زݣ يِوْذَان إِي تْعِيشن ذِي لْغَالَط.19ضمْنن-اَسن يثَرَّاسن-أَ لْحُرِّيَا إِ يِوْذَان وَلَكِن يِـيْنَا بَاب نْسن نتَّا ذ ڒفْنَا. ڒَاحقَّاش مِين يتحْكَامن خ بْنَاذم نتَّا ذ بَاب نّس.20شُوْف، ئِثَرَّاسن-أَ مڒَا تُوْغَا سّْنن سِيذِيثْنغ عِيْسَى لْمَسِيح اَروْڒن زِي ڒوْسخ ن دُّنشْت-أَ سّنِّي عَاوذ عقْبن-د حْنُوْنّْضن ذَايس يذْوڒ يحكّم خَاسن، أَتَاف اَنݣَّارُو نْسن يقْسح كْتَار زݣ ومزْوَارُو نْسن.21مَعْلِيك تُوْغَا عمَّارْص وَار سِّينن شَا ڒُوْصِيّث نِّي ن ڒْحَقّ إِڒِي حْسن زِي مڒَا سّْنن-ت، سّنِّي سمْحن ذِي ڒُوْصِيّث-أَ ثَمْقدّسْت إِي ذَاسن د يمُّوْشن زِي قْبڒ.22ئِوْقع ذ صَّح مِين يقَّار لْمِثَال: <أَقْزِين يعْقب-د اَذ يشّ مِين د ينْصر> نِغ <ثِڒفْث يعُوْمّن ذݣ وَامَان ثذْوڒ-د اَذ تحْنُوْنّض ذݣ ؤُرْوِيض.>
Wycliffe Bible Translators, Inc.