Мал3
1«Теве Мый шке уверзем колтем,тудо Мыйын ончылнем корным ямдыла.Вучыдымын толеш шке храмышкыже тендан кычалме Озада,ойпидышын уверзыже, кӧм те пеш чот вучеда.Теве тудо толеш, – ойла Господь Саваоф. –2Кӧ тудын толмо кечыжым чытен кертеш?Тудын кончымыж годым кӧ шоген кертеш?Вет тудо коҥгасе левыктыше тул гай,эрыктыше конвӱд гай.3Тудо шийым левыктен эрыкташ шинчешда Левий эрге-влакым эрыкта,шӧртньӧ ден ший семын левыкта.Нуно Господьлан надырым чын кондаш тӱҥалыт.4Тунам, акрет кечыла ден ончычсо жап семын,Иуда ден Иерусалимын надырже-влак Господьлан келшыше лийыт.5Тендан деке Мый судым ышташ толам!Кӧмыт юзыланат, яжарланат, шояклен товатлат,тарлыме еҥлан пашадарым огыт тӱлӧ,тулык вате ден тулык йочам шыгыремдылыт,йот тукым еҥ-влакым темдат,Мый дечем огыт лӱд –тыгай-шамычым юватылде титаклаш тӱҥалам, –ойла Господь Саваоф. –6Вет Мый Господь улам, Мый ом вашталт,сандене те, Иаков эрге-влак, пытен огыдал.7Ача-кочада-шамычын илыме жап гычакте Мыйын кӱштымашем-влак деч кораҥыда,нуным шуктен огыда шого.Пӧртылза Мый декем,тунам Мыят тендан дек пӧртылам, –ойла Господь Саваоф. –Но те ойледа: ”Кузе мыланна пӧртылаш?”8Лиеш мо айдемылан Юмыным шолышташ?А те Мыйыным шолыштыда!Те йодыда: ”Кузе ме Тыйыным шолыштына?”Те луымшо ужаш ден пӧлек-влакым огыда кондо!9Каргымаш дене каргыме улыда,вет те, уло калык, Мыйыным шолыштыда.10Кондыза аралыме верлашке луымшо ужашым тичмашнек –тек Мыйын пӧртыштем кочкыш лиеш,да тыге Мыйым тергыза, – ойла Господь Саваоф, –тунам Мый тыланда кавасе окна-влакым ом поч мо,ӱмбакыда суапландарымашым тӱргоч ом йоктаре мо?11Лектышдам шурнышырчыклан пытараш ом пу,пасусо виноград вондыда саскадыме ок лий, –ойла Господь Саваоф. –12Тунам чыла калык тендам пиалан манын лӱмда,мландыда чонлан келшыше лиеш, –ойла Господь Саваоф. –13Те Мыйын ваштареш сӱрза шомакым каласенда, – ойла Господь.Но те маныда: ”Мом ме Тыйын ваштареш ойленна?”14Те манында: ”Юмылан служитлымаш – арам паша!Могай пайда Тудын кӱштымашыже-влакым шукташ,Господь Саваоф ончылно ойган чуриян кошташ?15Теве вожылдымо-шамычым пиаланлан шотлаш лиеш –осалым ыштыше-влак воранен илат,кеч Юмын чытышыжым тергат, нунын дене нимат ок лий”.16Но кӧмыт Господь деч лӱдыт,икте-весышт дене тидын нерген кутырат.Господь тидым колыштеш да колеш,да Тудын ончылно шарнымаш книгашкеТудын деч лӱдшӧ, Тудын лӱмжым шотлышо-влак нерген возат.17Мыйын палемдыме кечын нуно Мыйын лийыт,Мый нуным Шке калыкемым ыштем, – ойла Господь Саваоф. –Кузе ача мутым колыштшо эргыж деке поро,туге Мыят нунын деке поро лиям.18Тунам те угыч ойыртемым ужыда:кӧ чын ыштыше да кӧ осалым ыштыше,кӧ Юмылан служитла да кӧ ок служитле».
Institute for Bible Translation, Finland