BaFiliphi4
1Ndizo ke hama dzangu dzandinoda kakale dzandinohuba, tjiyala tjangu nehanha kwangu, mani makasima muna He, badikani bangu.2Ndokumbila Eyudiya, ndikumbila bo naSinithekhi kuti babe nenkumbulo un'ompela munaHe.3Nawe bo ndokukumbila, iwe unohinga nami, kuti ubhatshe bafumakadzi ibaba, ngobe bakahinga ngekuzwipila mundebo mbuya bena Kilementi nebamwe bose bandinohinga nabo, banamazina amulukwalo gwebupenyu.4Hanhani muna He, ndopamha kakale nditi hanhani.5Banhu bose ngabazibe ba nemoyonlefu kwenyu. He watjibapedlo.6Musidziyidzike ngekwetjimwe tjinhu, koga muzwinhu zose tulani zwikumbilo zwenyu kuNdzimu, ngetembezela nange kumbila ngekuzwitebamisa, kuna boka.7Kunyalala kunobva kuNdzimu, iko kunopinda whisisa kose, kowhotjengeta mimoyo yenyu nemikumbulo yenyu muna Khirisitu Yesu.8Tjebupelo, hama dzangu, kungaba kene ini tjemalebeswa, kene ini tjinokudzika, kene ini tjakalulama, kene ini tjibuyanana, kene ini tjinodikala, kene ini tjakafanila kuti tjilumbidziwe, hapa tjiliyapo tjakanaka, kakale hapa tjiliyapo tjinolumbidzika; kumbulani nekwezwinhu izwezwi.9Tjamakadiyika kakale mukatjiwamutjila, kakale mukatjiwha kakale mukatjibona mundili, mutjithame, Ndzimu bekunyalala banowhoba nemwi.10Ndohanha kwazo muna He kuti hule kwelubaka mamusidzila ndikumbula kwenyu. Makamundiyalakana koga makahaya nkoba wamungahingisa kuti mukulakidze.11Anditokuleba ngobe ndin'un'urika nekwezwandinohaya, ngobe ndakazwidiya kuti muamwe ne amwe mamo andili muwali ngandigutshikane.12Ndoziba kuti haya ini, kakale ndoziba kuti ba nekunjinji ini, mumamo api zwawo ndakadiyika kuti lingisana nekunjinji kene lingisana nehhala kwakatini, bufumi nebuhayi kwakatini.13Ndotubula yeta zwinhu zose ndili muna iye unondisimisa.14Koga tjinhu tjibuya tjamakathama kuti muhanganyile nami lubaka ndili mubulemo.15Imwi bekuFiliphi tjekwenyu moziba kuti mumahhuba ekutanga kwendebombuya, pandakabva kuMakhedoniya, akuna gubungano lakabhatana nami mukupa nemukuwamutjila kuhhe kwenyu,16kene ndili kuThesalonika makatumila bhatsho mupamha mupamha.17Akutoleba kuti ndohaka zwipo zwenyu, koga ndohaka kuti mube nemitjelo inopamhidzila zwibuya zwamakathama.18Ndakawamutjila kose, nekunjinji, ndina kose kwandinohaka hule kwekuti ndawamutjila kubva kuna Ephafuroditosi zwipo zwamakatumila, mpilo unonhuwilila, tjibhayilo tjinowamutjilika kakale tjinohanhisa kuNdzimu.19Ndizo ke Ndzimu wangu unowhohingisa fumwa iye ihhele gudzo kuti amupe kose kwamunohaya, ekuthama ndiKhirisitu Yesu.20Ngaakudziwe Ndzimu wedu ibo Tate, tjoselele ngekusingapele kose, Ngakujalo.21Buyisani bakayengemala bose muna Khirisitu Yesu. Hama dzose dzinami dzomubuyisa.22Bakayengemala bose banomubuyisa, bukulu ben'ha waKhesari.23Ngoni dzaHe Yesu Khirisitu ngadzibe nemeya yenyu.
The Word for the World International