Иов20
1Тунам Наама гыч Софар тыге вашештен:2«Вургыжтарыше шонымаш-влак вашмутым пуаш таратат,да мый нуным каласаш вашкем.3Шылталыше шомакетлан ӧпкелалтынам мый,уш-акылемже мыйым вашешташ тарата.4От пале мо: тӱҥалтыш гычак,кунам Юмо айдемым мландымбалне илаш вераҥден,5осалым ыштыше еҥын йывыртымашыже – кӱчык жаплан,Юмым шотлыдымо еҥын куанже – ик татлан?6Кеч тудын чапше кава марте шуэшда вуйжо пыл деке тӱкна –7шке шуржо семын йомеш курымешлан,тудым ужшо-влак йодыт: ”Кушто тудо?”8Омо семын чоҥештен кая – тудым огыт му,йӱдым ужмо кончымаш семын йомеш.9Тудым ужшо шинча тетла тудым ок шеклане,тудын лийме верже тетла тудым ок уж.10Йорло-влакын поро кумылыштым кычалаш тӱҥалыт йочаже-влак,тудын чыла агымыжым нуно пӧртылтат.11Тудын лужо самырык куатше дене темын,но тиде вий тудын дене пырля мланде пуракыш возеш.12Осал тудын умшажлан шерын чучешда осалым тудо йылмыже йымалне шылта гын,13тудым арала да ок колто,но умшаштыже куча гын,14ты кочкыш тудын мӱшкырыштыжӧ весемеш,кӧргыштыжӧ савырна кишке аярыш.15Нелме поянлыкшым тудо укшич шуа,ты поянлыкым Юмо мӱшкыржӧ гыч луктеш.16Кишкын аяржым тудо шупшеш,шемгишкын чӱҥгалмыже тудым пуштеш.17Ок уж тудо йогын ден эҥер-влакым,куштыжо мӱй ден шӧр йогат!18Мом ыштен налмыжым тӱкыде пӧртылта,парышлан куанже кужун ок шуйно –19вет йорло-влакым пызырен, шыгыремдылын,шупшын наледен пӧрт-влакым, кудым шкеже чоҥен огыл.20Шерже тудын темын огыл,опкынлыкшо дене чыла рожген –21тудын умшаж деч нимо утаралт кодын огыл.Садлан улан илышыже кужун ок шуйно –22перкелык годым чонжылан шыгырын чучеш,чыла туткар тудын ӱмбаке толеш.23Кунам тудо мӱшкыржым тич тема,ӱмбакше Юмо кугу шыдыжым колта,йӱр семын тудо кап ӱмбакше йога.24Кӱртньӧ саргурал деч куржын утла гын,той пикш тудым лӱен шӱта.25Капышкыже пикш пурада, шекш дене йылгыжын, тупшо гыч лектеш –колымашын шучкылыкшо тудым авалта!26Тӱп пычкемыш вуча тудын поянлыкшым,пытара тудым тул, кудым айдеме огыл ылыжтен,омашыштыже мо кодшым чыла пӧжга.27Кава почеш тудын титакшым,мланде шогалеш тудын ваштареш.28Йомеш тудын пӧртыштӧ улшо перкелык,вӱдйогын наҥгая мо улыжым Юмын шыде кечынже.29Теве мо вуча осалым ыштыше еҥым Юмо деч,теве мом тудлан Чылакучышо палемден!»
Institute for Bible Translation, Finland