লূক24
1সপ্তানি প্রথম দিননাও বি হিন্জাওসাফ্রা, ফুংজামাঠনিন গাওছৗরনি মস্লাখৌ লানানৈ ঠাম ঠিম খৗলামনানৈ গৗথৈ দন্দরাও থাংদৗং।2আরৗ বিছৗরৗ গৗথৈ দন্দরনি মৗখাঙাও ফাংথেনায় অন্ঠাইখৌ নাৎথ্রৗথনানৈ দৗন্নায় নুহৈবায়,3নাথায় জেব্লা বিছৗরৗ সিঙাও হাবনানৈ নাইয়ৗ অব্লা বিছৗরৗ ফৗরবু যীশুনি মৗদৗমখৌ মৗনাখৈছৈ।4আরৗ জেব্লা বিছৗর বিনি থাখৈ গৗদাও সৗরাও জায়ৗ, অব্লা ঠাবনৗ জৗংখ্লাবনায় সি' গান্নায় সানৈ মানসি বিছৗরনি খাঠিয়াও গছংফৈদৗং।5হিন্জাওসাফ্রা গিখাংনানৈ গাহাইজৗং গংনানৈ হ্বায়াও নাইগৗংদৗং, নাথায় বি সানৈ মানসিআ বিছৗরখৌ বুংবায়, জাইয়া গৗঠাং, বিখৌ মানৗ নৗংছৗরৗ গৗথৈফৗরনি গেজেরাও নাইগিৎবাইদৗং?6বিয়ৗ বেহা গৈলে, বিয়ৗ ঠাংখাংফিনবায়। গালীলয়াও জেব্লা বিয়ৗ নৗংছৗরজৗং দংমৗন, অব্লা মা বুঙামৗন, বি খৗথাখৌ গৗসৗখাংছায়।7বিয়ৗ বেবাদি বুঙামৗন, “মানসিনি বিসাহৌয়াহা পাপীফৗরনি আখাইয়াও গথাই জানাংনায়, ক্রুশাও দৗখৗঠাব জানাংনায় আরৗ সানথামনি দিননাও জিখাংফিন্নায়”8অব্লা বিনি বুংনায় খৗথাফৗরখৌ বিছৗরৗ গৗসৗখাংদৗং।9হিন্জাওসাফ্রা গৗথৈ দন্দরনিফ্রায় অৗংখাৎনানৈ, বেফৗর গাছেনখৌবৗ এগারোজন ছেলাফৗরনৗ আরৗ গুবুন গাছেননৗবৗ খৗথাহৈদৗং।10বিছৗরৗ মগ্দলীনী মরিয়ম, যোহানা, যাকোবনি বিমা মরিয়ম; আরৗ বিছৗরজৗং লৗগৗছে থাফানায় গুবুন হিন্জাওসাফৗর, জাইফ্রা বে ঘটনাফৗরখৌ প্রেরিতফৗরনৗ খৗথাদৗং;11নাথায় হিন্জাওসাফৗরনি খৗথানায়খৌ বিছৗরৗ ফৗথাইয়াখৈমৗন মানৗনা বিছৗরনি খৗথাফ্রা বিছৗরনি থাখৈ অৗংবাঙ জাবাঙ বুংনায়বাদি বান।12নাথায় পিতরা জিখাংনান গৗথৈ দন্দরাও খাৎলাংনানৈ নাইখংখ্রেহৈদৗং, আরৗ যীশুখৌ ফানফবনায় সি'খৌ নাগারনানৈ জেবৗ নুয়াখৗছৈ। বেফৗর জানায়খৌ নুনানৈ বিয়ৗ বৗথিয়া নাংনানৈ ন্ব'য়াও থাংফিনদৗং।13বি দিননাও যীশুনি সানৈ ছেলাফ্রা যিরূশালেমনি ফ্রায় এগারো কিলোমিটার গৗজানাও ইম্মায়ূয়াও নামনি মৗনছে গামিয়াও থাংদৗংমৗন।14বিছৗরৗ জেব্লা বি গাছেন জানায় ঘটনাফৗরখৌ লানানৈ রাইজ্লায় লাংদৗংমৗন।15আরৗ সাওরাইলাংদৗংমৗন, অব্লা যীশুআ গাওনৗ বিছৗরনি খাঠিয়াও ফৈনানৈ বিছৗরজৗং লৗগৗছে থাবাইলাংফাদৗংমৗন।16নাথায় বিছৗরনি মগনফ্রা বিখৌ ছিনাইনৗ হায়ি বাদি দৗনদৗং।17আরৗ যীশুআ বিছৗরখৌ সৗংদৗং, “নৗংছৗরৗ থাবাইলাংইন মা রাইজ্লাইদৗং?” বিছৗরৗ মৗখাং ছৗম জানানৈ গছংফৗথাদৗং।18আরৗ বিছৗরনি গেজেরনিফ্রায় ক্লিয়পাস নামনি সাছেআ বিখৌ সৗংদৗং, নৗং বান কি যিরূশালেম নৗগৗরাও সাছে মানসি, জাইয়া জেবৗ মিথিয়া বেহা মা মা ঘটনাফৗর জাদৗং বেফৗরখৌ মিথিয়ামৗন?19যীশুআ সৗংবায়, মা মা ঘটনাফৗর? বিছৗরৗ বুংফিনবায়, “বে নাসরৎনি যীশুনি ছায়াও জানায় ঘটনাফৗর। বিয়ৗ সাছে নবি মৗন জাইয়া ঈশ্বৗরনি সিগাঙাও আরৗ গাছেন মানসিফৗরনি সিগাঙাও, খামানিয়াও আরৗ খৗথাও সাছে বৗলৗগ্রামৗন।20গাহায় যাজকফ্রা আরৗ জৗংনি শাসনগিরিফ্রা বিখৌ সিথাৎনৗ থাখৈ পীলাতনি আখাইয়াও গথাইদৗং, আরৗ বিছৗরৗ বিখৌ ক্রুশাও ডৗখ্ঠাবদৗং।21নাথায় বিনৗ ইস্রায়েল ফৗলেরখৌ বাইখনায় হৗন্নানৈ জৗংহা আশা দংমৗন। বে বান অৗঙা, বে ঘটনায়া জানায়নিফ্রায় দিনৈ সানথাম জাবায়;22জৗংনি হান্জানিফ্রায় খাইছে হিন্জাওফ্রা জৗংখৌ সৗমৗ ফৗনাংবাওবায়। বিছৗরৗ ফুংজানি গৗথৈ দন্দরাও থাংদৗংমৗন,23নাথায় বিছৗরৗ বিনি গৗথৈ মৗদৗমখৌ গৗথৈ দন্দরাও মৗনহৈয়াখৗছৈ; আরৗ বিছৗরৗ ফৈফিননানৈ জৗংনৗ বুংফৈয়াছৈ, জৗং আরফ'ফৗরখৌ নুনৗ মৗনদৗং, আরৗ বিছৗরৗ জৗংখৌ বুংদৗং, যীশুআ গৗঠাঙৈ দং।24অব্লা জৗংনি খাইছে লৗগৗফ্রা গৗথৈ দন্দরাও থাংনানৈ নাইহৈদৗং, আরৗ বিছৗরৗ হিন্জাওফৗর বুংনায়বাদি মৗনহৈবায়, নাথায় বিছৗরৗ যীশুখৌ নুহৈয়াখৈ।”25বিয়ৗ বিছৗরখৌ বুংবায়, “নৗংছৗরৗ মা এছেগ্রাব সান্নৗ রৗঙিফৗর, নবিফৗরনি বুংনায় খৗথাফৗরখৌ ফৗথায়নৗ নৗংছৗরনি গৗসৗয়া মানৗ এছেগ্রাব গৗরা জাখৗ!26গাওনি মহিমায়াও হাবনায়নি সিগাং মা কি মসিহ বেফৗরখৌ সৈনাংগৌ গৈয়া মৗন না?”27আরৗ যীশুআ মোশিনি আরৗ গাছেন নবিফৗরনি বিজাবমাও লিৎনায়নিফ্রায় হমজেননানৈ শাস্ত্রয়াও জেরও জেরও গাওনি খৗথা লিৎদৗং, বেফৗর গাছৈখৌবৗ বিছৗরনৗ বিজিৎনানৈ হৗদৗং।28আরৗ বিছৗরৗ জেব্লা গাওছৗর থাংনায় গামি খাঠিয়াও ছহৈয়ৗ, অব্লা যীশুআ বিছৗরনি খুরৈ জানসিনাও থাংনায় বাদি দিন্ঠিদৗং;29নাথায় বিছৗরৗ ব্রা ব্রা খাওলাইনানৈ হৗন্দৗং, “সান হাবখাবায়, দানৗ বেলাছি জাদৗংছৈ, নৗঙৗ জৗংজৗং থাদৗ।” আরৗ বিয়ৗ বিছৗরজৗং থানৗ থাংফাবায়।30বিয়ৗ বিছৗরজৗং লৗগৗছে জানৗ জিরাইনানৈ সিঠাওখৌ লানানৈ ধন্যবাদ হৗদৗং, আরৗ ছিফাইনানৈ বিছৗরনৗ রান্নানৈ হৗদৗং।31বে সমাও বিছৗরনি মগননা গেওদৗং আরৗ বিছৗরৗ যীশুখৌ ছিনায়দৗং, নাথায় বিয়ৗ বিছৗরনি মৗখাংনিফ্রায় গৗমালাদৗং।32অব্লা বিছৗরৗ গাওজৗং গাও সৗংজৗলাইদৗংমৗন, “বিয়ৗ লামায়াও জেব্লা জৗংজৗং রাইজ্লাইদৗংমৗন আরৗ শাস্ত্রখৌ খেওনান জৗংনৗ বিজিৎদৗংমৗন, জৗংনি গৗসৗয়াও অয়াৎ খামব্লাওনায় বাদি জায়াখৈমৗন না?”33বে সমাওনৗ বিছৗর সানৈবৗ ছিখাংনানৈ যিরূশালেময়াও থাংফিনদৗং, আরৗ এগারোজন ছেলাফৗরখৌ আরৗ বিছৗরনি গুবুন লৗগৗফৗরখৌ দাবছে জায়গায়াও জ'জানায় নুহৈদৗং,34আরৗ বুংনানৈ, “নংথারগৌ! ফৗরবুআ ঠাংখাংফিনবায় বিয়ৗ শিমোনজৗং নুজাদৗং।”35অব্লা বিছৗর সানৈয়া গাওছৗর থাংনায় লামায়াও মা জায়ামৗন খৗথাফৗরখৌ, আরৗ সিঠাও ছিফায়খাংনায়নি উনাও যীশুখৌ মাব্রৈ ছিনায়দৗং, বেফৗর গাছেনখৌবৗ খৗথাজৗবদৗং।36জেব্লা বিছৗরৗ বে খৗথানি বিষয়ৈ বুংদৗংমৗন, যীশুআ বিছৗরনি গেজেরাও গাওনৗ গছংনানৈ বিছৗরখৌ বুংবায়, “শান্তিয়া নৗংছৗরজৗং থাথৗং।”37বিছৗরৗ গৗগৗম মৗছা নাংনান গিখ্রৗংদৗং ভূত নুদৗং সান্নানৈ।38আরৗ বিয়ৗ বিছৗরখৌ বুংবায়, “নৗংছৗরৗ মানৗ গিদৗং? নৗংছৗরনি গৗসৗয়াও মানৗ গৗনৗ গৗথৗ জাখাঙৗ?39আংনি আঠেং আখাইফৗরখৌ নাই, বিয়ৗ আংনৗ, আংখৌ দাংনায় আরৗ নাই, অব্লানৗ মিথিনায়, মানৗনা আংহা জেরৈ মৗদৗম আরৗ বেগেং দং, ভূতহা বেবাদি মৗদৗম আরৗ বেগেংফৗর গৈয়া।”40বেখৌ বুংনানৈ বিয়ৗ গাওনি আঠেং আখাইফৗরখৌ দিন্ঠিবায়।41অব্লাবৗ বিছৗরৗ ফৗথায়নৗ হায়াখৈ, বিছৗরৗ ইনাইনৗ রংজাদৗং আরৗ সৗমৗ নাংদৗং। বিনিখাই যীশুআ বিছৗরনেও সৗংদৗং, “মা কি নৗংছৗরনেও বেহা জানৗ মুঙাফৗর দং?”42বিছৗরৗ বিনৗ এওখানায় ডুমাছে না' হৗদৗংমৗন,43আরৗ বেখৌ লানান বিয়ৗ বিছৗরনি সিগাঙাওনৗ জাদৗং।44বিনি উনাও বিয়ৗ বিছৗরখৌ হৗনবায়, জেব্লা আং নৗংছৗরজৗং দংমৗন, অব্লা আং নৗংছৗরনৗ মা খৗথায়ামৗন, “মোশিনি আইন বিজাব, নবিফৗরনি বিজাব আরৗ গীতফৗরাও আংনি বিষয়ৈ লিৎনায় মৗনফ্রৗমবৗ খৗথায়া জাফুংথার নাংগৌ।”45যীশুআ বিছৗরনৗ গৗসৗখৌ খেওনান হৗদৗং জেন শাস্ত্রখৌ বুজিনৗহায়ৗ।46আরৗ বিয়ৗ বিছৗরখৌ হৗন্দৗং, “শাস্ত্রয়াও লিৎনাইয়া বেনৗ মসিহ সৈনাংনায়, আরৗ থৈনায়নিফ্রায় সানথামমাও ঠাংখাংনায়,47আরৗ বিনি মুঙৈ পাপ ক্ষমা মৗনায়নি থাখৈ গৗসৗ ফিন্নায়নি খৗথায়া, গাছেন জাতিমানিনৗ ফৗস্রাওজানায়, যিরূশালেমনিফ্রায় শুরু জাজেননাই।48বেফৗরনি সাক্ষীয়া নৗংছৗরনৗ।49আরৗ দা আংনি আফায়া নৗংছৗরনৗ জেখৌ হৗনৗ জবান হৗখাদৗংমৗন, বেখৌ আং নৗংছৗরনৗ হৎনায়ছৈ। নাথায় বে বৗলৗয়া নৗংছৗরনি ছায়াও গৗজৗওনিফ্রায় অৗংখাৎবৗয়াগৌমানি নৗংছৗরৗ বে নৗগৗরাওনৗ থাবাইথা।”50উনাও যীশুআ বিছৗরখৌ নৗগৗরনিফ্রায় বৈথনিয়া খাঠিসিম দৈদেনলাংদৗং, আরৗ গাওনি আখাইফৗরখৌ দিখাংনানৈ বিছৗরখৌ বৗর হৗদৗং।51বিছৗরখৌ বৗর হৗফুনায়াওনৗ বিয়ৗ বিছৗরনি ফ্রায় স্বৗর্গৗ ফারসি লাংজাদৗং।52বিছৗরৗ বিখৌ খুলুমনানৈ আরৗ রংজা বাজা যিরূশালেময়াও ফৈফিনবায়।53আরৗ বিছৗরৗ মন্দিরাও ঈশ্বৗরখৌ বাখ্নায়ৈ বাখ্নায়ৈ থাবায়।
The Seed Company