1 Cor5
1sliyγ elli b elHeq γerwem ezne! ezne exyeb n elli γer iberreniyyin: eryaz essiywem yetεacar g liwec n daddes!2w reγm wah eltuciym θεebbam s ennefxeθ! yelzemkum eθkezmen egget, w eryaz elli yege wah e yemmekkes seg emmesewwem.3w neč, reγm elli δ elγayeb fellawem s elbeδniyw, δ elHaDer iδwem s erruwH. w seg qebl Sedre elHukmiyw f elli yege wah m elli mujuwd b elHeq.4w max eθemlemdem jmiyε s ellesm n seyyedne yesuwε, w neč iδwem s erruwH, w elquwweθ n seyyedne yesuwε g emmesenne,5yelzem eyemmuc eryaze y ecciyĎan, bac e yemmekkes elbeδnes, bac e θemneε erruHes g as n seyyedne yesuwε.6elyebHic eθeθfuxrem. xenyum tessenem elli elxmiyreθ δ temezyent eθsexmer elεjiyn elkul.7emmale beεδeθ fellawem elxmiyreθ teqδimt bac e θkuwnem m elεjiyn δ ejδiyδ. xenyum teδwelem m elεjiyn blac elxmiyreθ εlexaTer eεelluwc n elfiSHenne, yeεni elmesiyH, yemmeγres.8emmale yelzem eneqqiym nferreH s elεiyδ, muc s eγrum δiys elxmiyreθ δ teqδimt, elxmiyreθ n eccer d elfsaδ, emme s elfĎiyr eddiyc elxmiyreθ, elfĎiyr n endafeθ d elHeq.9max i xennurye g eljwebiyw elli ettemsesremc d elfussaδ,10elkenexc qeSδe g lecrar elkul g eddunyeθe, seg ezzunnay d iĎemmaεen d iγeccacen d elli εebδen leSnam, ziyγ yelzem eθefγem seg eddunyeθe elkul.11yemenni qeSδe elli yelzem entetxeliĎemc iyh elli eqqaren nihnin δ imumnen w nihnin δ ezzunnay ziyγ δ iĎemmaεen ziyγ δ elli εebδen leSnam ziyγ δ enimmam ziyγ δ isukerjiyyen ziyγ δ essurraq. w elli m iyh eθečemc iδsen.12w max i θexsem eHekme g elli muc δ imumnen? emme elli δ imumnen yelzem enteHkmem xenyum.13εlexaTer elli elberre n elkeniyseθ δ entyeHkem erreb, w xenyum beεδeθ seg jerawem elfussaδ.
Chutney Media Agency Limited