Mukanda wu Pawuli ku bisi- Loma4
Abalahami munkwikidi
1Nki bwabu tulendi ta mu Abalahami mukulu eto e? Nkye bima kabaka mu ngolo zi yandi bende e?2Tala ti Abalahami wuyenika bonso muntu wulunungu mu dyambu di mavanga mandi, wudi na luve mu kitumpidika, kansi kalendi bwesa ha ntadisi yi Nzambi ko!3Bwabu, Masonama nki mana ta e? Abalahami wukwikila Nzambi na Nzambi wumubongila bonso muntu wulunungu mu dyambu di kiminu kyandi.4Ni hahoho, yondowo sedi kwandi, mufutu andi babongila wo bonso munkayulu ko, kansi bonso musendo wu kafweti tambula.5Bwabu yondowo lembolo sala, kansi kwikidi mu yondowo kwe kitulanga muntu wumbi wulunungu, mu kiminu kyandi Nzambi wamubongila bonso muntu wulunungu.6Bwabobo mpe Davidi kana zonzila kyese ki muntu bewowo Nzambi wu kabongidi bonso wulunungu, kaati kasedyandi ko.7«Kyese ku yobobo balemvokolo mambi,na bakatudi masumu!8Kyese ku muntu bewowo Mfumu wu kalembolo tangumuna masumu!»9Kyese kibobobo kitadidi kwandi bazengoso bubakala, hoti mpe balembolo zengoso bubakala e? Ni hahoho tukwe teelanga ti: Nzambi wubongila Abalahami bonso muntu wulunungu mu dyambu di kiminu kyandi.10Kansi, mu nkye ntangu kamubongila muntu wulungu e? Ku manima Abalahami ma kazengoso bubakala hoti tekila kazengoso bo e? Kaani! Ka kulandila ko, kansi tekila kazengoso bubakala!11Nzengosolo yi bubakala bu Abalahami yiba bonso kidimbu kina lonka ti Nzambi wumubongila muntu wulunungu mu dyambu di kiminu kyandi, buna kazengoso bubakala bwandi ko. Bwabobo kayiza bela ha kimosi tata di minkwikidi mimvimba milembolo zengoso bubakala, mwanki lunungu luyenika kuu yawu.12Yandi wudi mpe tata di yobobo bazengoso bubakala, mpila mosi ti yobobo bakwe bisanga mu tala kaka kuzengoso bubakala, kansi bakwe landanga bitambi bi kiminu ki tata eto Abalahami tekila kazengoso bubakala bwandi.Nsilulu yi Nzambi yitambulu mu kiminu
13Ka mu dyambu di Misiku ko, nsilulu ye tambula nza bonso fwa Nzambi yi kasiila ku Abalahami hoti ku nkuna andi, kansi mu nzila yi lunungu lukwe fumanga mu kiminu.14Tala ti mu dyambu di Misiku bantu bakwe byadilanga fwa, buna kiminu kisidi dyaka mfunu ko, mpe nsilulu yi Nzambi yeka yimpamba.15Mu dyambu ti Misiku mikwe tukisanga mankesi ma Nzambi. Huuma ha lembolo ba Misiku, habanga matingu ko.16Buna mu nzila yi kiminu tukwe tambudilanga fwa, mwanki wuba munkayulu wumpamba, mpe nkuna yimvimba yitambula nsilulu. Nsilulu yi lendi ba kaka ku yobobo bakwe vuminanga Misiku ko, kansi ku yobobo mpe bakwe kwikilanga bonso Abalahami. Abalahami wudi tata di yeto bamvimba.17Bonso bu wusonama: «Nakusidi tata di makanda mamingi.» Tata eto kadi ha ntadisi yi Nzambi yi kakwikila. Nzambi yikwe haananga luzingu ku bafwa na yikwe sanga ti bima bikwe lembolo zinganga, bibaka luzingu.18Abalahami wusa kivuvu, mpeleko kivuvu kihwa, kansi Abalahami wutatamana mu kwikila, bwabobo kayiza beela «tata di makanda mamingi», bonso bu muteela Nzambi ti: «Tala bwaabeela nkuna aku.»19Abalahami wuba kampe na mimvu nkama, kansi kiminu kyandi kizeza ko bu kayindula nitu andi yedi kwe syooki mpe na mukazi andi Sala kibutulu kyandi kikota kyozi.20Kiminu kyandi kizeza ko mpe kasa maketiketi ko mu dyambu di nsilulu yi Nzambi. Kansi kiminu ki muhaana ngolo na wukembila Nzambi.21Wukwikila nakekete ti Nzambi wuu na lulendo mu lungisa nsilulu yi kasa.22Ni hahoho, Nzambi kabongila Abalahami bonso muntu wulunungu.23Kansi mpova ezi: «Nzambi wumubongila bonso muntu wulunungu», zisonama mu dyambu di yandi kaka ko.24Zisonama mpe mu dyambu dyeto bakalendi bongila bonso bantu balunungu. Mu dyambu ti tukwe kwikilanga mu yondowo wufulukisa mu bafwa Yesu-Klisto, Mfumu eto.25Wuyekolo mu dyambu di masumu meto na wumufulukisa mu bafwa mwanki tuba bantu balunungu.Wycliffe Bible Translators, Inc.