उत्पत्ती36
1एसाव जो एदोम बी कोवाअहे, तियाआ ए पारवाड़ी होय.2एसावे कनानी पोर्यीइरी वेहेवाले कोअयो; मोन्ज्ये हित्ती एलोनोअ पोर्यी आदाअरी, आन ओहोलीबामाअरी जे अनाअ पोर्यी आन हिव्वी सिबोन तियीइ वोडाब्हू ओतू.3फाशीइ तिये इस्माएलोअ पोर्यी बासमतेएरी बी वेहेवाल कोअयो, जे नबायोतोअ बोअह्हीं ओती.4आदा एसावोपरोत एलीपज, आन बासमते रूएलोहो जल्म आप्यो.5आन ओहोलीबामा यूश, आन यालाम, आन कोरहोह जल्म आप्यो. एसावोहो एज पोर्या कनान देसोम उबज्या.6ताहरुउ एसाव तियाआ लाडहीं आन पोर्ये, आन कोअमेर्येए आखे जनवारे, आन तियाआ मेडेन बोकड़े, वासड़े, एतोज नाहां पोन कनान देसोमेहें मेलवीइल्यी आखी मालमिलकत लेत कोइत तियाआ पाही याकोबोअ जागे रोत बिहीरा देसोम जातु रोयू.7काहाके तियांआं मालमिलकत एतीही ओत गोयीते के ते बेनू एठ्ठाज नाहां रोत सेक्या; आन तियांपोअ कोर्येए जनवारे जाअखीलेहे तिहीं वाअहीं तिया देसोम, जिहीं ते पारका ओतकोइत रोताते, ते बेनू ने होमाइत सेक्या.8एसाव जो एदोम बी कोवाअहे, सेईर नावोअ डोगर्याआ देसोम रोनु वोल्यू.9सेईर नावोअ डोगर्याआ देसोम रोनारा एदोमीइ मुख्य माटी एसावोअ पारवाड़ी ए होय.10एसावोअ पोर्याअ नावे एं होय; एसावोअ लाडी आदाअ पोर्यू एलीपज, आन तियाज एसावोअ लाडी बासमतेए पोर्यू रूएल.11एलीपजोअ पोर्याआ नावे एं होय; तेमान, ओमार, सेपो, गाताम, आन कनज.12एसावोअ पोर्या एलीपजोअ तिम्ना नावोअ एक उप-लाडी ओती, जियी एलीपजोपरोत अमालेकोहो जल्म आप्यो: एसावोअ लाडी आदाअ पारवाड़ीम एज उबज्या.13रूएलोअ पोर्या ए होय; नहत, जेरह, शम्मा, आन मिज्जा: एसावोअ लाडी बासमतेए पारवाडीम एज उबज्या.14ओहोलीबामा जे एसावोअ लाडी आन सिबोनोअ बेटाह्हा अनाअ पोर्यी ओती, तियीइ पोर्या ए होय: यूश, यालाम, आन कोरह.15एसावोअ पारवाड़ीइ डाया ए होय: एसावोअ डाया पोर्या एलीपजोअ पारवाडीम रोत तेमान, ओमार, सेपो, कनज,16कोरह, गाताम, अमालेक: एलीपजोअ पारवाड़ीमेर्याआ, एदोम देसोमेहें एज ओवा: आन एज आदाअ पारवाड़ी होय.17एसावोअ पोर्या रूएलोअ पारवाड़ीमेर्याआ डाया ए होय; नहत, जेरह, शम्मा, मिज्जा: रूएलोअ पारवाड़ीमेर्याआ, एदोम देसोमेहें एज ओवा; आन एज एसावोअ लाडी बासमतेए पारवाड़ी होय.18एसावोअ लाडी ओहोलीबामाआ पारवाड़ीमेर्याआ ए डाया होय; यूश, यालाम, कोरह: अनाअ बेटिह्ही ओहोलीबामा जे एसावोअ लाडी ओती तियीइ पारवाड़ीमेहें एज ओवा.19एसाव जो एदोम बी कोवाअहे, तियाआ पारवाड़ी एज होय, आन तियांआं डाया बी एज ओवा.20सेईर जो होरी नावोअ जातीइ ओतू, तियाआ ए पोर्या एदोम देसोमेहें पेलरोत रोताते: लोतान, शोबाल, सिबोन, अना,21दिशोन, एसेर, आन दिशान: एदोम देसोमेहें सेईरोअ एज होरी जातीइ डाया ओवा.22लोतानोअ पोर्या, होरी आन हेमान ओता; आन लोतानोअ बोअह्हीं तिम्ना ओती.23शोबालोअ पोर्या ए होय: आल्वान, मानहत, एबाल, शपो, आन ओनाम.24सिदोनोअ पोर्या ए होय: अय्या, आन अना; ओ तोज अना होय जियाहा उजाड़ीम तियाआ आब्हा सिबोनोअ गोदड़े सारता सारतामेहें उना पाअयोंअ वोखली सापड़्यी.25अनाअ दिशोन नावोअ पोर्यू ओवू, आन तियाज अनाअ ओहोलीबामा नावोअ बेटिह्ही उबज्यी.26दिशानोअ पोर्या ए होय: हेमदान, एश्बान, यित्रान, आन करान.27एसेरोअ पोर्या ए होय: बिल्हान, जाबान, आन अकान.28दिशानोअ पोर्या ए होय: ऊस, आन अरान.29होरीइ डाया ए ओवा: लोतान, शोबाल, सिबोन, अना,30दिशोन, एसेर, दिशान; सेईर देसोमेहें होरी जातीइ एज डाया ओवा.31जेहेलाम इस्राएलोपोअ कोड्लोज राजे राज्य ने कोअयोतो, तेहेलाम एदोमोअ देसोमेहें ए राजा ओवा;32बोरोअ पोर्यू बेला एदोम होयरोम राज वापर्यो आन तियाआ राजधानीइ नाव दिन्हाबा होय.33बेला राजा मोल्यू, तिहींइं फासाड़ी बोस्राम रोनारु जेरहोअ पोर्यू योबाब तियाआ जागापोअ राजा बोण्यु.34योबाब मोयू तिहींइं फासाड़ी तेमानीइ देसोम रोनारु हूशाम तियाआ जागापोअ राजा बोण्यु.35फाशुउ हूशाम मोयू तिहींइं फासाड़ी बेदादोअ पोर्यू हादाद तियाआ जागापोअ राजा बोण्यु: ओ तोज होय जिये मिद्यानवालाहां मोवाबोअ देसोम हारवी देदे, आन तियाआ राजधानीइ नाव अबीत होयर होय.36हादाद मोयू तिहींइं फासाड़ी मस्रेकाअ रोनारु सल्मा तियाआ जागापोअ राजा बोण्यु.37सल्माआ मोयू तिहींइं फासाड़ी शाऊल जो वोडी नोयीइ आहने रहोबोत गावोंअ ओतू तो तियाआ जागापोअ राजा बोण्यु.38शाऊल मोयू तिहींइं फासाड़ी अकबोरोअ पोर्यू बाल्हानान तियाआ जागापोअ राजा बोण्यु.39अकबोरोअ पोर्यू बाल्हानान मोयू तिहींइं फासाड़ी हादार तियाआ जागापोअ राजा बोण्यु: आन तियाआ राजधानीइ नाव पाऊ होयर होय; आन तियाआ लाडीइ नाव महेतबेल होय, जे मेजाहबोअ बेटाह्हा मत्रेदोअ पोर्यी ओती.40एसावोअ पारवाड़ीइ डायाआ नावे जातीइ आन रोअलाआ जागाआ पुरमाणे तियांआं नावे एं होय: तिम्ना, अल्वा, यतेत,41ओहोलीबामा, एला, पीनोन,42कनज, तेमान, मिबसार,43मग्दीएल, ईराम: एदोम पारवाड़ीवाला जो देस तियांआं ताबाम कोइत लेदोतो, तियाआ रोअलाआ जागामेहें तियांआं एज डाया ओवा; एदोमी जातीइ मुख्य माटी एसाव होय.
The Word for the World International