Ọbọsuru28
1Kadaña emi ñnyin kpukpru ima ikesim isọñ ke ifure, ke ñnyin ikọdiọñọ ite ke isọñ ufọt mmọñ oro ekekere Malta.2Mme enyene obio emi ema edara ñnyin, enyuñ ewut ñnyin mfọnido. Mmọ ema ebara ikañ enọ ñnyin iwebe koro edim ama edep ebiet onyuñ ebit.3Pọl ama atañ ebek ifia onyuñ ọtọñọ ndisioño ndọñ ke ikañ, ndien urukikọt ama ọwọrọ do onyuñ awaña Pọl ke ubọk oto ke ufiop ikañ.4Mme enyene obio ema ekut nte urukikọt akawañade Pọl ke ubọk ndien mmọ ema edọhọ ete, “Ana owo emi edi owot owo, ndien ndiọkiso iyakke enye odu uwem okposuk edi emi enye ọbọhọde ñkpa ke mmọñ.”5Edi Pọl ama esime urukikọt emi esin ke ikañ, ikanamke enye baba ñkpọ ndomokiet.6Mmọ ekebet ndikut nte enye edifutde iyọhọ mme ndidiañade nduọ ini kiet ñkpa. Edi kadaña emi mmọ ema ekebet ke ata anyan ini ndien inyuñ ikwe ñkpọ ndomokiet eketibede ye Pọl, mmọ ema ekpuhọde ekikere mmọ enyuñ edọhọ ete, “Enye edi abasi!”7Isọñ kiet ama odu do ikoyomke usuñ ikpọñ ebiet emi ñnyin ikodude, emi ekedide inyene ọbọñ obio oro emi ekekerede Publiọs. Enye ama ada ñnyin esin ke okure esie ndien onyuñ akama ñnyin ke usen ita.8Ete Publiọs ọkọdọdọñọ ana ke ñkpana, enye ọkọdọñọ ufiop idem ye utọrọ. Pọl ama oduk aka ndise enye, ndien ke enye ama okodori enye ubọk ọbọñ akam ama, enye ama ọbọ edikọk.9Ke emi ama eketibe kpukpru mme mbio udọñọ eken ke obio emi ema ewọñọ edi ndien ema ekọk mmọ.10Mmọ ema ekpono ñnyin ke ediwak usuñ, ndien ke ini emi ñnyin ikebeñede idem ndisio mmọ ema enọ ñnyin kpukpru se ñnyin ikoyomde.11Ke ọfiọñ ita ama ekebe ñnyin ima iyire ke nsuñikañ emi okotode Aleksandria, emi ekekotde “Amana mba abasi,” ekekerede, Kastọ ye Polks, emi akadianade ke obio emi tutu ọkpọsọñ etuep ebe.12Ñnyin ima ikebehe ke obio Sirakọs inyuñ itie do ke usen ita.13Ima ito do isio uwat ikebehe ke obio emi ekerede Rekium. Ke udiana usen ofum ama ọtọñọ ndiwọrọ nto usuk, ndien ke usen iba ñnyin ima idisim obio emi ekotde Putiọli.14Ñnyin ima ikut ikọt Abasi do emi ekebeñede ete yak ñnyin itie ye mmọ ke ñkpọ nte urua kiet: Ndien do ke ñnyin ikesim Rom.15Mme nditọ ete ke Rom ema ekop ebaña ñnyin, ndien mmọ ema esaña esim urua Apius ye ebiet emi ekotde Ufọk Isen Ita edisobo ye ñnyin. Ke ini Pọl okokutde mmọ esit ama ọsọñ enye, ndien enye onyuñ ọnọ Abasi ekọm.
Pọl Ekesim Rom
16Ke ini ñnyin ima ikesim Rom, ema eyak Pọl okoduñ ke idem esie ye owo ekọñ kiet ndikpeme enye.17Ke usen ita ama ekebe, Pọl ama okot mme mbuot mme Ju emi ekedude do edisobo ye enye. Ke ini mmọ ema ekebono enye ama ọdọhọ mmọ ete, “Nditọ ete mi, okposuk edi nte ami mme ñkanamke ñkpọ ndomokiet emi akatuahade ye ikọt ñnyin ye mme ido uwem emi ñnyin ikọbọde ito mme eteete ñnyin, mmọ ema enam mi owo ñkpọkọbi ke Jerusalem enyuñ eyak mi enọ mbon Rom.18Mmọ ema ebup mi mbume enyuñ eyom ndisana mi ñyak, koro mmọ ekekutde ete ke ami nduehe ñkpọ ndomokiet emi ami ñkpodotde ñkpa.19Edi kadaña emi mme Ju ekefañade, ami mmanam ebeñe nnọ Andikara ofuri Rom, okposuk edi nte ami mmenyeneke ikọ ndomokiet nditiñ ndian ikọt ñnyin.20Ntak edi oro ami ñkebeñede ndikut mbufo ñnyuñ ñnyene nneme ye mbufo, koro ami ñyirede ñkpọkọbi emi ke ntak Enyemi edide idorenyin nditọ Isrel.”21Mmọ ema ebọrọ enye ete, “Ñnyin ibọhọ ñwed ndomokiet ito Judia ibaña fi, ñko eyen ete ñnyin ndomokiet itoho do idida mbuk ndomokiet idi mme nditiñ idiọk ikọ ndomokiet ndian fi.22Edi ñnyin ikpama ndikop se idide mme ekikere fo, koro ñnyin imọdiọñọ ite ke kpukpru ebiet, mme owo etiñ ikọ edian ñka emi afo odukde.”23Ke ntre mmọ ema enim usen ye Pọl, ndien ediwak ibat mmọ ema edi kpa ke usen oro ebine Pọl ke ebiet emi enye okodude. Tọñọ ke usen ubọk tutu esim okoneyo enye amanam añwaña onyuñ ọnọ mmọ mbuk esie emi abañade Obio Ubọñ Abasi. Enye ama añwana ndinam mmọ ekpuhọde ekikere kabaña Jisọs ke enye nditiñ ikọ nto ke mbet Moses ye ke mme ñkpọ emi mme prọfet ekewetde.24Ndusuk ke otu mmọ ema ekut ye enye oto ke se enye eketiñde, edi mmọ eken ikenyimeke ndinim ke akpanikọ.25Mmọ ema etọñọ ndineni ke otu mmọ, ema enyuñ etọñọ ndiwọñọ ke Pọl ama eketiñ akpatre ikọ esie: Edisana Spirit ama etiñ akpanikọ ọnọ mme eteete mbufo ke ini Enye eketiñde oto Aisaya Asiak Uduak Abasi ete:26“ ‘Ka kọdọhọ mmọ emi,“Mbufo eyekpañ utọñ, emana ekpañ utọñ edi ididiọñọke se ọwọrọde;eyese, emana ese edi idikwe.”27Koro esit mmọ emi akabade ọsọñ,mmọ esiri mme utọñ mmọ,enyuñ ebọp mme enyin mmọ.Ke mikpedighe ntre mmọ ekpekut usuñ ke mme enyin mmọ,ekpekop ikọ ke mme utọñ mmọndien esit mmọ ekpediọñọ se ọwọrọde,ndien mmọ ekpewọñọde etiene Mi, ndien Ami ñkpọkọk mmọ.’ ”28“Ke emi ñyom mbufo ediọñọ ete ke ema enọ edinyaña Abasi esọk mme mmọ emi midighe mme Ju ndien mmọ eyekpañ utọñ.29Ke Pọl ama eketiñ ikọ emi ama, mme Ju ema ewọñọ, mmọ ema eneni ọkpọsọñ eneni ye idem mmọ.”30Ke ofuri isua iba, Pọl ama oduñ do ke ebiet emi enye ọkọbọde ke ukpe okuk ọnọ idem esie, onyuñ adara kpukpru mmọ emi ekedide ndise enye.31Enye ama ọkwọrọ ikọ abaña Obio Ubọñ Abasi onyuñ ekpep ñkpọ abaña Ọbọñ Jisọs Kraist uko uko ye ke ata ifure.Biblica, Inc.