TITE2
Ndongosolo yi ludedomo
1Kansi Ngeye, longa mambu ma fwanakani mu ndongosolo yikedika.2Teela binunu bi babakala biba na ludedomo, biba bantu babuzitu na mayindu mambote, mpe biba na kiminu kii nakekete, biba na luzolo mpe na mvibudulu.3Bumosi mpe ku binunu bi bakento, biba na nkadulu yikwe zitisanga Nzambi. Bibandi na matoola ko, mpe bibandi mindongo mi malamu ko. Kansi bifweti longa ndongosolo yimbote,4mwanki balonga zindumba: Mu tya babakala bawu na baala bawu,5baba na mayindu mambote na mavedila, batomisa nzo zawu, Baba bambote mpe batumimina babakala bawu. Mu bobobo, kunaani muntu waavweza mambu ma Nzambi.6Bumosi mpe, syamisa bantwenya baba na mayindu mambote.7Ngebende mu mimvimba, lonka kifwani mu ndyatulu aku yimbote. Mu ndongosolo aku, ba muntu wusungama mpe wubuzitu.8Mpova zaku zifweti ba zidedama na zilembolo ba na nsembolo. Mwanki mbeni zaku ziyena nsoni, mpe zilembolo baka mye tuteela.9Bika Mindongo mitumimina zimfumu zawu mu mimvimba, babayangidika mpe bababangisandi.10Babayibangandi kani kima ko. Kansi balonkanga ti yawu bantu bambote badi mpe bakwikama, mwanki bahaana nzitusu ku ndongosolo yi Nzambi, Muvuukisi eto.11Mu dyambu ti, Nzambi wuyenikia mulemvo andi wukwe haananga mpulusu ku bantu bamvimba.12Wuna tulongisa mu biika mu nata luzingu lumbi na mu biika mpwila zi nza, mwanki mu ntangu beyiyi tunata luzingu lumbote, lu ludedomo mpe lukwikama mu Nzambi.13Ni bwabobo twaakingidila kilumbu ki kyese ki tuna siila kivuvu, kyaayenika nkembo wu Nzambi eto yiyinene na Yesu-Klisto Muvuukisi eto.14Wukiyekola yandi bende mu dyambu dyeto, mu tukuula mu misamu mimvimba mimbi na tuba bantu bavedila bakavwidi na mu ba na vema mu hidika misamu mimbote.15Misamu myamyomyo fweti longa mu lulendo lumvimba mu syamisa bakwe kuyuwanga na mu basemba. Kubikandi nakani muntu kakuyina ko.Wycliffe Bible Translators, Inc.