احبار4
1پتہٕ ووٚن یہُوواہنؔ موسیٰؔ ہس2اسرائیل کؠن لوٗکن ون یہِ، "یہِ چُھ پرٮ۪تھ أکِس ضروری کرُن ہرگاہ کٲنسہِ وشفن گناہ کوٚر، سُہ گو، ہرگاہ تمؠ تہِ کوٚر یمہِ سٟتؠ یہُوواہؔ سنٛدِ حکمچؠ خلاف ورزی سپدان آسہ۔3ہرگاہ سردار کاہن گناہ کرِ تہٕ تمہِ سٟتؠ سپدن سٲری لوٗکھ گناہگار، تمس چُھ اکھ نۅقصہٕ ورٲے ووٚژھ یہُوواہسؔ برونٛہہ کُن اننُ یوس تمؠ سنٛدِ گناہ خٲطرٕ اکھ نیاز آسہ یوس تمؠ کوٚرمُت چُھ۔4تمس چُھ سُہ دانٛد مقدس خٟمہکس دروازس پؠٹھ اننُ تمؠ سٕنٛدِس کٔلس پؠٹھ تھوِ پننٕؠ اتھٕ پتہٕ کرِس یہُوواہسؔ برونٛہہ کنہِ خش تہٕ کینٛہہ خوٗن رٔٹہِ اکِس بانس منٛز۔5پتہٕ نیٚیہ کاہن کینٛہہ خوٗن مقدس خٟمس اندر۔6سُہ بوٚڈناوِ پننیٚو اوٚنگٕجیو منٛزٕ اکھ اوٚنگجؠ تتھ خوٗنس منٛز تہٕ ستہِ لٹہِ کرِ یہُوواہسؔ برونٛہہ کنہِ چھرکاو تتھ پردس یوس پاک جایہِ تہٕ سؠٹھاہ پاک جایہِ الگ کران چُھ۔7پتہٕ چُھ تمس کینٛہہ خوٗن قربان گاہ کؠن کونن نِشہ ہنگن پؠٹھ تتھ جایہٕ تراون یتین مقدس خٟمس منٛز یہُوواہسؔ برونٛہہ کنہِ مشکہٕ تجہِ زالنہٕ یوان چھِ۔ یُس تتھ بانس منٛز ونہِ تہٕ داندٕ سُنٛد خوٗن موجود چُھ سُہ تراوِ قربان گاہ کؠن کھۅرن نِشہ یتین مقدس خٟمہٕ کس دروازس نِشہ قربان زالنہٕ یوان چھِ۔8بوٚڈ کاہن کرِ تِم تان تمس نیاز کرِمتس دانٛدس نِشہ الگ یِم زالنہٕ یِن: چرب یُس دانٛدٕ سنٛدین انٛدرِمٮ۪ن تانن ؤلتھ چُھ یا یُس تِمن سٟتؠ لٔگتھ چُھ۔9بۅکہٕ ؤچہ تہٕ چرب یُس کمرٕ کِس مازس سٟتؠ لٔگتھ چُھ بیٚیہِ سُہ چرب یُس جگرس ؤلتھ چُھ۔10پتہٕ چھِ تِم تان بڈِس کاہنس قربان گاہس پؠٹھ پورٕ پٲٹھؠ تمی طریقہٕ زالٕنؠ ییٚلہ اکِس جانورس چرب تُلنہٕ چُھ یوان یُس یہُوواہسؔ سٟتؠ سلامتی باپتھ وعدہ کوٚرمُت قربانس چھِ آسان۔11مگر تمس جانور سٕنٛدؠ باقی سٲری تان مسلہٕ تہٕ تمؠ سُنٛد باقی ماز، تمؠ سُنٛد کٔلہٕ تہٕ تمؠ سنٛزٕ زنٛگہٕ، تمؠ سٕنٛدؠ انٛدرِم تان تہٕ انٛدرم،12نیٚیہ سُہ ڈیرٕ نیٚبر تتھ اکِس جایہِ پؠٹھ یۅسہ یہُوواہسؔ منظور چھِ، یتٮ۪ن سوٗر چُھ یوان تراونہٕ، تہٕ سُہ زالہِ تِمن سوٗرٕ بٔنؠس پؠٹھ۔13ہرگاہ ساروے اسرائیل کیٚو لوٗکو کوٚر وشفن گناہ یُس یہُوواہؔ سٕنٛدیو حکمو مطٲبق منع چُھ، تِم آسن قصور وار اگرچہ تِمن آسہ نہٕ احساس سُپدمُت زِ تِمو کوٚر گناہ۔14ییٚلہِ تِمن احساس سپدِ زِ تِمو چُھ اکھ گناہ کوٚرمُت، تِمن چُھ یکجاہ اکھ ہکھر اننُ تہٕ پننہِ گناہ خٲطرٕ مقدس خٟمس برونٛہہ کنہِ اکھ نیاز کرُن۔15زٹھؠ تھاون پنٕنؠ اتھٕ تمس ہکھرٕ سٕنٛدِس کٔلس پؠٹھ یہُوواہسؔ برونٛہہ کنہِ تہٕ کرنس خش بیٚیہِ رٔٹن تمؠ سُنٛد کینٛہہ خوٗن اکِس بانس منٛز۔16پتہٕ نیہ بوٚڈ کاہن تمہِ خوٗنہٕ منٛزٕ کینٛہہ خوٗن مقدس خٟمس اندر۔17تمس چھِ پننیٚو انوٚنگجیو منٛزٕ اکھ انوٚنگجہ تتھ خوٗنس منٛز بوٚڈناوِن تہٕ یہُوواہسؔ برونٛہہ کنہِ ستہِ لٹہِ تتھ پردس چھرکاو کرُن یوس پاک جایہِ چُھ سؠٹھاہ زیادٕ پاک جایہِ نِشہ الگ کرن۔18پتہٕ چُھ تمس کینٛہہ خوٗن مقدس خٟمس منٛز یہُوواہسؔ برونٛہہ کنہِ قربان گاہ کؠن کونن نِشہ ہنگن پؠٹھ تراون۔ داندِ سٕنٛدِ خونُک باقی حصہٕ چُھ مقدس خٟمہ کس دروازس نش قربان گاہ کِس پٲیِس نِشہ تراون یتین قربان چھِ زالنہٕ یوان۔19تمس چُھ جانورس سورےٕ چرب نیٚبر کڑُن تہٕ سُہ قربان گاہس پؠٹھ زالُن۔20تمس چُھ یمِس داندس تہِ تیٖ کرُن یہِ تمؠ تمس داندس سٟتؠ کوٚر یوس تمؠ پننیٚو گناہن ہنٛدِ خٲطرِ نیاز کوٚر، تہٕ تِمن ییہِ بخشنہٕ۔21پتہٕ چھِ کاہنس داندٕ سٕنٛدؠ باقی تان ڈیرِ نیٚبر نین تہٕ تِم زالنؠ تِتھے پٲٹھؠ ییٚلہِ تمؠ پانہٕ گناہ چھِ کٔرمِت۔ سُہ آسہ تمہِ گناہ خٲطرٕ نیاز یوس سارِوے لوٗکو کوٚرمُت چُھ تہٕ تِمن ییہِ بخشنہٕ۔22ییٚلہِ سردارو منٛزٕ کانٛہہ سردار وشفن تژھ کانٛہہ کٲم کرِ یۅسہ یہُوواہؔ سٕنٛدیو حکمو مطٲبق گناہ چُھ، سُہ آسہ گناہگار۔23ییٚلہِ تمس احساس سپدِ زِ تمؠ چُھ اکھ گناہ کوٚرمُت، تمس چُھ اکھ نۅقصہٕ ورٲے ژھاوُل نیاز کرُن۔24تمس چھِ ژھاولؠ سٕنٛدِس کٔلس پؠٹھ یہُوواہسؔ برونٛہہ کنہِ پننٕؠ اتھٕ تھوِن تہٕ تمس تتھ جایہِ پؠٹھ خش کرُن یتین تِم جانورن خش چھِ کران زِ سُہ ییہِ قربان گاہس پؠٹھ مکمل پٲٹھؠ زالنہٕ۔ سۅ آسہ تمؠ سٕنٛدِ گناہُک اکھ نیاز۔25پتہٕ چُھ کاہنس تمس جانور سُنٛد خوٗن اکِس بانس منٛز تراون تہٕ پننٕؠ اکھ اوٚنگج تراوِ تتھ خوٗنس منٛز تہٕ تراوِ قربان گاہ کؠن کونن نِشہ تمکؠن ہنگن پؠٹھ۔ باقی بٔچومُت خوٗن چھکہِ قربان گاہ کس پٲیِس پؠٹھ۔26پتہٕ زالہِ سُہ سورےٕ چرب قربان گاہس پؠٹھ یتھٕ پٲٹھؠ تمؠ یہُوواہؔ سنٛز سلامتی باپتھ نیاز کرنہٕ وِزِ چربس کوٚر۔ کاہن سٕنٛدِ تہِ کرنہٕ سٟتؠ نیرِ یہِ نتیجہ زِ سُہ سردار روزنہٕ تمہِ پتہٕ گناہگار تہٕ تمس ییہِ بخشنہٕ۔27کاہنس ورٲے ہرگاہ کٲنسہِ اسرائیلٕکؠ نفرن غفلتن گناہ کوٚر، تہٕ تژھ کانٛہہ کٲم کرِن یوس یہُوواہؔ سٕنٛدیو حکمو مطٲبق منع چھِ، سُہ آسہ گناہگار۔28ییٚلہِ تمس احسان سپدِ زِ تمؠ چُھ اکھ گناہ کوٚرمُت، تمس چھِ پننٕؠ اکھ ژھاوٕج نۅقصہٕ ورٲے نذرانہٕ پیش کرنؠ۔29سُہ تھوِ تمس ژھاوِجہِ ہنٛدِس کٔلس پؠٹھ پننٕؠ اتھٕ پتہٕ کرِس تتھ جایہِ پؠٹھ خش یتین قربان گاہس پؠٹھ جانور چھِ یوان مکمل پٲٹھؠ زالنہٕ، کینٛہہ خوٗن رٔٹہِ اکِس بانس منٛز۔30پتہٕ بۅڈناوِ کاہن پننٕؠ اکھ اوٚنگج تتھ منٛز تہٕ قربان گاہ کؠن کونن نِشہ تراوِ ہنگن پؠٹھ کینٛہہ خوٗن۔ پتہٕ چھکہِ باقی خوٗن قربان گاہس پاین پؠٹھ۔31پتہٕ کٔڈِ سُہ تمس ژھاوجہِ سورےٕ چرب نیٚبر تہٕ زالہِ سُہ قربان گاہس پؠٹھ یتھٕ پٲٹھؠ تمؠ یہُوواہؔ سنٛز سلامتی ہنٛدِ خٲطرٕ نذرانہٕ پیش کوٚرمُت اوس۔ سُہ رُت مُشِک ییہِ یہُوواہسؔ پسند۔ کٲہنہِ سٕنٛدِ تہِ کرنہٕ سٟتؠ نیرِ یہِ نتیجہِ زِ سُہ شخص سپدِ گناہ نِشہ بٔری تہٕ تمس ییہِ بخشنہٕ۔32ہرگاہ سُہ شخص پننہِ گناہ خٲطرٕ اکھ چِھر نذرانہٕ پیش کرِ تمس چُھ اکھ گٔبہِ بچہ نۅقصہٕ ورٲے أننُ۔33سُہ تھوِ تمس چھرٕ سٕنٛدِس کٔلس پؠٹھ پننٕؠ اتھٕ تہٕ کرِس خش تتھ جایہِ یتین تِم جانورن خش کرن چھِ یُتھ سُہ ییہِ مکمل پٲٹھؠ قربان گاہس پؠٹھ زالنہٕ، بیٚیہِ رٔٹہِ کینٛہہ خوٗن اکِس بانس منٛز۔34پتہٕ بۅڈناوِ کاہن پننیٚو اوٚنگجیو منٛزٕ اکھ اوٚنگج تتھ منٛز تہٕ ترٲوِ کینٛہہ خوٗن قربان گاہ کؠن کونن نِشہ ہنگن پؠٹھ۔ تمہِ پتہٕ چھکہِ باقی خوٗن قربان گاہس پاین پؠٹھ۔35سُہ کٔڈِ تمس چِھرس سورے چرب نیٚبر تہٕ زالہِ سُہ چرب قربان گاہس پؠٹھ یتھٕ پٲٹھؠ تمؠ یہُوواہؔ سنٛز سلامتی باپتھ نذرانس کوٚر۔ سُہ زالہِ تتھ سارنے قربانن پٹھٕ کٔنہِ یِم یہُوواہؔ سٕنٛدِ باپتھ زالنہٕ یوان آسن۔ نتجہِ نیرِ یہِ، کاہن کرِ خدایس عرض زِ تمس گناہگار شخصس دِ معٲفی، تہٕ تمس ییہِ بخشنہٕ۔
Bridge Connectivity Solutions Pvt. Ltd.