Шорт.мур5
1Шарналте, Господь, мо мемнан дене лийын,ончал, кузе ме мыскылыме улына.2Мланде ден уло погына весе-влаклан логалын,пӧртна – йот тукым еҥын кидыште.3Кодынна ме тулык, ача деч посна,авана-влак лийыныт тулык вате.4Вӱднам ме тӱлен йӱына,шкенан пунам оксала налына.5Шӱйышкына шинчын, мемнам поктылыт –неле паша дене индырат, огыт пу шӱлалташат.6Кочкаш киндым йодын,Египет ден Ассирий дек киднам шуена.7Сулыкым ыштеныт ача-кочана-влак,нуно кызыт уке улыт, а осал пашаштлан мутым ме кучена.8Кул-влак мемнан дене озаланат,кидышт деч утарыше нигӧ уке.9Кинде лийже манын, илышнамат огына чамане,ир мландыште мемнам керде ваҥа.10Кугу шужымаш деч коваштына когарген,ме пуйто коҥгаште йӱлена.11Вате-влакым намыслат Сионышто,ӱдыр-влакым Иуда мландысе олалаште виешлат.12Он-шамычым сакен пуштыныт,кугурак-влак деке уке пагалымаш.13Самырык еҥ-влак вакшкӱ дене йоҥыштат,рвезе-шамыч пум нумалшыштла камвозыт.14Шоҥгыеҥ-влак капка воктене огыт шинче,огыт муро тетла рвезе-влакат.15Шӱм-чонна гыч йомын куан,куштымашым вашталтен ойгырымаш.16Камвозын вуйна гыч вуйшӱдыш –ойго мыланна, ме сулыкыш пуренна!17Садланак чонна орлана,теве молан шинчана вудакаҥын.18Сион курык пустаҥын,тушто тулпире-влак коштыт.19Тый, Господь, курымеш Кугыжа улат,Тыйын престолет – тукым гыч тукымыш.20Молан Тый мемнам монденат,кужу жаплан коден каенат?21Пу мыланна Тый декет пӧртылаш, да ме пӧртылына.О, Господь, ончычсо гай кече-влакым угыч пу мыланна!22Йӧршешлан мо мемнам Шке дечет кораҥденат,уке мо шыдетлан мучаш?
Institute for Bible Translation, Finland