नहेमया1
1हुंह आसा हाकालीओ शोहरू नहेमया, ज़ुंण काम मंऐं किऐ, तिंयां डाहै मंऐं ऐहा कताबा दी बाढै लिखी। नहेमया पल़अ एरुशलेम नगरीओ फिकर
हुंह नहेमया थिअ फारसी माहा राज़ै अर्तक्षत्रे राज़ा दी बार्हूई साला पोशै राज़धानी शुआ नगरी।2मेरै भाई-बंधा मांझ़ै आअ यहूदा मुल्खा का हनानी फारस देशा लै अर होर बी आऐ तेऊ संघै खास्सै मणछ। मंऐं पुछ़अ तिन्नां का तिन्नां यहूदीओ हाल ज़ुंण बाबेल देशे गलामी का फिरी डेऊऐ तै अर एरुशलेम नगरीए बारै बी पुछ़अ।3तिन्नैं खोज़अ मुखा, “ज़ुंण बच़ै दै लोग गलामी का छ़ुटी आपणैं देशै पुजै, तिंयां आसा खास्सी खरी काटदै लागै दै! तिन्नां फेर बस्सै दै परदेसी निं तिन्नें कदर ई करदै! एरुशलेम नगरी फेर गहल़ बी आसा ढूल़अ द अर तेते प्रऊल़ी आसा दहई दी।”4ज़ांऊं मंऐं ईंयां गल्ला शूणीं, हुंह बेठअ धरनीं संघा लाई मंऐं हिंह करै लेरा।
हुंह रहअ तेऊ दुखै खास्सै धैल़ै तैणीं भुखअ। तेखअ किई मंऐं स्वर्गे परमेशरा सेटा एही अरज़,5“हे परमेशर बिधाता, तूह आसा स्वर्गै! तूह आसा महान अर हाम्हां लागा तेरी ई डरा हेठै रहणअ। तूह आसा शुचअ-पाक्कअ अर तंऐं किई आपणीं करार तिन्नां लै पूरी ज़ुंण ताल्है झ़ूरा अर ज़ुंण ज़िहअ तंऐं बोलअ तिहअ ई हुकम मना।6बिधाता, मुंह बाखा भाल़, हुंह आसा तेरअ दास, हुंह आसा धैल़-राच इज़राईलीए तैणीं ताह सेटा अरज़ करदअ लागअ द। हुंह मना ऐहा गल्ला कि इज़राईली परज़ा किअ पाप अर मेरै दाद-बाब अर मंऐं बी किअ पाप।7हाम्हैं किअ ताल्है बूरअ अर हाम्हैं निं तिहअ किअ ज़िहअ तंऐं हुकम किअ त। हाम्हैं निं तेऊ बधाने साबै ज़िन्दगी ज़िऊई ज़ुंण तंऐं आपणैं दास मोसा का दैनअ त।8हे बिधाता, तूह कर तैहा गल्ला आद ज़ुंण तंऐं मोसा का बोलअ त, ‘ज़ै तम्हैं इज़राईली मुल्है विश्वास घात करे, तै छिंगणैं मुंह तम्हैं देशै-देशै।9पर ज़ै तम्हैं मुंह बाखा फिरे अर ज़िहअ मंऐं हुकम किअ तिहअ ई करे, तै आणनैं मुंह तम्हैं तेखअ तैहा ज़ैगा लै बापस झाल़ी ज़ुंण ज़ैगा ज़ुंण मंऐं आपणीं पूज़ा-गाज़ा लै आसा छ़ांटी दी, च़ाऐ तम्हैं दूर देशै पृथूईए पुंझ़ै बी किल्है निं होए।’10“हे बिधाता, ईंयां आसा तेरै दास, तेरी आपणीं परज़ा। तंऐं आसा ईंयां आपणैं महान बल अर ज़ोरा करै बच़ाऊऐ दै।11ऐबै शुण मेरी अरज़ अर इना सोभी तेरै दासे प्राथणां ज़ुंण तेरअ अदर करनअ च़ाहा। तूह कर आझ़ मुंह सफल कि फारसी माहा राज़ै लोल़ी मुल्है झींण किई।”
तिन्नां धैल़ै करा त हुंह फारसी माहा राज़ै लै दाखे रसा पणैऊंणे च़ाकरी।
हुंह नहेमया थिअ फारसी माहा राज़ै अर्तक्षत्रे राज़ा दी बार्हूई साला पोशै राज़धानी शुआ नगरी।2मेरै भाई-बंधा मांझ़ै आअ यहूदा मुल्खा का हनानी फारस देशा लै अर होर बी आऐ तेऊ संघै खास्सै मणछ। मंऐं पुछ़अ तिन्नां का तिन्नां यहूदीओ हाल ज़ुंण बाबेल देशे गलामी का फिरी डेऊऐ तै अर एरुशलेम नगरीए बारै बी पुछ़अ।3तिन्नैं खोज़अ मुखा, “ज़ुंण बच़ै दै लोग गलामी का छ़ुटी आपणैं देशै पुजै, तिंयां आसा खास्सी खरी काटदै लागै दै! तिन्नां फेर बस्सै दै परदेसी निं तिन्नें कदर ई करदै! एरुशलेम नगरी फेर गहल़ बी आसा ढूल़अ द अर तेते प्रऊल़ी आसा दहई दी।”4ज़ांऊं मंऐं ईंयां गल्ला शूणीं, हुंह बेठअ धरनीं संघा लाई मंऐं हिंह करै लेरा।
हुंह रहअ तेऊ दुखै खास्सै धैल़ै तैणीं भुखअ। तेखअ किई मंऐं स्वर्गे परमेशरा सेटा एही अरज़,5“हे परमेशर बिधाता, तूह आसा स्वर्गै! तूह आसा महान अर हाम्हां लागा तेरी ई डरा हेठै रहणअ। तूह आसा शुचअ-पाक्कअ अर तंऐं किई आपणीं करार तिन्नां लै पूरी ज़ुंण ताल्है झ़ूरा अर ज़ुंण ज़िहअ तंऐं बोलअ तिहअ ई हुकम मना।6बिधाता, मुंह बाखा भाल़, हुंह आसा तेरअ दास, हुंह आसा धैल़-राच इज़राईलीए तैणीं ताह सेटा अरज़ करदअ लागअ द। हुंह मना ऐहा गल्ला कि इज़राईली परज़ा किअ पाप अर मेरै दाद-बाब अर मंऐं बी किअ पाप।7हाम्हैं किअ ताल्है बूरअ अर हाम्हैं निं तिहअ किअ ज़िहअ तंऐं हुकम किअ त। हाम्हैं निं तेऊ बधाने साबै ज़िन्दगी ज़िऊई ज़ुंण तंऐं आपणैं दास मोसा का दैनअ त।8हे बिधाता, तूह कर तैहा गल्ला आद ज़ुंण तंऐं मोसा का बोलअ त, ‘ज़ै तम्हैं इज़राईली मुल्है विश्वास घात करे, तै छिंगणैं मुंह तम्हैं देशै-देशै।9पर ज़ै तम्हैं मुंह बाखा फिरे अर ज़िहअ मंऐं हुकम किअ तिहअ ई करे, तै आणनैं मुंह तम्हैं तेखअ तैहा ज़ैगा लै बापस झाल़ी ज़ुंण ज़ैगा ज़ुंण मंऐं आपणीं पूज़ा-गाज़ा लै आसा छ़ांटी दी, च़ाऐ तम्हैं दूर देशै पृथूईए पुंझ़ै बी किल्है निं होए।’10“हे बिधाता, ईंयां आसा तेरै दास, तेरी आपणीं परज़ा। तंऐं आसा ईंयां आपणैं महान बल अर ज़ोरा करै बच़ाऊऐ दै।11ऐबै शुण मेरी अरज़ अर इना सोभी तेरै दासे प्राथणां ज़ुंण तेरअ अदर करनअ च़ाहा। तूह कर आझ़ मुंह सफल कि फारसी माहा राज़ै लोल़ी मुल्है झींण किई।”
तिन्नां धैल़ै करा त हुंह फारसी माहा राज़ै लै दाखे रसा पणैऊंणे च़ाकरी।
Beyond Translation