Mark16

1บั๊ดมื้อสะบาโตก๊ายแล่ว มารีย์ฮุนมักดาลา มารีย์เม๊ห๊องยากอบ กับนางสะโลเม ไปซื้อเทรื๊องหอมเย้อด๋าเอาไปชโลมศพห๊องวั๊ว2ยามมื้อเช้าวันอาทิตย์ บัดดวงอาทิตย์หึ๊นแล่วซุมแม่บึ๊กด๊ะม๊าที่หลึ๊บฝังศพ3และกำลังน๊อยกิ๊นกร๊ะเด๋อด๊าม๊าซ๊วยกลิ้งก๊อนรี๊นนี่เท๊วค๊อยปากหลื๊บ4เย้อกร๊ะ พันขี้รี๊นก๊อนบึ๊ก ฮักซุมแม่บึ๊กแนมแล๊นขี้รี๊นก๊อนแน๊นกลิ๊งเท๊วแล่ว5บั๊ดซุมแม่บึ๊กเห๊าตีเหน่อหลึ๊บด๊ะแล๊นพ่อซายแอ๊งหนึ๊งเส๊อกะเพี๊ยะย๊สีฮ๊าวนั่งอยู๊ที่แน๊นเหร่าด๊ะหล๊วด๊ะต๊อกจื๊อ6พ่อซายแอ๊งแน๊นนีอยนางกร๊ะ อย่าต๊อกจื๊อเถ๊าะ ไทเจ้ามาส๊อพระเยซูฮุนนาซาเร็ธผู้ทิ๊ถึกขึ๊งที่กางเขนห๊าไห๊ วั๊วพันหึ๊นค๊อยปร๋ายแล่ว วั๊วโบ๋ได่อยู๊โบ๊กนี่ เห๊อแล๊นโบ๊กทิ๊วางพระศพห๊องวั๊วเถ๊าะ7ไทเจ้าเห๊อไปโหร๊ลึ๊กศิษย์และเปโตรเถ๊าะ กร๊ะ วั๊วด๋าเสด็จตีเพียงกาลิลีก่อนเจ้า ไทเจ้าด๋าแล๊นวั๊วโบ๊กแน๊นคือทิ๊วั๊วน๊อยกับเจ้ากรื๊อแล้วแน๊น8แมบึ๊กอ๊างแน๊นกึ๊งเท๊วค๊อยหลื๊บหนีเปร๋อ เย้อคึดพักคึ๊ดต๊อกจื๊อจนทรั๊วสั่น ซุมแม่บึ๊กโบ๋ได่น๊อยนำผะเด๋อเย้อหล๊าว9หลั๊งค๊อยวั๊วทรงพันหึ๊นม๊าพันมื้อเซ้าห๊องมื้อสะบาโต วั๊วด๋าปรากฏกับมารีย์ฮุนมักดาลา คือมารีย์แอ๊งทิ๊วั๊วร๊างม๊างเจ็ดทรั๊วแน๊น10มารีย์กึ๊งไปน๊อยปะฮุนที่เคยอยู่นำวั๊ว ขณะทีซุมเหร่าไก๊ไต๊พันทุกข์จื๊อ11บั๊ดซุมเหร่าได้งิ๋นกร๊ะ วั๊วยังโบ๋ปร๋ายและมารีย์แล๊นวั๊วแล่ว เหร่าด๋าโบ่เซื่อ12หลังจ๊ากเหตุการณ์อ๊างนี้วั๊วปรากฏทรั๊วแด๋าลึ๊กศิษย์สองแอ๊ง ขณะที่ซุมเหร่ากำลังย๊างเท๊วไปมะล๊อกเพียง13ลึ๊กศิษย์สองแอ๊งแน๊นกึ๊งหล๊บม๊าน๊อยลึ๊กศิษย์แอ๊งอื่นแต่เหร่าด๊ะโบ๋เซื่อ14หลังจ๊ากแน๊นวั๊วด๋าปรากฏทรั๊วกับลึ๊กศิษย์สิเอ็ดแอ้งขณะที่เหร่านั่งกิ๋นเกว๊าอยู่ วั๊วด๋าติเหร่าเหน๊อเรื่องเจี๊ยนคึ๊ดพักแลจื๊อดื้อด้านเย้อกร๊ะเหร่าโบ๋เซื่อฮุนที่ได่แล๊นวั๊ว บัดวั๊วทรงพันหึ๊นจากเจี๊ยนปร๋าย15วั๊วน๊อยจ๊อเหร่ากร๊ะ เห๊อไทเจ้าเท๊วไปประกาศข่าวประเสริฐแด๋ปะฮุนดอแอ๊ง16เด๋อเซื่อและรับบัพติสมาด๊าด๊ะรอด ฮั๊กเด๋อโบ๋เซื่อด๋าถึกลงโทษ17มีฮุนเซื่อทิ๊เหน่อหมายสำคัญอ๊างนี้ด๋าเกิดหึ๊นโบ๊กแน๊นคือซุมเหร่าด๋าร๊างม๊างโดยนามห๊องฮอย เห่าด๋าน๊อยภาษาแปร๊ก18เหร่าด๋าจับมั๊งได้ด้วยมือเปล๊า แค๊นเหร่ากิ๋นยาพิษเด๊อเด๊อด๋าโบ๋พันอะทาและซุมเหร่าวางมือเทิ๊งคึ๊นฮุนโอ๊ม ฮุนอ๊างแน๊นด๋าดี๊โอ๊ม19ต๊อม๊าพระเยซูองค์พระผู้พันเจ้าน๊อยโหร๊ทอยเหร่าแล่วพระเจ้าด๋ารับวั๊วหึ๊นไปส๊างสวรรค์ นั่งที่เบื้อขวาพระหัตถ์ห๊องวั๊ว20ซุมลึ๊กศิษย์กึ๊งเท๊วไปเทศนาสั่งสอนด๊อโบ๊กด๊อบ๊อน แล่วองค์พระผู้พันเจ้่าทรงฮิดงานนำเหร่าเห๊อมีหมายสำคัญเหน๊อดอโบ๊กที่ได่สั่งสอนเรื๊องห๊องวั๊วแน๊น

Empower Asia Bible Translation Movement

https://app.library.bible/content/8b0087e5dba74931