Luke19
1yaδef yeriyHa yuyuwr δiys.2w ykan yelle diyn eryaz ellesmes zekka, ykan δemeqqar nihelli etleyamen g lefluws, w ykan δemuγni.3iHawel δeyzer δ wiyn nette yesuwε yaxi eligeddec εlexaTer nette δuqSiyr uleεbaδ egget.4heδake εlac yezzel lezzaθ yali yeccejreθ nujimiys balek eyzer yesuwε elli δeyeθεedde esyiyn.5max i yiweD yesuwε ywemxandiyn, yerqeb lennej yezri, yennes: «zekka eggez fiyseε εlexaTer yelzem eqqiyme g elHucex asse.»6yeggez liyhliyh yefreH essis.7max i zriyn leεbaδ wediyn ebδen etbecbcen: «yuwδef δeyeqqiym g elHuwc nweryaz elli muc SaleH.»8ibed zekka yennes yyesuwε: «ya siydiy, tay neč δeθuwce ezyen nelmelxiyw yiqelliylen. w iδekan fukke iHed Haje eserre m netteθ erbεe merraθ.»9yennes yesuwε: «emnaε yuseδ asse yelHuwce, εlexaTer eryaze δemmiys nibrahiym Hette ennette.10εlexaTer bnaδem yuseδ bac e yHewwem f elli emmehlxen ymenneεθen.»11unihnin esseγδan yedwiye, yebδe δesenyeHke elmθel, εlexaTer yebδe yeqreb seg uwrceliym uleεbaδ etteεlaken elli elmemlxeθ nrebbi δeθeffeγ g elweqtdiyn.12yen: «eryaz seg elεiyleθ ettemeqqarθ yexDem ytemuwreθ tebεeδ bac e yawi elmemlxeθ yeδwel.13inabe ixeddemnes elεecre, yucasen elqeĎεaθ nuwreγ yennasen, <tajreθ essisneθ elδeddase.>14emme leεbaδ ntemurθes kanen eθγisenc, eznen δefres eljmaεeθ bac e nnen, <enγiyc exenyeHkem eryaze.>15yeδwel δelmlek, yrewweH ytemurθes. ynabe εecrediyn nixeddamen elli yuceyasen lefluws bac e yerqeb δmette yrebHen g tinzinsen.16yeseδ emezwar yennes, <ya siydiy, elkeεbθex tuγeδ εecre δelkeεbaθ.>17yennes, <SeHHiyt, eyexeddam ebehhay. εlexaTer tesθeHfĎeδ f qiqqi, δexHuTTe eθeHkmeδ f εecre ettimuwre.>18yeseδ eθθani yen, <ya siydiy, elkeεbθex tuγeδ xemse δelkeεbaθ.>19yennes, <ucex δeθeHukmeδ xemse ettimuwre.>20yeseδ iyjen xlaf yen, <ya siydiy, tay egliyx uDyat g eθmendiylt eHerzat,21εlexaTer kane ettekkaδe essix, cex δeryaz tuεereδ, etfukkeδ g elli ettuciyc weθmedjreδ g elli ettezriyεec.>22yennes siydiys, <s edwiyx δeHukme fellex eyexeddam emuwHac! tesseneδ elli neč uεere, etfukke g elli eθuciyγc umedjre g elli eθezriεac.23emmale imette eltHuTTec ziyγ leflusiyw g elbankeθ, umax eδuwle eθewye s ellentiriys?>24usiyn yenne yelli bedden diyn, <ewyeθ s γers elkeεbetdiyn tuwcemt yelli γers εecre δelkeεbaθ.>25ennanes, <ya siydiy, γers εecre δelkeεbaθ!>26yer fellasen, <enniγawem elli γers esyemmuc exθer, welli γers δruws Hette δelli γers δesyemfuk.27emme elεδuwwiyw elli eyγisenc enneHkme, eγδemten eldahen teγrsemten ezzeθiyw.>»28beεεeδ iyenne yesuwε wahen, ykemmel ebriδes yetwali uwrceliym.29max i yeqreb yetwali biytfaji dbiytεenya, g eddehreθ elli temmessen s eddehreθ nuzemmuwr, yuzen sen seg etlemδas, yennasen:30«berreθ ytemuwreθ elli eθqablawem, umax etteδfem eθafem ejjeHc yemmeqqen elyiyni felles Hette Hed, miremt teγδemt eldahen.31umax exenyenceδ la δHed, <imette etmerem δiys?> enmes, <siydiy yeseθHeqqi.>»32exeDmen etlemδadiyn elli yuzenten afen emmax i senyenne siydiynsen.33max i bδen etmaren g ejjeHc yenneyasen iθbebes: «imette itmarem g ejjeHc?»34erren felles: «siydiy yeseθHeqqi.»35ewyent yyesuwε, HuTTen edbecensen f ejjeHc essiynen yesuwε f elles.36max i yebδe yegguwr, essewen edbecensen f webriδ.37max i yeqreb uggeggez neddehreθ nuzemmuwr, ebδen elli eθbεenti elkul etzeεwgen ferHeniyn etmejδen g rebbi f elmuεjzaθ elli zrintent elkul,38weqqaren: «δemebruwx elmlek elli δeyeddes s ellesm nrebbi! eslam g esme welmejδ g lennej!»39ennanes eljmaεeθ seg elHezb nifarisiyyen elli diyn: «eyimuεellem, enzer f etlemδax.»40yer fellasen: «exennenne, lukan esegren iyhen ture eyzeεweg elkurδ.»41max i yeqreb yezer θemuwreθ, iεeyyeĎ felles.42yen: «lukan Hette δcem tesseneδ g wessem wahen s mette iyetmage eslam! emme wediyn yemmiyreD f tiTTewinem ture.43δeyeddes as enDen fellem elεδuwwem isekker fellem εeddayer.44essendernem cem didreriym elli uggemmesem, wettedjiync δiym Hette tγaγet δenni weltmas, εlexaTer eltessinec elweqθ elli δemedyes δiys rebbi.»45yaδef yelHuwc nelqudus, yebδe yetgelleb g elli ezzenzen wessaγen uggemmeses,46unette yeqqerasen: «yemmari: elHuciyw δemxan neθzelliyθ. emme xenyum terriymt ettiyriθ niquδεiyyen.»47w ykan yetseqre kul yuwm g elHuwc nelqudus. imeqqaren nelkuhhan dimufesren necceriyεeθ diwessaren exsen eθenγen.48yemenni ellufinc δmette δegen εlexaTer leεbaδ elkul kanen emmeqnen g edwiys.
Chutney Media Agency Limited