Meng Klo6
1Aw malauüa klangiung, en kowh klanguüa tawng kowi chow cham kowi khai?Aia dow tawng mih tiama prakowi chow cham mang mih tek diah,nahanow aia kowi dow en hown anging natawi ia cham kown towbowt.2Ang kowh klanguüa dow aia kowh nam iungma mih bakan kowi kowkowi khai;Aia dow bakan kowi krawi len hanow krawi klek lili pau khai.3Ang kowh klanguüa dow ang kowh chekhai,ang dow aia kowh malauüa chekhai.Aia dow lili pau khang kowi thing ruapur khai.4Aw ang kowh manau, en dow Tirza marow iawng klangiungma chekhai,en dow Jerusalem marow iawng klangiungma chekhai.En kowh klangiungra dow ruang tamkhuown mih siphaiuüa iawng chekhai.5En kowh mik mük dow ang hownia cham plengta diah.Tawngplawng kowchow panow en kowh mik dow piakta ang sak khai.En kowh sam dawng krang dow Gilead süng hownia kowh uang dowm mih rua hawmh iawng chekhai.6En kowh iüngün dow uang mang tui luk mih ruapurma iawng akawma chekhai;amatni kowh dow achum uowi bowk chekhai,lowkchow paw tama dowi chekhai.7Lumowr khu müa uan takra kowi en kowh awm mih aringma chekhai;nami dow dalim uih pra iawng aringma chekhai.8Mang kowh dow amasi 60 ia hai changla masi mih narma 80 ia uowi chepaw naia kown,now manau akawmma uowi chepaw naia kown.9Tawkche ang dow lowk iachow kowi chowtaih ang naukhi khai,aia dow ang kowh klangiungma mih kaurawng uatur chekhai;aia iawng mih malauüa dow amiapaw uowi dowi chekhai.Aia dow a-u kowh chama lowkchow mih chekhai,aia kowi dow a-u lainowmma sakrauah khai.Masiuüa hawmh dow aia kowi prasira uowima pahai tek pe reng chekhai,now mang masiuüa hai changla masi mih narma hawmh paw aia kowi kiowah reng chekhai.10Amatni tek mih, “Uar thowi iawng uang tatüng mih nami masiuüa mia chow?Lama iawng klangiungma mih nami masiuüa mia chow?Sat iawng tawk mih nami masiuüa mia chow?Ruang tamkhuown mih siphai hawmh iawng klangiungma mih nami masiuüa mia chow?” pakhai.11Ang dow lawngrawi kowi pau thar khowk chünchü mih nauang mü kownkow,grep ruih kowi pau chen uowi khowk chünchü mih nauang mü kownkow,now dalim singh kowi pau thar khowk chünchü mih nauang mü kownkowmadam süng kowi ang uang mih chekhai.12 Ang dow mang kowh kawrnga kari kowi chowm khe kowh iawngawmrawm lai kowh sak thü dukluk khai.13Aw Sulam chenchap malauüa, uang plan bowt, uang plan bowt;lainowmma anging khi en kown nau khowk.Naiawng rakowi uang plan bowt, uang plan bowt.Klanguüa kowh laiklow :Aw amün ama uowi dowi mih malauüa, uang plan bowt, uang plan bowt,lainowmma ang khi en kown ang nau khowk.
The Seed Company