1 Krungchakuüa25
1Mang David hai Levi krungchak kowi kowh aluchowuüa dow Thurai chup kim kowi pe changah lup kownkow Asaf kowh krungchakuüa, Heman kowh krungchakuüa hai Jeduthun kowh krungchakuüa kowi lang kraah khai. Naiawng amatni kowi lang kraah mih dow tingteng, taraw, klingchow hai meng tün hown naia phuangla Thurai lai kownkow chekhai. Naiawngün lup chang miuüa dow2Asaf kowh chapa Zakur, Josef, Nethania hai Asarela büah chekhai. Amatni kowh lup kowi dow a-pa Asaf mih kruitownah khai, now mang David peah ana mih khin khe meng hown phuang Thurai lai büah khai.3Jeduthun kowh chapa Gedalia, Zeri, Jesaia, Simei, Hasabia hai Matithia büah chekhai. Amatni dow a-pa Jeduthun kruitownah mih iawng chang khai. Jeduthun dow tepla taraw se meng hown phuang Thurai lai khai, now Thurai kowi kiowah hai tek pe awmrawm lai khai.4Heman kowh chapa Bukia, Matania, Uziel, Sebuel, Jerimawt, Hanania, Hanani, Eliatha, Gidalti, Romamti-Ezer, Jawsbekasa, Malothi, Hothir hai Mahaziawt büah chekhai.5Naiawngünuüa laitali ia mih dow mang kowh risi Heman kowh chapauüa chekhai. Naiawngün chapauüa Heman kowi Thurai peah mih dow Heman kowi nape kürah ngamlam kownkow chekhai, now Heman kowh dow chama paw uowi sum ia chekhai.6Amatni bowkbowk dow Thurai chup kim kowi nachang lup kownkow amatni kowh pa Asaf, Jeduthun hai Heman büah kruitownah iawng uowi khai. Now mang kowh ana pek iawng amatni dow klingchow, tingteng, taraw hai meng hown rowsi Thurai khai.7Amatni kowh krungchak hownia CHAKRAMANG vüi rowsi meng tek atukma mih hai tünteu tep akiakma miuüa dow bowkbowk kowi 288 ia chekhai.8Now aiuk, asowm, tüngsang mih hai sang miuüa bowkbowk vüi kuak pe plang hanow amatni kowh lup dow tabowkah büah khai.9Naiawngün 288 ia maru kowi amatni dow laipre ia e pathum chi 24 thum changah khai. Rik kuakah mih plang kowi plang cha mih dow Asaf machak Josef ming chekhai, nami kung kowi dow Gedalia, nami kung kowi dow Zakur, nami kung kowi dow Zeri, nami kung kowi dow Nethania, nami kung kowi dow Bukia, nami kung kowi dow Asarela, nami kung kowi dow Jesaia, nami kung kowi dow Matania, nami kung kowi dow Simei, nami kung kowi dow Uziel, nami kung kowi dow Hasabia, nami kung kowi dow Sebuel, nami kung kowi dow Matithia, nami kung kowi dow Jerimawt, nami kung kowi dow Hanani, nami kung kowi dow Jawsbekasa, nami kung kowi dow Hanani, nami kung kowi dow Malothi, nami kung kowi dow Eliatha, nami kung kowi dow Hothir, nami kung kowi dow Gidalti, nami kung kowi dow Mahaziawt, now achur kowi kowh plang cha mih dow Romamti-Ezer ming chekhai. Naiawngün aluchow 24 ia miuüa hown dow amatni kowh chapauüa hai tasin taken miuüa uowi laipre ia chi chekhai.
The Seed Company