1 পিতর1
1আং পিতর, যীশু খ্রীষ্টনি সাছে প্রেরিত, ঈশ্বৗরনি সাইখজানাইফৗরনি থাখৈ, জাইফ্রা পন্ত, গালাতীয়া, কাপ্পাদকিয়া, এশিয়া আরৗ বিথুনিয়া হাদৎনাও ছৈৎখাই-ফৈৎখায় জানানৈ দং, বিছৗরনি থাখৈ,2আরৗ জাইফ্রা বিফা ঈশ্বৗরনি সিগাংনৗ মিথিনায় জ্ঞাননি দারৈ, জিউনি গৗথার খামানিনি গেজেরজৗং যীশু খ্রীষ্টনি আজ্ঞা মানিনায়নি থাখৈ আরৗ বিনি থৈয় সারস্রিনায়নি গেজেরজৗং নিসথার খৗলামদৗং। অনুগ্রহ আরৗ শান্তিয়া নৗংছৗরনিয়াও গৗবাং গৗবাং থাথৗং।3জৗংনি ফৗরবু যীশু খ্রীষ্টনি বিফা ঈশ্বৗরা বাখ্নাইজাথৗং! বিনি গেদেৎ দয়াজৗং বিয়ৗ জৗংনৗ যীশু খ্রীষ্টনি থৈনায়নিফ্রায় ঠাংখাংফিননায়নি গেজেরজৗং গৗঠাং আশানি গৗদান জৗনৗম হৗবায়।4আরৗ উত্তরাধিকারয়াও জেয়া মাব্লাবৗ ধ্বংস জায়া, গাজ্রি জায়া কিন্বা রহায়লাঙা আরৗ বে উত্তরাধিকারিয়া নৗংছৗরনি থাখৈ স্বৗর্গৗয়াও দৗন্নায় জাবায়।5আরৗ ঈশ্বৗরনি বৗলৗজৗং নৗংছৗরবৗ ফৗথাইনায়নি দ্বারৈ রক্ষা মৗন্নৗ, যে উদ্ধাররা জৗবনায় সমাও নুজানায়নি থাখৈ ঠাম ঠিম দং।6বেনিখাইনৗ বে গাছেনাওবৗ নৗংছৗরৗ গেদেৎনৈ রংজাদৗং, যদিও বে গাছেন রৗখৗমনি আনজাৎফৗর ছফৈনায়জৗং নৗংছৗরৗ দা দান্দৈছেনি থাখৈ সৈনাংদৗং।7বে আনজাৎফ্রা নৗংছৗরনিয়াও ফৈবায় জাহাথে নৗংছৗরনি ফৗথাইনায়া পরিক্ষা লাজানায় আরৗ নংগৌ প্রমাণ হৗজানায়। নৗংছৗরনি ফৗথাইনায়া সোনা বাদি আনজাৎ লাজানায় জেয়া অয়ৎজৗং সাফা আরৗ আদ্রি খৗলামজানায় আরৗ বেনি মূল্যয়া বাংসিন জানায় আরৗ বেবাদিব্লাছৗ যীশু খ্রীষ্টনি নুজানায় সমাও নৗংছৗরৗ বাখ্নায়জানায়, মহিমা গৗনাং জানায়, আরৗ মান মৗননায়।8নৗংছৗরৗ বিখৌ নুয়াখৈব্লাবৗ অন্নৗ, আরৗ নৗংছৗরৗ দা বিখৌ নুয়াখৈব্লাবৗ ফৗথায়ৗ আরৗ খৗথাজৗং বুংছনৗ হায়িজাছে আরৗ বুংছনৗ হায়িজাছে বাখ্নাইয়ৗ,9মানৗনা খ্রীষ্টখৌ ফৗথাইনায়জৗং জৗবনায়াও নৗংছৗরৗ জিউমানি উদ্ধারখৌ নাজাওয়ৗ।10নবিফ্রা বৈ অনুগ্রহনি খৗথা বুংদৗংমৗন জেয়া নৗংছৗরনিয়াও ফৈনায় আরৗ বিছৗরৗ বে উদ্ধারনি বিষয়ৈ আরবাও বাংসিন মিথিনৗ থাখৈ গেদেৎ জৗথৗনজৗং আরৗ গৗসৗমানিজৗং ফিৎ ফিৎ নাগিৎদৗংমৗন।11মসিহনি সৈনাংনায় আরৗ বিনি উনাও মহিমা গৗনাং জানায়, বেখৌ বিছৗরনিয়াও দংনায় খ্রীষ্টনি জিউয়া জেব্লা নবিফৗরনৗ সিগাংনৗ বুঙৗ, অব্লা বে সমা মাব্লা আরৗ মাবাদিয়ৈ ছফৈনায়, বেখৌ নবিফ্রা মিথিনৗ বিরাঠনৗ হাস্থাইদৗংমৗন।12ঈশ্বৗরনি সেবাখৌ বিছৗরনৗ মিথিহৗনৗ, যে বিছৗরনি মাওনায়া গাওছৗরনি জুনৈ অৗঙা, নাথায় নৗংছৗরনি থাখৈছৗ। স্বৗর্গৗনিফ্রায় থৗনহৎজানায় গৗথার জিউনি দৈদেন্নায়জৗং জাইফ্রা খ্রীষ্টনি মৗজাং খবরখৌ খৗথাদৗং, বেবাদিনৗ নৗংছৗরনৗ নবিফ্রাবৗ মিথিহৗবায়। বেখৌ মিথিনৗ এমন কি আরফ'ফ্রা বিরাঠনৗ হাস্থাইয়ৗ।13বিনিখাইনৗ, নৗংছৗরৗ খামানি মাওনৗ থাখৈ গাওনি গৗসৗফৗরখৌ থিয়ারি খৗলাম আরৗ গাওখৌ হমথানানৈ যীশু খ্রীষ্টনি নুজাহৗজানায় সমাও, যে অনুগ্রহয়া নৗংছৗরনিয়াও ফৈনায়, বেখৌ নৗংছৗরৗ আশা লাখিনানৈ থা।14ঈশ্বৗরখৌ মানিগ্রা বিসাফৗরবাদি, আরৗ নৗংছৗর ঈশ্বৗরখৌ মিথিয়ি সমাও, জেরৈ গাজ্রি লুবৈনায়ফৗরজৗং দৈদেনজাদৗংমৗন, বেবাদি দাদৈদেনজা।15নাথায় জাই ঈশ্বৗরা নৗংছৗরখৌ লিংহৎদৗং বিয়ৗ জেরৈ গৗথার, বেবাদিনৗ নৗংছৗরৗ গাছেন মাওনায়ফৗরাও গৗথার জা,16মানৗনা লিৎনায় দং: “নৗংছৗরৗ গৗথার জা, মানৗনা আঙৗ গৗথার।”17আরৗ জাইয়া জেরৈ মাওদৗং, বিখৌ বিয়ৗ বেবাদিনৗ বিচার খৗলামৗ, বিয়ৗ রাওখৌবৗ মৗখাং নাইয়া, নৗংছৗরৗ জৗরৈ বিখৌ বিফা হৗন্নান লিঙৗ, বিবাদিয়ৈ নৗংছৗরৗ গুবুন হাদৗৎনি মানিসিফৗর বাদি বেহা ঠাংনানৈ থানায় সমসিম, বিখৌ মান হৗদৗ আরৗ গিদৗ।18মানৗনা নৗংছৗরৗ মিথিগৌ, নৗংছৗরনি আজৌ আজৈফৗর নৗংছৗরনৗ গথাইলাংনায় খালি জীবন লামানিফ্রায় নৗংছৗরখৌ রুপা কিন্বা সোনাজৗং বায়ফিনাখৈ,19নাথায় খ্রীষ্টনি দাম গৗছা থৈজৗংসৗ, দায় গৈয়ি কিন্বা দাগ গৈয়ি মেন্ডা বিসানি গেজেরজৗং নৗংছৗরখৌ বায়খৗদৗং।20সংসারখৌ সৗরজিনায়নি সিগাংনৗ বিয়ৗ ঈশ্বৗরজৗং সাইখজাখাদৗং মৗন, নাথায় জৗবনায়াও নৗংছৗরনি থাখৈ বিয়ৗ নুজাফৈবায়।21বিনি গেজেরজৗং নৗছৗরৗ ঈশ্বৗরখৌ ফৗথাইয়ৗ, জাইয়া বিখৌ থৈনায়নিফ্রায় ঠাংখাংফিনহৗনানৈ মহিমা গৗনাং খৗলামবায়, আরৗ বিজৗংনৗ নৗংছৗরনি ফৗথাইনায় আরৗ আশায়া ঈশ্বৗরনিয়াও।22দা নৗংছৗর নংগৌখৌ মানিনায়জৗং গাওখৌ গৗথার খৗলামজাবায়, বিনিখাইনৗ নৗংছৗরনে বিদা-ফংবায় আরৗ বিবৗ-বিনানাওফৗরজৗং অনজ্লায়নায় দং, নৗংছৗরৗ গৗসৗমানিজৗং গাওজৗং গাও গৗথৌয়ৈ অনজ্লাইদৗ।23মানৗনা আদ্রিজালাংনায় ফিথাইজৗং অৗঙা, নাথায় থৈনৗ রৗঙৈ, ঈশ্বৗরনি গৗঠাং আরৗ ঈশ্বৗরনি সহায়নৗ হাথাও বৗচৗন জৗং নৗংছৗরৗ গৗদান জৗনৗম জাফিনহৗজাবায়।24শাস্ত্রয়া বুঙৗ, “গাছেন মানসি মানিয়ানৗ গাংসৗ বাদি, আরৗ বিছৗরনি মহিমা সমাইনায়ফ্রাবৗ ফৗথারনি বিবারফৗর বাদি গাংসৗয়া রানলাঙৗ, বিবারফ্রা সিরিয়ৗ,25নাথায় ফৗরবুনি বৗচৗননা জেব্লাইবৗ থায়ৗ।” আরৗ বেনৗ বৗচৗন মৗজাং খবর বুংনায়া, জেখৌ নৗংছৗরনিয়াও ফৗস্রাওনায় জৗদৗং।
The Seed Company