Isaiah3
1Pielo, Rampaube reugwame reu RAMPAUBE Jerusalem nah Judah gade maleune keuteu di lau dakengha nah taktyei: tangku peu kela pelane nah dui peu kela pelane,2mina kengkiengme nah reugwame, tutiakme nah caihakecime, reka zaiteu kelame nah kecingme,3riakngei reu kedibe nah hetwakepung minadung, puisau keteime, bata teicitume nah ma rang kecime.4“Ih rehang ngkieng kemak gede kaipwa penui muiteudung tei zie, nah kehename ne penui peureu kedi tei zie.5Minadung de teikeherei süt zie, hangge ge ne keda gede, nah hangge ge ne pe kidabe de;hename kecingme de rangmsia zie, nah kemta kaudung hetwa kepungme de keneu kie zie.6Mige pe pei ki gade pe sinabe de kecang de tui luzie‘Nang au ba nni kera bam; anui muiteube teilu, aipau kengkap de peu n ba gade lulo,’ de rang zie.7Cipau nai pa sah eh rang zie,‘Ih tei kengkeibe gailak; Ih tangku mede paiheni de gah.Nnui acu peu minadung reu kedi tei gailak.’”8Jerusalem de ngkap dida, nah Judah kaumie dida,kedanemene penai marang gade nah penai batadung gade RAMPAUBE de renia kedine, pe keyi kendu de mlai eh.9Penui zu gade ngau kegai penuide kemmau keulia la; nah penui Sodom nzwa penui kemau rang; penui cide kebai ma.Penui da lungrei! Kedanemene penui katei penuide ngkap cangsiak di delu.10Kesamsangme dage rangbeulo cide au yiki lie kecu, kedanemene penui tateidung tsi tyei zielu.11Co kenlienme! Cide pe ziemne siasüt gwang zie, kedanemene pe badung le mide tei keherei kegaide pe dage teigai zie kecune.12A minadung, penuide mneu kelame au henamedung ne, nah mipuidung ne penui reu di dizie.A minadung nnui muiteume nnuide saulia maula nah nnui lampui tei kebwak dila.13RAMPAUBE kesia tah de mmau kera ziemne sap lie; pa au kesiaketeime de mmau kera sap bam.14RAMPAUBE pe mina hangkiamedung de nah muiteumedung de tutiak kemmau ga nzang gwang zeu:“Nnui kubeluh ngkap dida; kegahme dade süt kelu le nnui ki kaipui luda.15Daitei nnui a minadung de tei kecai nah kegahme de rüttakcai lano?”Reugwame reu RAMPAUBE Tinggwang aide ndugai.16RAMPAUBE rangla, kedanemene Zion mepuidung ngang kecune,penui ngwang tei mtie lwe tetla,kemla miakpiedung teu, penui pikiet keceu gade tetla,penui pikidung ga tangsuinedung kehio kwa teila.17Cine Rampaube Zion napuidung peudung gage kemcak jam tei gaizie,nah RAMPAUBE cidungde tei kwak dizie.18Cipaunai Rampaube penui dade hezukeyidung keugi dizie hetageu pikap, peukang riadung, hekei mie kenzwabe heteidung,19pekwen mlidung, hetadung, nah hezu kegumpai;20peuzui pai, pikap geudung, kiakangdung nah perim kehengui bungdung, nah kehemeudung.21Pa bakapdung nah mingkie geudung keugi dizie;22hengyi paidung, mcwadung, hezu kegumpai, lokodung;23heba miakpiebungdung, langcimpai keyibe, peuzuidung, nah kehezudung.24Perim keyi kehengui nding gade cika perim siatube zie; nah kiakangge nding gade, heria ge;pe peutam lamlui hemi pwa bam kera nding gade, pe peukwak dizie; nah kedi paini nding gade, roso paige le kezui;hezukeyi nding ga de hengam bam zie.25Nnui mipeidung kingtie dade kaumie dizie, nah nnui mipei kengking medung hereu gade kaumie dizie.26Jerusalem kiriedung suisiet kwa nah hei eh hap zie, nah pa pekatei rünne di eh kideureu ga ntumbam dizie.
Bridge Connectivity Solutions Pvt. Ltd.