Mukanda wusonika Pawuli ku bisi- FILIPI2
Klisto wubonga kifwani ki kisadi
1Tala ti kintwadi kyeno na Klisto kina luhaana kibakala, tala ti zola kwandi kuna lusyamisa, mpe tala ti ludi kintwadi nandi mu Mpeve, tala ti ludi na luzolo na nkenda yeno na yeno,2buna lungiseeno kyese kyani mu ba na nyuwasani, mu ba na luzolo lumosi, mu ba bakangama mu mutima wumosi mpe mayindu mamosi.3Lusangandi kima mu mpeve yi kimpala ko hoti mu nsatu ye kiyenikisa ko, kansi mu luyinunu bongileeno bahiika bonso ti baluvudidi kuzangama.4Muntu kasosandi ndandu yi yandi bende ko, kansi kasosa ndandu yi bahiika.5Bika mbanzulu zeno ziba bonso zi Yesu-Klisto.6Tuka ntama Yandi wuba bonso Nzambi,kansi kasosa mu tatamana mu kifwanikisa na Nzambi ko .7Kansi, wubisa Yandi bende bimvimba biba nandi na wubonga kifwani ki kisadi .Wukituka bonso muntu,mpe wuzabakana bonso muntu,8wukikulula yandi bendena wutumama natee ku lufwa,lufwa ha yulu kulunsi.9Ni hahoho, Nzambi wumuzangula ha kibuka kivudidi kuzangamana wumuhaana Nkumbu yivudidi bunene mu nkumbu zimvimba.10Mwanki mu Nkumbu yi Yesu, bantu bamvimbabaa mu mazulu, ha butoto mpe ku nsye butoto bafukama,11mpe ndinga zimvimba zibakula ti:«Yesu-Klisto ni Mfumu,mu dyambu di nkembo wu Nzambi, Tata.»Lezimeeno bonso kya mu nza
12Ni hahoho, zimpangi zani zizola, yeno lukwe ntumiminanga kadi ntangu, ka ha meso mani kaka ko, kansi bwabu mpe, bu nalembolo ba neeno kintwadi, ntumimineeno dyaka buvudidi. Sadileeno mpulusu eno mu kati di bunkuta na kivumi kikingi,13mu dyambu ti Nzambi kwe luhaananga mpwila na lulendo lwe hidika misamu mimvimba, bonso budi luzolo lwandi.14Hidikangeeno misamu mimvimba ka mu vunguta mpe ka mu sa mpaka ko,15mwanki lulembolo ba na kibila na luba bavedila, bonso baala ba Nzambi balembolo ba na kifu ha kati di mbandu beyiyi yivilangana na yimbi. Bika lulezima ha kati dyawu bonso kya mu nza,16mu banatina Mambu ma luzingu. Ni bwabobo, naakitumpidikila mu yeno mu kilumbu kyaakwiza Klisto, mu dyambu ti ka mumpamba ko nasadidi mpe nayenini mpasi.17Kati menga mani ni masamuka mu dyambu di munkayulu na kisalu ki kiminu kyeno, nii na kyese mpe nina yangalala na yeno bamvimba.18Yeno mpe yangalaleeno, yangalaleeno kintwadi naani.Timote na Epafotide
19Kivuvu kii naani mu Mfumu Yesu ti, mwa bilumbu kwandi bisidi, naalutambika Timote, mwanki meno mpe nasyamusu mu mpolo zi naabaka mu yeno.20Mu dyambu ti nii na muntu wuhiika ko wu tulenda kabasana mayindu, wulenda kikwamisa mu kedika mu dyambu dyeno.21Bantu bamvimba bana sosa kwandi ndandu yi yawu bende, kansi ka yi Yesu-Klisto ko.22Luzebi ti Timote wulonka bwedi kakihaanina mvimba mu kisalu kye samuna naani Musamu Wumbote bonso tata na mwana andi.23Nii na kivuvu ti yandi nalutambika bu natumbu yena kya mu musamu ani.24Nii na kiminu mu Mfumu ti, mwa ntangu yifyoti kwandi yisidi, mebende mpe naakwiza.25Bumbote nayeni mu lutambika mpangi ani, Epafodite, mukundi ani wu kisalu mpe kwe nwananga mvita naani, wuluntambikidi mwanki kansadisa mu nsatu zani.26Wuba na mpwila yiyingi mu bwesa luyena yeno bamvimba, mpe wukikwamisa mu dyambu ti luyuwa nsangu zi kimbevo kyandi.27Wukedika ti wubeela kabedi, lukufi na lufwa, kansi Nzambi wumufwididi kyadi, ka ku yandi kaka ko, kansi na ku meno mpe, mwanki nalembolo ba na kyadi ha yulu kyadi.28Ni hahoho, nina sila muswalu mu mutambika, mwanki luyangalala bu lwaamuyena na meno mpe nalembolo ba na kyadi kikingi.29Buna, mu Mfumu, mutambuleeno mu kyese kikingi. Lufweti zangisanga bantu ba bobobo,30mu dyambu ti ni mu kisalu ki Klisto kabedidi lukufi na lufwa: wuketi hombisa luzingu lwandi mu mpaana lusadusu ha kibuka kyeno mu kisalu kyani.Wycliffe Bible Translators, Inc.