Hebrews3
1Vii anưq, wơơy oh ay hlăng vah, laa khơl dro jưq phon đom varơuq tawooyh taayh xing plêêk, dayh 'yo tabông muut Kơy Jah Patăk ji Thơy Tơơk Tưp Kôt ku apok đnooy xưng haay, 'ngưq laa Lôôk Jê-xu,2tuôôy muuyq xuum dii Kơy heq pato đinq Kadraq, kung dang đaji Môi-se đom hnhư Kơy Plêêk.3Vii Kơy neq jah 'yo nhonq laa taxưngq dii tađnah tađnaak kôt galơh iaq Môi-se, kung đaji manih xơy hnhư jah vado 'ngưng iaq xet taleq so dii poop hnhư.4Vii tôôy poop hnhư yôôych jah xơy panưk xing muuyq akơyq nưq, bơh Kơy Plêêk laa Kơy panưk jêêk tôôy paroh.5Môi-se yôôych muuyq xuum đaji muuyq dro xapok đom kaah hnhư ku Kơy Plêêk, xôq đaji muuyq apok xanưk ku kaluh varơuq hnoq jah đnooy truh đom atêq neq;6Bơh Lôôk Wơơt Dêh, đaji muuyq Adro Koot đôôyq dii hnhư ku Kơy Plêêk (haay laa hnhư ku Kadraq atoh haay jư kajưk xuum tuôq dik ji kơq pa ưưt vlôh truh varơuq takôô gamưh ku haay).7Kơq nưq, jơq đaji Lôôk Phool Hiel xanoh: “Hngơy neng, atoh khơl koot tameng apok Kadraq,8yôôych te dơơp găk xuum khơl koot đaji đom varơuq dơơp paloanq, đom tuôôt kawat thưh thek aduq wăngq we9laa aduq mo kơy khơl koot heq thưh Gô gamưh varơuq thek dơơp, yôôch oot heq 'yo hloq kaluh varơuq dơơp ku Gô10tuôôt poot kưl xanưm. Vii anưq, Gô thier jaraq dii adrơơk nưq, ji Gô xanoh: ‘Oot kưq hloay biq jarooy patuut hyaak hyul aduq xuum oot, đơu oot heq be nhonq xet kaluh trôôk hooy ku Gô.’11Đaji Gô heq paleek đom đơơt tôq jaraq ku Gô: ‘… Oot hnoq leh muut đom varơuq padơy pado ku Gô!’”12Wơơy oh ay, dayh rơơt rol, tebe xuum klaak leh tuôq xơk tauq hnoq xalih vlôh aduq muuyq kơyq nưq đom khơl oh ay, 'ngưq laa aduq adro vlôh xangưưy klơlh Kơy Plêêk hloay riirh.13Lunư, dayh ahmưk nhăk hloay mamuuyq tôôy muuyq hngơy, dong truh tuôôy leq măn đong jah taayh laa “hngơy neng,” xôq leh akơyq đom katul oh ay biq dơơp ka găk khăk xing varơuq aluut pa ôôh ku kadrôôp maroh.14Vii haay heq jêêk vlôh khơl manih jưq phon ku Lôôk Wơơt Dêh, vơ duh laa haay jư kajưk kapa tep xuum tuôq dong dik ku haay dong truh lôôch dik,15đaji varơuq jah đnooy: “Hngơy neng, atoh khơl koot tameng apok Kadraq, te dơơp găk xuum khơl koot đaji đom varơuq paloanq.”16Vii khơl adro leq tache jaraq Kadraq atêq tuôôy heq tameng? Leh akơyq đêh vlôh dêq hloay khơl manih heq vlôh klơlh Ai Kâp gamưh Môi-se ih?17Măn Kadraq heq thier jaraq dii khơl adro tuôôt poot kưl xanưm? Dik be aalq laa dii khơl adro lôp kadrôôp, đơu xaak ku oot heq gưlh riêp đom wăngq we ih?18Yôôch Kadraq heq paleek kung khơl adro leq hnoq leh jah muut đom varơuq padơy pado ku Kadraq, atoh be aalq kung khơl adro leh tameng tyauq?19Haay hloq đaneq oot heq leh e paraat xôq tawaak muut vii kơq xuum leh tuôq.
FAR EAST BROADCASTING COMPANY