Zonas4
1Sila Zonas tɛ̂ bo nɛ tɛ̂ totɛ na. Wɛnɛ dea ngambi.2Mɛgi wɛnɛ gɔamɔ mɛgɛ ha Wankpoo: «Ah! Wankpoo, mi ba ing yo nɛ dedea ha ngimɔ ka mi babhɔn ha le pɔm. Yo nɛ ɛngi ka mi bayumɔ mɔ pen ha le Tarsis. Mi ingɔ yo nɛ dedea, hazu mɛ ha dea kobhɛtɛ wi pentɛ, ngoy pɛ mɛ nɛ gasa gdang, nɛ mɛ ha takara hio ngambi, hio sɛni pɛ mɛ sungiri hio wi pentɛ.3Wankpoo, mɛ gde mi afe sising yunɛ. Ɛy, mi ngoya fio ha bhandi zutunɔ.»4Wankpoo kiforowen ha Zonas nde: «Yo nɛ tɛ wala kade mɛ ade ngambi nde?»5Zonas gboa yunɛ hazang le Ninive nɛ wal guotɛswe. Haki wɛnɛ bɛa ma go nɛ dung hasia mɔ zɔk mɔ ka be hɔ hazang le Ninive.6Mɛgi, Wankpoo Sɔ dea nde ma te agbo hapɛtɛ go pɛ Zonas kade wɛnɛ akpa gasa simɔ mɔ dung ang. Mɛgi gdanga ngambi pɛ Zonas lɛma gaa. Ka Zonas zɔka te ɛngɛ ka Sɔ lɛmsara hawen zu wa ki, sila wa dona nɛ totɛ.7Maa, yala ndang hapataa, Wankpoo tomsa ma yolo nu Sɔngsi ha guotɛ pɛ swe, nɛ yoloa lea gunku te ɛngɛ, nɛ yɔng, tea kota.8Hapata, ka swe guotɛ kari, Sɔ tomsa ma gdanga gbabok ka gutɛ nɛwal guotɛ swe. Gdanga weswe dɔa zu Zonas tetete nɛ ngiri wa gɔna. Mɛgi a ngoya nɛ sila wa mɔ fe yunɛ, nɛ wɛnɛ tɔa: «Mi ngoya fio ha bhandi zutunɔ.»9Sɔ ana Zonas nde: «Yo nɛtɛ wala nde mɛ ade ngambi sungiri te ɛngɛ nde?» Zonas kiforo wen ha Sɔ nde: «Ɛy, yo nɛtɛ wala nde mi ade ngambi, nɛ mi ngoya fio!»10Wankpoo tɔa ha wɛnɛ: «Mɛ, mɛ ha dea kobhɛtɛ gele te . Mɛ tɛ de mamɔ hawen zu tea na. Bonɛ mɛ ha gun tea na. Tea kpɔatɛ zɛzɛzɛ kusi hɔ ha ngɔn, nɛ hazang zɛ ndang Sɔna, yo kota mɔ pɛa yonɛ. Maa wen te ɛngɛ yo yimɔ mɛ pentɛ hawen ge nde?11Mɛ tɛ ngoy nde mi ade kobhɛ tɛ hio wi mɔ Ninive na nde? Ninive, ngbale ka dɔka zugili wi hɔ mana gɔmmay ndang nɛ bhuze bwa ( 120 000). Hio wia ing gbasoko gdangamɔ hinɛ dedemɔ na. Hio namdalɛ ang fin nɛ dɔka.»
The Seed Company