3 योहान1
1माआं मेरालु पाही गायस याहा मडड़ीइ डायु योहानोअ तरफ से, जियापोअ माआं खोरी मेर होय.2मेराला पाही, जेहलुहू तु हाजी हुतेहे होय तेहलुज तु आखी गोठीमेहें हाजी हुतेहे आन नेरु रोअहूं जोवे एहलिही आंय ताअकाजे प्रार्थना कोअहो.3काहाके, तु सत्यापोअ सालेहे एहलिही विश्वासी पाही माआं जागे आवित ताआ बाप्तिमेहें साक्शी आप्यी, जियापोअ तु खोराखोर सालेहे, ताहां आंय खुब खुस ओत गोयू.4माआं पोऱ्ये सत्यामेहें सालतेहे ओं उनाइत माहूं जे खुसी ओवेहे याअ रोत जाअखी खुसी बिहीरी कोड्लीज गोठीम नाहां.5माअ मेराला पाही, जों काम तुमे विश्वासी पायहोंअ काजे आन ओजाण्याआं काजे बी कोअहे, तों खुब इमानदारी वाईं कोअहे.6तियां मंडड़ीइ सामने तुमे कोअल्या मेरेए साक्शी बी आप्यीही, देवोहो पोटेहे एहलोहो तियांहां तु वाटे लागाड़ही ताहां हाजो कोअही.7काहाके तें ख्रिस्ताआ नावोअ काजे बारथे निहींयेहे आन बिगर विश्वासी माअहूं पोअ रोत किज नाहां लेते.8तिहीं वाईं एहेला माहुंउं आपू मदत कोअहूं जोवे ताहां आपू बी सत्यामेहें तियांअरी भागिदार बोणित सेकहूं.9मंडड़ीही आंय वाहींज लेख्योतो; पोन, तिहींइं तो दियुत्रिफेस जियाहा तियांआं डायु बोणिइलोअ ओतो, तियाहा काजे तो आमाआं स्विकार नाहां कोअतू.10पोन आंय तिहीं आविहीं तेहेलाम तियाआ कामें देखाड़ी देहीं. तो आमाआं बाप्तिमेहें फोगायी कांय कांय कोतू फिरेहे, एताज वाअहीं तियाहा होक नाहां आवतू, आन आपाअ ख्रिस्ती पायहोंहों बी तो नाहां स्विकारतु, पोन उलटू जें स्विकारुहूं होदतेहे तियांहां बी रुकेहे आन तियांहां मंडड़ीम रोत बारथे काडी देहे.11माआं मेराला दोस्ता, जों बाक्त ओय तियाहा नाहां पोन जों हाजो ओय तियाहा होय तोइत साल. काहाके जो हाजो काम देवोअ तरफ से होय. जों बाक्त काम कोअहे, तिये देवोहो नाहांजी पाल्यो.12देमेत्रियुसोअ बाप्तिमेहें आखे हाजीज साक्शी आपतेहे, आन आमू बी तियाआ बाप्तिम कोताहा, आन तुमुहूं मुंदूज होये के आमाआं साक्शी खोरी होय.13माहूं ताअकाजे खुब गोठी लेखीइली जी होये, पोन पेनेन सहीवाईं नाहां लेखीइलो.14आशा कोअहो के आंय ताहूं वेगुज मिलीहीं, तेहेलाम आपू हुंबाहूंब मिलीत गोठी मिकहूं.15देवोअ शांती तुमाअरी रोअहूं जोवे. ताआ दोस्ती ताहूं सलाम कोताहा. तिहींवाला आखा दोस्ताहां नावे तोइत सलाम कोयोहो कोत देजी.
The Word for the World International