Faarotikaa Maxaafa59
Mageniinxe Heqqaxxee Shiqqeexxa Soodachcho
Faarsaaleeyyetike Sooresi'a «Balleessitoxxe'e» Hiyyemaake Meellinni Faarsendeexxa, Daawwitii'i Shiyyatee Manni Minne buqeexxi Isoo Heqqaashsha Sa'ooli Manna Ergee Wodda Daawwitixxa Faaro.
1Ee, Magenoo! Naapha ankenaa'ni anee gatisi;ane'ni ke'a'neeke mannanaa'ninna anee heqqi.2Fuggoxxa assaakeerinaa'n anee gatis;manjiinxa munde dhangalaasaakeerinaa'n anee anjir.3Kunse, insa'ne rinphe anee heqqe'na'neen,Ee, Duuchchi Woddike Goottaa, mararte afebaak manniballeessennechchi hedhebaang, hujennexxi cubbo hexxebaang ani'a mari'ate.4Insa'nee balleessennechchi hedhebaang anee lollo'aa qophpheefante;ati kinni anee gargaartotta'a ke'i, yaane anxanna uudi.5Ee, Duuchchi Woddike Gootta, hunna duuchchike Isira'eelike Magenoo!gosa gosaka arda duuchcha mura woxissottaa ke'ixuurameessake kadebaakeenna fuggaaleessi manni'aa marartoxxe'e.6Insa'nenna wonshiinsha gururaana'n hashsha hashshaqachchi giddo doonaan.7Afo'o insa'neekenaa'n fula'neeka haaso'a uudi;arabi insa'nek qaremeeke wolaatichchan;insa'nenna, «No'o hinaannexxa laqaak hedhebaan» hinaan.8Ee, Duuchchi Woddik Goottaa! Ati kinni insa'nee'n osoldatton;gosa gosake arda duuchcha'n gacifattaton.9Ee, Magenoo! Anke uduudaaanke golla kaddeettaxxee,ani atete heqqedhannon.10Mageni jaalala ifixxee ani edo me'aan;isi anke naaphphixxa injifatemanna uudannoshsha assaan.11Ee, Dada Duuchchike Goottaa no'oxxe wonteeardi ank dedhemabaashsha, insa'ne shiltoxxe'ehunna atixxen bogii'n boga insa'nee fulchite'e butti'a hiissi.12Afo'o insa'nekenaa'n fulda'neexxe cubboxxeearabi insa'ek haaso'a'neeke haaso'ixxeehollati abidemowwaal;badinotixxenna haasoneeke dharixxee,13mufeti insa'nee balleessi; shakki assitenna insa'nee bir;ookko'n Mageni Ya'iqoobike ardike galchallo kadeexxabutta duuchcha'n ege'nendaan.14Insa'nenna worshiinsha gururaana'n hashsha hashshaqachchi giddo doonaan.15Indaachcho hasito doonsakiyya hinaan;goddanna gonphoole guruuraanaan.16Ati anke golla,rakkotixxa barranna anxe kollo kaddettaxxxeeatike uduudixxee'e faarsannon;gorsanna atixxe jaalalaxxee'e faarsannon;17Ee, anke uuduudaafaaroti atee saadannon;Ee, Magenoo ati ank golli, anee eettaateke Magenon.The Word for the World International