Isaiah43
1Dede cu RAMPAUBE ainzwa rang, ncu dam kegaibe, Jacob, nah marehi gage ncu tei kegaibe, Israel:“Ngngi diso, kedanemene Ih ncu kelilu da; Ih ncu nzi gade qulu da, nang au agu.2Nang duidung ga kahpet kecu dau, Ih ncu ngngwa la zie; nah hereuki dung kahpet kecu dau penui nreu ngam di lak.Nang mi ga kah pet kecu dau ncu ru dilak, nah miheu dung ne ncu tei msia di lak.3Kedanemene Ih RAMPAUBE nnui Tinggwang, Israel Tinggwang kemcibe, nnuide keli beu kelabe.Ncu rilu kera pemi ziemne Ih Egypt de ha, Ethiopia nah Seba le ncu rehiak.4Nang au a miakngau gade pemi hung nah mlang kecune, Ih ncu ku;ciziemne Ih ncu rehiak kerane mina de ha zie, nah n teilung ziemne mi kedamedung de rehiak zie.5Ngngi di so, kedanemene Ih ncu ngngwa la;Ih naimiak kepetle de n minadung de ngngwa gwang zie, nah ncu kenlwetle de hekwa lu zie. 6Ih tingpeule de rang zie, ‘Penui ba gage kaibeu,’ nah tingbangleme de, ‘Penuide teu caili so,’Kemdei gade a napeimedung de ngngwa gwang lu, nah a napuime dungde kemdei renam kideudung gade, 7keheibe de a zi gade qu kegaime, Ih a kendu ziemne dam kegaime, Ih ne perehi tei kegaime, yeo, Ih ne tei kegaime.8Miakcitme de ngngwa mpet lu, penui miak bam liede, nah kwenpangme de, penui kwendung bam liede.9Heleuhdung pelane hekwa lu, nah minadung ngkwa lu.Cauge penui kakgade aide rang lubui no nah pedwa tei kedidung de rang lu kera?Peu penui katei penui mzeu lie kecu zierang tei kera ngngwa gwang lu, peu penuide siu lu nah cilu eh ndugailu, ‘Cide au kesang.’10Nnui au a zierangbe,” RAMPAUBE ndu gai, “nah a kilabe Ih ne kedet kelube,ciu eh nnui ci lu nah acu nlum lu zie, nah Ih pa lie kecu ci lu zie.A dwa ga rabe kedadung gede gah nah a cai de kette bam lak. 11Ih au RAMPAUBE, nah kelikelube keda gah dede Ih rünne.12Ih ndugai dida, keliluda, nah ranggai, nah nnui kakga rabe keda gede gah.Nang a zierangbe,” RAMPAUBE ndu gai, “Ih au Tinggwang.13Henai tingba gade Ih au pa,nah a ba gade migede mi keheibe de keli gai lak. Ih tei gai zie, nah cau ge cide teu caili lulai?”14RAMPAUBE ainzwa rang, nnui gu Kelikelube, Israel gu Kemcibe:“Nnui ziemne Ih Babylon ga langgai nah penui pelane de ngngwa gwang zie pak kelame de nzwa,Babylonme suiyi de tei nreu pwa kehap leidung tei di.15Ih au RAMPAUBE, nnui gu Kemcibe, Israel dam kegaibe, nnui Gwangpei.”16RAMPAUBE ainzwa rang (cau ne jaaidi ga lampui ngkei beu no nah dui kedidung ga lampui,17caune bagi nah hekwen de teu mpet beu no, reugwame de nah kengkieng minabe de. Penui kau mie nsam di;penui cuh dai silak; penuide tei ngkap dida, maca ru kebamde nzwa mmüt dida.)18Dede RAMPAUBE rangla, “Ndaa gwang kedibe hadung cet la so, mede ndaa tei kedidung de mning bam so.19Pielo, Ih ma keheci tei lai eh bam; cu cide tei ndeu bam dida; nang cide ngau meni?Ih hangdeuketsai deu ga lampui tei zie nah renaamkang ga duireuki dung. 20Luh ga renaam kaunedung de acu rüt zie, maiserung nah ruitiedung de,kedanemene Ih hetaideu ga dui peu la, nah hangdeu ketsai ga hereukidung,Ih ne kedet kelumedung de peu sak kera,21aipau minadung Ih akatei ziemne tei kelume,penui a kendu de ndulu kerane. 22RAMPAUBE rangla, “Dede nnui acu qugai ma, Jacob; nnui acu ngau leu dida, Israel.23Nnui nnui gu meuründung acu keru ratakdung tei kera teugwang beu ma,mede nnui ratakdung pwa acu rüt luma. Ih meiciu mapeudung le pwa nnui püt tei rüt dima, mede perim kehengui kie eh tei leu dima.24Nang a dage kekum rimdung keugwang beu ma rangkang de si eh, mede nnui ratak cadung rui mpet gai beu ma;dede nnui maudung pwa a püt tei rütdi, nnui kemau tahdung tei eh acu tei leu dida.25Ih, yeo, Ih, au n mau akatei a ziemne keugi di kelabe; nah Ih n mau madau gede nsung si dai lakta. 26Tei kedidung de peu acu nsung gai lo. Anui pekiebe ngngwa resiu nsam go; nnui tei kedidung de teugwang lu, nnui mzeu lie kecu cilu kerane.27Nnui pau raitume kemau tei di, nah nnui muiteumedung a dage kemau tei gai di.28Cine Ih nnui reu kedimedung de a kerecaki tei hera di; Ih Jacob reu gage ngkap zing kera teugwang gai, nah Israelme de peu hengam tei dizie.”
Bridge Connectivity Solutions Pvt. Ltd.