Agalatiya6
1Abale wanga ngati mkamwona mundhu fulani walakwila, basi anyiimwe mchogozedwa ni mzimu wa Mnungu muonyeni mundhu mmeneyo wasiye vichito vake, nambho mchite chimwecho kwa upole, mku ni mjhipenyelela dala mwachinawene simdalowa mmayeso.2Mthangatilane anyiimwe kwa anyiimwe kwakuchita chimwecho simkwanilichwe thauko la Kilisito.3Mundhu waliyonjhe wakajhiona kuti iye ni wamate, nikumbe osati wamate wajhinyenga mwene.4Nambho kila mundhu wajhipenyecheche mwene. Ngati ivo wavichita ni vabwino pamenepo siwakhale ni ndande ya kujhidama mkati mwake ni asati mkati mwa mnjake.5Pakuti kila mundhu siwalangidwe kuchokana ni vichito vake.6Uyo wayaluzidwa mau la Mnungu wamgwilize oyaluza wake vonjhe vabwino ivo wavipata.7Simdanyengeka, Amnungu sachitidwa chipongwe. Icho wavyala mundhu nde icho siwakolole8Uyo wavyala mkumbilo la jhiko, siwakolole mmenemo chiwanangiko, nambho wakavyala pa chizimu wa Mnungu, siwakolole umoyo wa muyaya kuchokela kwa mzimu wa Mnungu.9Chipano tidalema kuchita ubwino, pakuti ngati sitilenda sitikolele vokolola pa ndhawi yake.10Mchimwecho pakuti tili ni ndhawi, tachitile wandhu wonjhe vindhu vabwino, ni hasa achabale anjathu yawo amkhulupilila Kilisito.11Penyani umo nakulembelani kwa malembo ya yakuluyakulu kwa janja langa namwene.12Anyiwajha afuna aoneke abwino kwa vindhu va chitupi, achaameneo nde afuna kukukakamizani anyiimwe mchitidwe mtulidwe. Achita chimwecho kwa chifukwa chimojhipe, dala achinawene sadavutichidwa ndande ya mtanda wa Kilisito.13Pakuti achinawene yao achitidwa mdulidwe sagwila thauko, nambho afuna anyiimwe mchitidwe mdulidwe, dala akhoze kujhidamila mdulidwe wachitika mmathupi yanu.14Nambho ine sinijhidamila chalichonjhe, nambho nijhidamila nyifa ya Yesu Kilisito pamtanda, kuchokana ni nyifa yake vindhu vonjhe va jhiko lino vilibe mate kwanga, umoyo wanga wa kale wapachikidwa niiye pamtanda.15Kuchitidwa mdulidwe kapina kosachitidwe mdulidwe asati chindhu chamate, chamate ni kukhala choumbidwa cha chipano.16Niwonjhe yawo sakhulupilile, nafunila mtendele ni lisungu ni kwa wandhu a Mnungu Izilaeli.17Chipano mundhu waliyonjhe siwadanichauchanjho, pakuti pa thupi langa nili ni mawala ndande ya kumtumikila Yesu Kilisito.18Abale wanga, mwawi wa Ambuye wathu Yesu Kilisito ukhale nianyiime. Ikhale chimwecho.
The Word for the World International