阅读Whakatauki 22

Whakatauki22

¹Engari te ingoa pai e whiriwhiria rawatia i ngā taonga nui,me te manakohanga aroha i te hiriwa, i te kōura.²Ka tūtataki te tangata taonga rāua ko te rawakore;ko Ihowā te kaihanga ō rātou katoa.³Ko te tangata tūpato, ka kitea atu e ia te hē, ka huna i a ia;ko ngā kūware, haere tonu atu, mamae tonu atu.⁴Ko te hua o te māhaki, ā, ko te wehi ki a Ihowā,he taonga, he hōnore, he ora.⁵He tātarāmoa, he māhanga kei te ara o te whanokē;ko te tangata ia e tiaki ana i tōna wairua, ka matara atu i ēnā.⁶Whakatupuria ake te tamaiti i te ara e haere ai ia,ā, ka kaumātua, e kore e mahue i a ia.⁷E whakatakoto tikanga ana te tangata taonga mō ngā rawakore;ā, ko te tangata i te nama, hei pononga ia mā te tangata nāna i whakatārewa mai.⁸Ko te kairui o te kino, ka kokoti i te hē;ā, ka kāhore noa iho te patu o tōna riri.⁹Ko te kanohi ohaoha, ka manaakitia tērā;e hoatu ana hoki e ia tētahi wāhi o tāna taro mā te rawakore.¹⁰Peia atu te tangata whakahī, ā, ka riro te ngangare;ka mutu anō hoki te totohe me te whakahāwea.¹¹Ko te tangata e matenui ana ki te ngākau mā,ko te kīngi he hoa mōna, mō te āhuareka o ōna ngutu.¹²Mā ngā kanohi o Ihowā e tiaki te tangata whai mātauranga,e whakatakā ana hoki e ia ngā kupu a te tangata kōpeka.¹³E mea ana te māngere, “He raiona kei waho;ka whakamatea ahau ki ngā huarahi!”¹⁴He poka hōhonu te māngai o ngā wāhine kē;ka taka ki roto tā Ihowā tangata e whakarihariha ai.¹⁵Paihere rawa te wairangi ki roto ki te ngākau o te tamaiti,otiia, mā te rākau o te whiu e pei kia matara atu i a ia.¹⁶Ko te tangata e tūkino ana i te rawakore kia maha atu ai he taonga māna,me te tangata hoki e hoatu mea ana ki te tangata taonga,ka tutuki rāua ki te mūhore kau.

He Whakatauki a te Hunga Whakaaronui

¹⁷Anga mai tōu taringa, whakarongo mai hoki ki ngā kupu a te hunga whakaaro nui,kia tahuri mai hoki tōu ngākau ki tōku mātauranga.¹⁸He mea āhuareka hoki, mehemea ka puritia e koe i roto i tōu kōpū,ki te ū ngātahi rāua ki runga ki ōu ngutu.¹⁹Kia okioki ai koe ki a Ihowā,koia i whakakitea ai e ahau aua mea ki a koe i tēnei rā – ki a koe nā anō.²⁰He teka ianei hira rawa ngā mea kua tuhituhia atu nei e ahau ki a koe,he kupu ako, he kupu mōhio;²¹kia mōhio ai koe ki te tūturutanga o ngā kupu o te pono,kia whakahokia ai e koe he kupu ponoki te hunga e ngare ana i a koe?

²²Kaua e pāhuatia te rawakore, nō te mea he rawakore ia,kaua hoki e whakatupuria kinotia te tangata iti i te kūwaha.²³Nō te mea ka tohea e Ihowā tā rātou tohe,ka pāhuatia anō hoki e ia te wairua o te hunga e pāhua ana i a rātou.²⁴Kaua e whakahoa ki te tangata pukuriri;kei haere tahi hoki koe i te tangata āritarita;²⁵kei ākona e koe ōna ara,ā, ka riro i a koe he māhanga mō tōu wairua.²⁶Kei uru koe ki roto ki te hunga papaki ringa,ki ngā kaiwhakakapi tūranga rānei mō te moni tārewa;²⁷ki te kāhore āu mea hei utu,hei aha i tangohia ai e ia tōu moenga i raro i a koe?²⁸Kaua e whakanekehia atu te rohe tawhitoi whakatakotoria e ōu mātua.²⁹Kei te kite rānei koe i tētahi tangata e uaua ana ki tāna mahi?Ka tū ia ki te aroaro o ngā kīngi;e kore ia e tū ki te aroaro o ngā ware.