James3
1Nhan móón adhi anó ưng aku, óóq ve bơk ngaai kalóóng adhi anó têêng thêi, ơi n'nal kơi nôôq he e phaai pei đơơp rau praaq xêi gamak lơh.2Taai nôôq he maar têêng lơt kalóóng bơk kơi. La ngaai manưih kah têêng lơt kalóóng bóóp praaq, hơq ađek nek manưih bhơt liêm, ve đuôh têêng kala bhơt plok achak.3La nôôq he tabóq janoom leq buum axeh đóng têêng piđó bâân xâng bóóp kơi nôôq he, hơq nôôq he keh đââng tabhơt achak ưng ađó.4Kung phaai lêi nôôq jatau ve dhanang gamak garóóq lơq bâân adhiiq karơ dhalươq kajêêq, bơơi dyóp beq jatau bâân kađââng yua tââq mưi benh gaai tagah katưưiq đóng tơk dhiq hơq tarnêêng ưng manưih gaai jatau kiêng vôôiq.5Makơi kơi achêk, n'taak nek mưi rau katưưiq bơơi val pajơơr nôôq tarnêêng gamak. Phaai lêi mưi par-aang óih katưưiq n'đó kơi óch róh mưi parah booiq gamak ng'kơi!6N'taak kung thê kơi óih, mưi talaang katiêk kah dhalam. N'taak bâân patơơt dhiq m'pơng nôôq kalóóng achak araang ưng nôôq he, têêng anhuq tabhơt achak lơq óch róh tabhơt klaang đơơi, hơq chênh ađó nek bâân óch róh kalóóng maraaih.7Dyóp rau adhah booiq, lơq achim adyóór, agung adyeeng lơq kadhóóng adhah taxiiq maar đuôh têêng kala lơq ơi bâân akóón manưih têêng kala.8Bơơi kah ngaai ve chóóm têêng kala dhiq n'taak, mưi rau têêng aak kah dhêi têêng panhôôn, bing chapââr tiêng chêt đok.9Palơq ađó nôôq he babóóch bhi haanh Chuôq lơq Ama, kung palơq ađó, nôôq he tóh karuuh akóón manưih, nek dhong nooi ơi bâân tavaaih ting kơi a-ô ưng Yaang Pleng.10Paraaq babóóch haanh lơq paraaq tóh karuuh gluh vaaih tââq kung mưi beq bóóp. Nhan móón adhi anó ưng aku, nôôq tarnêêng kơi ađek kah chóóm yuur vaaih.11Mưi paloong tóm tââq kung mưi tóm dhơl kah chóóm hóói gluh đơơk baq palơq miq đơơk atang kah alua?12Nhan móón adhi anó ưng aku, tââm tarung kah chóóm gluh bóóng pale ô-liiu? Môôiq tââm nho bóóng pale tarung, kah alua? Đơơk kariêq kung kah chóóm đóng gluh đơơk baq.13Ngaai manưih tabech galang lơq dyóp n'nal dhiq m'pơng adhi anó? Manưih achêk phaai pakah nôôq tarnêêng têêng ưng ađêi vaaih gluh tââq charnap mamông liêm kra kalóóng lóóm karnóq pakatưưiq ưng rau tabech galang.14Bơơi la adhi anó ve lóóm makhinh ahaaq atang lơq n'thaam malóóch kalóóng lóóm ađêi, hơq óóq parlaach pajơơr lơq praaq galơơk chachââr tarjơl palơq paraaq dhalam.15Ađô eh rau nek rau tabech galang dhaluônh leq tââq m'piing, bơơi nek rau chô leq hóng katiêk, manưih ti, abhưi abhóch.16Taai rau kađiq makhinh lơq n'thaam malóóch dhiq tơơt, hơq rau nhôôn nhaauq lơq dyóp tarnêêng môôp lơt tơơt dhiq ađek.17Palâh lóóiq, rau tabech galang tââq pleng laloom tââm nek sek tabah, tatun ađek nek malóóch kiêng tangêi bhuui khe yươq tarvei tarlak, moor dha-iiq, lóóm karnóq tarxâng bóóp, bing lóóm a-yô lơq nôôq pô pale liêm kra, kah paang-ra tadhơ lóóm, kah galơơk chachââr.18Pô pale ưng rau bhơt liêm bâân chêh kalóóng tangêi bhuui khe tââq nôôq manưih têêng tavaaih tangêi bhuui khe.
FAR EAST BROADCASTING COMPANY