Isai55
1CHAKRAMANG tek mih, “Tui sakkrai miuüa low, tui ria kowi uang büa diah;tangka pawisa uowi dowi mih maru paw uangah now pauang tawi kham lah.Uang büa diah, asung kla dowi kowi grep tui hai iawn tui uang tawi paw büa diah.2Chakkham nadowi mih uanh kowi tawngplawng kowchow nakhowk pe tangka kown?Du dowi mih chaing kowi tawngplawng kowchow enni nachang lup kown?Sünta, ang laiklow sünta, now tawng mih chow iung nami cha diah;achak lang iung mih cha büah hanow piaw büa diah.3“Ang laiklow kowi pe param diah, ang tut-e uang büa diah,enni nasingla kownkow ang kowh laiklow chün büa diah.Achur uowi dowi mih sakraura hown David tut-e ang takham khai,nami iawng enni hown chowngchowng saksakma mih sangbowk laitawm ang natatow kown.4Sünta, David kowi dow chenchapuüa tut-e saksi,aluchow hai siphai aluchow ang thawpah khai.5Lainowm, enni tukah dowi mih chenchapuüa kowi enni nahawah kown,tuk enni dowi miuüa dow iowm se iowm se enni tut-e nauang kown.Tawngplawng kowchow panow ang CHAKRAMANG enni kowh Thurai,Israel kowh chimsaima mih Thurai pe enni rowsira khowk,” pakhai.6CHAKRAMANG kowi ka cham reng tak khe aia kowi krawi cham diah,atawnchow aia uowi khe aia kowi hawah diah.7Maru ngak dow aia kowh tiama pacham nuata lah,chang ngak mih maru dow aia kowh angak tuak maten pacham nuata lah.Aia mih CHAKRAMANG prakowi pacham plan lah,nahanow aia kowi CHAKRAMANG nasanaah kown taih.Aia dow a-i kowh Thurai prakowi pacham plan lah,nahanow aia kowi dow Thurai nalawtah kown taih.8CHAKRAMANG tek mih, “Ang kowh tuak dow enni kowh tuak iawng nadowi,ang kowh tiama paw enni kowh tiama iawng nadowi.9Lusa lak-e mukuang lang lowng chekhai;nami iawng enni kowh tiama lak-e ang kowh tiama lang lowng chekhai,now enni kowh tuak lak-e ang kowh tuak lang lowng chekhai.10“Uang hai nang tui dow mukuang hownia uang dowh khai,now lusa kowi pela tui dowi matchang plan dowi chekhai.Nami uang hai nang tui dow uih-ien pantawn kowi pe uih pe pauah khai,now naiawngün uih-ien pantawn chak miuüa kowi peah chakkham reng chekhai.11Nami iawng ang nawr hownia kowh lawt mih laiklow dow aiawnglowma uang plan dowi chekhai,nami laiklow dow ang tekta iawng nachang lup hanow ang kowh sangkrangra mih nape tachiah kown.12“Enni mih apiawma hown Babulawn hownia nalawt kown,now thaulangma hown ang napawla enni kown.Hungma mawngma mih atün atünma natek meng kown,now dowm kowi kowh singh kau maten naphek rut kown.13Enni pren kowi dow chuh mung takcha sidar singh naru kown,now chuh singh takcha naingsa singh naru kown.CHAKRAMANG kowh ming iung nang iung nauowila reng kownkownami dow chowngchowng saksakma vüi amatra iawng nauowi kown.Nami amatra dow tawng nam khe paw napiak kown nadowi,” pakhai.
The Seed Company