Mateo15
1Anu rikianxun ka fariseokama ꞌimainun an bana ꞌunankëkaman Jerusalenuax uxún Jesús ñukakëxa:2—¿Uisakaskin kara min unikaman nun rarakama kiásabi oi ꞌimín? ¿Uisa kupin kara nun rarakama kiásabi oi ꞌikima mëchu kaxuma pin? 3Kakëxun ka Jesusan ësakin kakëxa: —¿Uisa kaskin karamina mitsunribi nukën Papa Dios kikësaribiokin ꞌaima, mitsun sinankësaoishi ꞌin?4Ësai ka Dios kiakëxa: “Min papa ꞌimainun min titan kakëxun kamina kuati ꞌain”, ꞌaibi “Kuakima aín papa aín tita ꞌatimokin ñuikë ax ka bamakë ꞌiti ꞌikën”.5Usa ꞌaibi kamina mitsux ësai kin: Achúshi unin ka aín papa ꞌimainun aín tita kati ꞌikë mi kana ꞌakinima, kamabi ꞌën ñukama kana Dios ꞌinan.6Uix kara ësai kia an ka aín papa ꞌimainun aín tita ꞌakintima ꞌikë kiax kin, ësokin ꞌai kamina Diosan bana kikësabioi ꞌima mitsun sinankësa oishi ꞌi bukuin.7¡Upisa ꞌaibi ꞌatimakama!, Ësakin ka profeta Isaiasnën mitsu ñuikin kuënëokëxa:8“Ënë unikaman ka aín kuëbitanshi ꞌë rabia ꞌixubi ka aín nuitu mëu ꞌë sinanima ꞌë ꞌura ꞌikën.9Ñankabi ꞌë rabianan ka, unibia sinanki nankë bana a ꞌunamia”.10Usakin katankëxun ka Jesusan unikama kuëntankëxun kakëxa: —Kuakin ka upiokin bëmët.11Axa aín kuëbitan atsinkë ñu an ka uni ꞌaisama ꞌimima, axa aín kuëbinuax chikikë an kuni ka uni ꞌaisama ꞌimia.12Usai kikëbë a rapasu rikuasinki ka aín unikaman Jesús ñukakëxa: —¿Usakinmi ꞌunanmikëbëa a kuati fariseokama a ismina kuami kiax nishkë a karamina ꞌunan?13Kakëxun ka Jesusan kakëxa: —Bëtsi i ꞌën papan ꞌapakëma ax ka aín tapun këñunbi ëchikë ꞌiti ꞌikën.14Kamina ꞌënti ꞌain, akama ka bëxuñu ꞌikën. Bënxuñu ꞌaish ka bëtsi bëxuñubë kuani a rabëtaxbi kininu pakëtia.15Pedronën ka Jesús kakëxa: —Nukamina mix kikë a ñuixunti ꞌain.16Kia ka Jesusan kakëxa: —¿Mitsunbi karamina ꞌën kia kuatiman?17Kamabi kuëbitan atsinkë an ka pukunu kuania, anuax ka chikitia.18ꞌAibi ka axa nun kuëbinuax chikikë ax nun sinánuax chikitia, usa ꞌixun ka an uni ꞌaisama ꞌimia.19Usa ꞌain ka uninuax sinán ꞌaisama chikitia, rëananti, xanubë ꞌikin aín nami ꞌati, mëkamati, këmëti, chichananti.20Ënë ñukaman ka uni ꞌaisama ꞌimia; ꞌaibi ka mëchukaxuma pikë an uni ꞌaisama ꞌimima.21Jesús ka anuax Tiro ꞌimainun Sidón menu kuankëxa.22Achúshi xanu Canaan menu ꞌikë ax ka kuënkënkiani a ꞌurama obiani ësai kiakëxa: —¡ꞌËn ꞌIbu Davitan Bëchikë ꞌë ka nuibakin ꞌakin, ꞌën xanu tuá ka ñunshin ꞌatimañu ꞌaish ꞌitsaíira tëmëraia!23Kia ka Jesusan uisakibi kama ꞌikën. Kaiama ka aín unikaman kakëxa: —Ënë xanu kamina kuantanun kati ꞌain, ka kuënkën kuatsini nunu uaxa.24Jesús ka kiakëxa: —Diosan ka ꞌë Israel ëmanuishi, ꞌikë ovejakama ꞌibuñumasa ꞌikë anu ꞌë xuaxa.25Usai kikëbë ka xanu ax rantin puruni a bëmanon tsobuti kiakëxa: —¡Ën ꞌIbu ꞌë ka ꞌakin kiakëxa!26Jesusan kakëxa: —Nun bëchikë bikuantankëxun pan ꞌuchiti ꞌinanti ka ꞌaisama ꞌikën. 27Kia ka xanuxunribi kakëxa: —Usa ka ꞌën ꞌIbu, ꞌuchitinënbi ka aín ꞌibuan kuëënan chanuxun pikëbëtan a tëmuxun aín sanibi pakëtia pia.28Kia ka Jesusan kakëxa: —Xanu min sinán ka kushíira ꞌikën, usa ꞌain ka min kuëënkësa oi ꞌiti ꞌikën. Kikëbëishi ka aín tuá xanu ax pëxkuakëxa.29Anuax chikikiani kuanx ka parúmpapa Galilea kuëbi anu Jesús bëbakëxa. Anuax ka matanu kuanx tsobuakëxa.30ꞌIstaíira unin ka anu timërakëti kuankin ꞌatimati nikë, ꞌimainun pëñañuma, bëxuñu, banañuma ꞌimainun bëtsi ꞌinsinkë unikamaribi anuxuan Jesusan pëxkunun a tanain nankëxa.31Usakian ꞌaia isi ka uni ratuakëxa, banañuma unixa banaia isanan pëñañuma unixa pëxkutia isanan, ꞌatimati nikë unixa nitsia isanan, bëxuñu uniribia bëpëxkutia ꞌisakëxa, usai ꞌikin ka Israel nuxun Dios rabiakëxa.32Usakin ꞌatankëxun ka Jesusan aín unikama kuëntankëxun kakëxa: —Ënë unikama kana nuibatin ka rabë́ ꞌimainun achúshi nëtën ꞌëbë́ ꞌikën, aín piti ka ꞌaima ꞌikën; pimixuma kana aín xubunu xuisamatanin bain kuani ka bëënanti ꞌikën.33Aín unikaman ka kakëxa: ¿Uinua karana ꞌitsaíira uni pimiti piti biti ꞌain? Ënëx ka anu uni ꞌikëma me ꞌikën.34Jesusan ka ñukakëxa: —¿Uitiu panñu karamina mitsux ꞌain? Mëkën achúshi ꞌimainun rabë́ panbë ka tsatsa ꞌitsamashi anu ꞌikën, kixun ka atun kakëxa.35Usa ꞌain ka kamabi uni tsobunun kixun kakëxa.36Mëkën achúshi ꞌimainun rabë́ pan këñun tsatsa bikin ka nukën Papa Dios asabi ka kixun kakin aín unikaman, tukapakin atu mëti kakëxa.37Kamaxunbi ka puchakin piakëxa, aín tëxëkë ka mëkën achúshi ꞌimainun rabë́ kakí uakakin biakëxa.38An pikë ax ka cuatro mil uni bëbu xanu ꞌimainun tuakamaribi, tupunkëma ꞌaish ꞌitsaíira ꞌiakëxa.39Usakin ꞌatankëxun unikama xubiani ka Jesús manë nuntinu ꞌirukiani Magadán menu kuankëxa.
The Seed Company