Thayithasi2
1Koga iwe, diya zwinhu zwinoyendidzana nezwidiyo zwemalebeswa.2Diya banhu betjilume bawhola kuti babe banhu bahhele mazwibhato, banamamo olemekedzewa, bana bulubi gwakwako, bana bugalimoyo gwakasima, bana ludo kwazo, banosimidzila.3Nezila iyo zwayo laya banhu betjikadzi bawhola kuti batjile nezila inolemekedzeka muthama kwabo, basibebanhu banoyeta bun'wa, kene balanda bewayini, ngabadiye kwakanaka koga,4kuyetila kuti badiye bafumakadzi batjetjana kuti babe neludo kubalume babo nebana babo,5babe nebulubi gwakwako, babe babuyanana, betjengeta miha yabo zwibuyanana, babe nebunhu, kakale bazwitebamise kubalume babo, kuyetila kuti dama leNdzimu lisilebgwe kwakayipa.6Nezila iyo zwayo kuludzila bahhuhha kuti bazwibhate.7Muzwinhu zose iwe ube tjilakidzilo ngeyeta mihingo mibuya. Mudiya kuko lakidza moyo wemalebeswa, nezila inolemekedzeka.8Uhingise matama akatambunuka asingake akanyanyayidziwa, kuyetila kuti zwita zwizo zwibhakhwe nehoni, zwihaye tjakayipa tjazwingaleba nekwedu.9Udiye balanda kuti bazwise pasi kwabobatezi babo, babahanhise muzwinhu zose, basihandudzane nabo,10kakale basibakwibile, koga balakidze kuti bakalulama banogalikabgwe, kuyetila kuti balayidze nezila dzose naka kwezwidiyo zweNdzimu iye Ntjidzi wedu.11Ngobe ngoni dzeNdzimu dzakazumbunugwa kudze tjidziwa kuswikile banhu bose,12ngoni idzedzo dzotidiya kuti tisiyane nesanamata, nenjemulo dzehango iyeyi, titjile bupenyu gwakalulama, gwakatambunuka, tibe nebutjilo guna hla Ndzimu muna ino hango,13takamilila kugalabgwe kwakakombolegwa, boneka kwegudzo leNdzimu wedu iye nkulu neNtjidzi Yesu Khirisitu,14wakazwipila kuyetila iswi kuti atiwangule kubva mububi gose, kuti azwitjenesele banhu babe banahuha yethama zwiyeto zwibuya.15Diya zwinhu izwezwi, kuludzila, kakale utjemele nemasimba ose. Kusitongoba nenhu unokulingila pasi.
The Word for the World International