1 Phexros3
Niitonni Dhirsootaaf Buluu
1Yaa niitota, yoo dhirsoonni dubbicha hin amanne tokko tokko jiraatan akka isaan dubbii tokko malee amaluma niitota isaaniitiin boojiʼamaniif isinis akkasuma dhirsoota keessaniif ajajamaa;2isaanis yommuu qulqullinaa fi sodaa isin jireenya keessan keessatti qabdan arganitti ni boojiʼamu.3Miidhaginni keessan faaya alaan mulʼatuun jechuunis shurrubbaa dhaʼachuu, warqee kaaʼachuu fi uffata bareedaa uffachuun hin taʼin;4qooda kanaa miidhaginni keessan miidhagina keessa namummaa keessanii haa taʼu; innis miidhagina hafuura garraamii fi tasgabbaaʼaa, kan hin badne, kan fuula Allaaha duratti gatii guddaa qabu haa taʼu.5Dubartoonni qulqulloonni durii warri Allaah abdatanis akkasuma dhirsoota isaaniitiif ajajamuudhaan of miidhagsan;6Saaraanis Ibraahimiin “Gooftaa” jettee waamaa isaaf ajajamaa turte. Isinis yoo waan qajeelaa hojjettanii fi sodaachuu baattan intallan ishee ti.Dirqama Dhirsootaa
7Yaa dhirsoota, isinis akkasuma akka isaan dadhaboo taʼan hubadhaatii ulfina isaaniif kennuudhaan niitota keessan wajjin jiraadhaa; kanas sababii isaanis isin wajjin ayyaana jireenyaa dhaalaniif akka wanni tokko iyyuu duʼaa keessan hin gufachiifneef jedhaatii godhaa.Sababii Waan Gaarii Hojjetaniif Dhiphachuu
8Dhuma irratti hundi keessan yaada tokko qabaadhaa; walii naʼaa; akka obbolootaatti wal jaalladhaa; garaa laafotaa fi warra gad of qabanis taʼaa.9Hamaa, hamaadhaan hin deebisinaa; yookaan arrabsoo, arrabsoodhaan hin deebisinaa; qooda kanaa eebbisaa. Isinis akka eebba dhaaltaniif kanumaaf waamamtaniitii.10“Namni jireenya jaallatu,kan bara gaariis arguu hawwu kam iyyuu,arraba isaa hammina irraa,hidhii isaa immoo soba dubbachuu irraa haa eeggatu.11Inni hammina irraa deebiʼee gaarii haa hojjetu;nagaa haa barbaadu; duukaa haa buʼus.12Iji Gooftaa qajeeltota irra jiraatii;gurri isaas duʼaa isaaniitiif banamaa dha;garuu fuulli Gooftaa warra hamaa hojjetanitti ni hammaata.” 13Isin gaarii hojjechuuf yoo hinaaftan, eenyutu isin miidha?14Garuu yoo qajeelummaaf jettanii dhiphattan isin eebbifamoo dha. “Sodaachisuu isaanii hin sodaatinaa; hin jeeqaminaas.” 15Garuu garaa keessan keessatti Al-Masiihii Gooftichaaf ulfina guddaa kennaa. Nama sababii abdii isin qabdan sanaa isin gaafatu kamiif iyyuu deebii kennuuf yeroo hunda qophaaʼaa. Waan kana immoo garraamummaa fi sodaan godhaa;16isinis yommuu namoonni waaʼee keessan waan hamaa dubbatanitti akka warri amala gaarii isin Al-Masiihii keessatti qabdan sana arrabsan qaanaʼaniif yaada gaarii qabaadhaa.17Dhiphachuun keessan fedhii Allaaha yoo taʼe, hamaa hojjettanii dhiphachuu irra gaarii hojjettanii dhiphachuu wayya.Fakkeenya Al-Masiihii
18Al-Masiihiinis Allaahatti isin fiduuf jedhee inni qajeelaan, warra qajeeltota hin taʼiniif siʼa tokko cubbuuf dhiphateeraatii. Inni fooniin ni ajjeefame; Hafuuraan garuu jiraataa taasifame;19erga jiraataa taasifamee immoo dhaqee hafuurota mana hidhaa jiranitti lallabe;20isaanis bara Nuuhi keessa utuu dooniin ijaaramaa jiruu, yeroo Allaahan obsaan eegetti warra hin ajajaminii dha. Doonii kanaanis nama muraasa, walumatti nama saddeeti qofatu badiisa bishaanii jalaa baʼe;21bishaan kun fakkeenya cuuphaa amma iyyuu isin fayyisuu ti; kunis dhagna irraa xurii baasuu utuu hin taʼin qalbii qulqulluun Allaahaf waadaa galuu dha. Innis duʼaa kaʼuu Iisaa Al-Masiihiin isin fayyisa;22Al-Masiihiin shamaayʼuniitti ol baʼee mirga Allaaha jira; malaʼikkoonni Allaaha, aangoowwanii fi humnoonni hundinuu isa jalatti bulu.Biblica, Inc.