Luke20

1อะลาลอย ตอน เยซู มะสอน ตอง หนา ออลาง ตาพูง พะ โบสถ์ บะนา เจ้า ปุโรหิต ตอง บัน อาจารย์2แล้วมะกาว หนา เยซู "มาหยาก หนา กาโมย เบง หนา อำนาจ หนาตา ล้า ทีเบาะ บูโดย มอย อะจา มอน อำนาจ หนา เบง"3แล้ว เยซู มะกาว หนา พอเอง "โจย มะแนะ ตอง เบง อะคำ ป้า มะกาว หนา โจย เดะ4หยู บัพติศมา ตะ หอห์น หยู นาดิน นอง กะเนียง หรือ มะนุด"5พอเอง ยีบัง อะแหง "ถ้า แอ ต้า กาว นาดิน นอง กะเนียง หนา กอ มะแนะ เบาะ นอ มะเชีย หะ ตอง หอห์น6แต่ ถ้า หนา มะกาว "นาดิน นอง มะนุด "อมะนุด ตาพูง ปาลัง นอง บาโตย หนา แอต้า เพาะ ยอห์น หยู หนา เป็น กะตี่ แมสา สีดา"7แล้ว พอเอง มะกาว "กาโมย ดัน หะ นาดิน นอง ตำ"8เยซู มะกาว หนา ออลาง ตาพูง "โจย มะกาว หะ หนา กาแหย โจย เบาะ บูโดย นอง อำนาจ บีตำ"9แล้ว เยซู มะสอนออน ออลาง ตาพูง แนงา "หนา กาไน อะบอ เบาะ กอมา บวก หยา มะออน ออลาง กอมา ชาวา แล้ว นา ลาเกา มะแอม พะ พูงา อะเซ็ง10ตอน ก้า ยำ หยา หยา มาตัด แมสา ลาเกา วัง กะตี่ ออลาง กอมา หยู นองมะออน บวก หยู แบง ตอง เจ้า แต่ ออลาง กอมา หยู หยา เคาะ ตอง แมสา หยู แล้ว มะตุย ออน ลาเกา ไพ งัน ยะ11เจ้า กอมา หยา มาตัด แมสา อะบอ ลาเกา แต่ บันหยู มะเคาะตอง เบาะ บานำ นอง มาจำ ตอง แมสา หยู แล้ว มะตุย ลาเกา นอง งัน ยะ12เจ้า กอมา หยู หยา มาตัด แมสา กะตี่ ที ตะลอย แต่ ออลาง ชาวา กอมา หยู เบาะ ลอล้อ มาเก็ด แล้ว มะตุย ลาเกา13แล้ว เจ้า กอมา บวก มะกาว "โจย เบาะ ชีพา อะมอน โจย มาตัด อะนาด รัก อะบอ โจย ลาเกา พอเอง หยู ยอม นอง หยา14แต่ พอเอง ออลาง ชาวา กอมา ปะนา อะนาด นอง หนาหยด "กะตี่ โดย หยู หนา ดะหอกนอง หยา มอน กาโมย มอนูก หยา เบาะมอย บะนา ของ หยู ดะหอก ตะกา มอย"15นอง หยู พอเอง มะตุย หยาลาเกา พะ ตะเอา กอมา แล้ว มอนูก หยา นองบูหยู เจ้า กอมา เบาะชีพา นา หยา มอย16หนา เบาะ ลอเตาะ หนา กอมา บวก หยู ออน หนา ออลาง อะเซ็ง" ออลาง หยู ตาพูง ที แนงา ตาพูง มะกาว "นะออนเป็น บูหยู ละ"17เยซู มอง หนา พอเอง แล้ว มะกาว "นอง บูหยู คำมะเขียน หยู บะกู ชีา ล้า "บาโตย ตะมะเขียน คำ สีดา หยู ที ออลาง ชัง บายิน หยู เป็น บาโตย ตะหวะ18มะนุด ตาพูง ที ปะเลาะ เยา บาโตย หยู ลอล้อบะกะ ถ้า ปะเลาะ ทับ อะจำ กะตี่ หยู ลอล้อปะจะ"19นอง ออลาง อาจารย์ ตอง ปุโรหิต มะดัน ที เยซู มะสอน หยู มะกาว ก้า พอเอง เอง พอเอง งอด งัน ตอง เยซู แต่ พอเอง ลากอด นอง บะนา มะนุด20พอเอง มอย ไพ มอง นอง เยซู ยะ แล้ว มะใช้ นอง ดาดุม นอง พอเอง หยู เบาะ ออน อะแหง ตอง ออลาง มะนุด หยู ออนมะกาง ผิด หนา เยซู21แล้ว พอเอง หยู มะแนะ หนา เยซู "โอ้ อาจารย์ กาโมย มะดัน ที อาจารย์มะสอน ตอง ยาลาน แน ตอง ปาไซ หะ หนา อะจำ แต่ มะสอน นอง สีดา แนแน22เยา ก้า ที มาหยาน ห้อง ออน นอง ซีซาร์23เยซู มะกาว หนา พอเอง24ต้า มะตัด ห้อง หนา โจย อะเหนียญ นอง ห้องหญู หนา กามา อะจ้า25แล้ว เยซู มะกาว หนา พอเอง "ของ ตะ ซีซาร์ กอ มะออน นอง ซีซาร์ ของ ของ สีดา กอ มะออน นอง สีดา"26พอเอง หยู มะงับ คำ ผิด มะกาว นอง เยซู มอย หะ แต่ แมงา คำ มะกาว ตะ เยซู แตะ กาว แบด หะ27หนา ออลาง สะดูสี ดาดุม นาดิน วัง เยซู พอเอง หยู มะเชีย หะ มะนุด มาไต หยู งอเล็บ มอยบาและ มอย28พอเอง มะแนะ นอง เยซู "เจ้า อาจารย์ ทีโมเสส มะเขียน "ถ้า กาไน มาไต แล หนา บีนัย แต่ หนา หะ อะนาด มะออน หนา ลูอุย หยู มะรับ นอง หวา เป็น บีนัย มอย มอย หนา อะนาด ออน นอง อะก้า29หยา หนา ลูอุย กาไน ลูยูก ดีลุย กะตี่ อะก้า หนา บีนัย หนาหะ อะนาด30ลูอุย ที ทุหวา31ตอง กะตี่ ที ตะลอย หยู รับ ตอง หวา หยู เป็น บีนัย ทัง ลูยูก หยู กอ เทา มอย หะ อะนาด แล้ว มาไต32นอง บูตุด บีนัย หยู กอ มาไต33นอง บูหยู อะลอย ที นางอน นอง มาไต บีนัย หยู เป็น บีนัย อะจ้า เพาะ หยา หยู เป็น บีนัย ทัง ลูยูกดีลุย"34แล้ว เยซู มะกาว "มะนุด ทาลุย โดย ลีกะ ตอง ปก ออน เป็น กาไนบีนัย35แต่ ออลาง ที ลีกะ นอง ทาลุย คะนา แล้ว นางอน นอง มาไต หยู หนาหะ ลีกะ ตอง มะปก หะ กาไนบีนัย36นอง แน หยู พอเองมาไต มอน อะขะ เพาะ พอเองดะห้อก นอง มางัด แล้ว เป็น อะนาด สีดา37ยาลาน โดย สีดา เบาะ ออน มาไต แล้ว นางอน บาและ หยู โมเสส เบาะ ออน ปะนา นอง ยาลาน พุมกะแอ นอง หยู มะหอง "สีดา ตะ อับราฮัม สีดา ตะ อิสอัค ตอง สีดา ตะ ยาโคบ"38หยา เป็น หะ สีดา ตะ ออลาง มาไต แต่ เป็น สีดา ตะ ออลาง มะนุด เพาะ นอง สีดา หยู ตาพูง เป็น เด้"39อาจารย์ ดาดุม มะแนะ หนา เยซู "เจ้า อาจารย์ มะกาว อะมอน โต้"40นอง พอเอง มะหาน อะขะ แนะ หนา เยซู41เยซู มะแนะ หนา พอเอง " กะตี่ เยา แมเลียก หย เป็น ดะหอก นอง ดาลาก นอง ดาวิด เป็น มอย ชีพา ล้า42นอง ดาวิด มะเขียน มะอาก นอง สดุดี "สีดา มะกาว โอ้ เจ้า สีดา ตะโจย" ออน มะดอก พะ นานาน โจย43แตะ เบาะ อน ออลาง เยา หะ นาโจย เป็น ตะ ลอง กาไก เบง"44นอง ดาวิด มะหอง นองหยา โอ้ เจ้า สีดา แล้ว เจ้า เป็น ดะหอก นอง ดาลาก ดาวิด มอย ชีพา ล้า"45นอง ออลาง ตาพูง แนงา หยู เยซู มะกาว ตอง บะนา แมสาสาวก หยา46"ออน บาก้า หนา ออลาง อาจารย์ มอมอน บัน ที รัก มะลอบ บายี กูนุบ ลาเกาแอะดบ แอะโดย ทีรัก ออน ออลาง มะทั พะ ดายา หยู รัก ที มะดอก พะ ตะหวะ47พอเอง รัก แกโซ นอง ออมาก บีนัย บาโลย ตอง พายา แมตา มะนะ มะอวด นอง ออลาง พอเอง บันโดย ตอง มะเยา โทษ ผิด อะดะ

Son Light Foundation

https://app.library.bible/content/86fc02e206994549