Ihāia53
1Ko wai i whakapono ki tā mātou kōrero;i whakaaturia rānei ki a wai te ringaringa o Ihowā?2Ka tupu ake hoki ia ki tōna aroaro ānō he rākau wana,me te pakiaka hoki i te oneone maroke.Kāhore ōna āhuareka, kāhore hoki he pai; ā, ka titiro tātou ki a ia,tē ai he ātaahua e minamina ai tātou ki a ia.3I whakahēngia, i whakakāhoretia ia e te tangata;he tangata pōuri, kua mōhio hoki ki te tangi;ā, i āhua huna ngā kanohi ki a ia;i whakakāhoretia, kīhai hoki tātou i whakaaro ki a ia.4He pono, nāna ō tātou mate i pīkau,nāna hoki i waha ō tātou pōuri;ko tātou ia i mea, i tukitukia,i patua ia e te Atua, i whakawhiua.5Kāhore, i werohia ia mō ō tātou hē,i kurua mō ō tātou kino;nōna te whiunga i mau ai tō tātou rongo,kei ōna kārawarawa hoki he rongoā mō tātou.6Ko tātou katoa, ānō he hipi, kua marara kē,kua anga atu tātou ki tōna ara, ki tōna ara;nā Ihowā ia i mea kia tau iho ki a iate kino o tātou katoa.7I tūkinotia ia, i whakawhiua;heoi kīhai i kuihi tōna māngai;ānō he reme i ārahina ia kia patua,me te hipi hoki i te aroaro o ōna kaikutikuti e wahangū ana,kīhai i kuihi tōna waha.8Nā te tūkino, nā te whakawā, tangohia atu ana ia.Tēnā ko tōna whakatupuranga,ko wai o rātou i whakaaro kua wehea atu ia i te ao ora?He mahi hē hoki nā tāku iwi i patua ai ia.9Ā, ka whakaritea hei te hunga kino he urupā mōna;i te tangata taonga ia i tōna matenga;ahakoa kāhore āna mahi tutū,kāhore anō he tinihanga i tōna māngai.10Otiia, i pai hoki a Ihowā kia kurua ia; nāna ia i mea kia mamae.Ina meinga e koe tōna wairua hei whakahere mō te hē,ka kite ia i tōna uri, ka whakaroa i ōna rā,ā, ko tā Ihowā i pai ai ka āta oti i a ia.11Ka kite ia i tā tōna wairua i uaua ai, ā, tatū ana te ngākau;mā te mōhio ki a ia ka whakatikaia aite tini e tāku pononga tika;māna hoki ō rātou kino e waha.12Mō reira ka hoatu e ahau he wāhi mōna i roto i ō te hunga nui,ā, ka tū ngātahi ia me te hunga kaha i te taonga;mō tōna wairua i ringihia e ia ki te mate,ā, i taua ngātahitia me ngā poka kē;nāna hoki ngā hara o te tini i waha,nāna i wawao ngā poka kē.