OL SAM111
1Olgeta.!Yumi presem Hae God!Bambae mi mi stanaplong fes blong olgeta man blong hem,mi talem tangkiu long hemlong olgeta tingting blong mi.2Olgeta samting we hem i mekemoli gud tumas,mo olgeta man we oli glad long ol samting ya,oli wantem tumas blong savegud olgeta.3Olgeta samting we hem i mekemoli stap leftemap hae nem blong hem,mo oli stap soemaot paoa blong hemwe hem i King.Stret fasin blong hem bambae i stap oltaem,gogo i no save finis.4Oltaem hem i stap mekemwe yumi stap tingbaotol bigbigfala wok blong hem.Hem i kaen tumas,mo hem i gat sore long man.5Yumi ol man blong hem,mo neva bambae hem i fogetem promes* yawe hem i mekem wetem yumi.Oltaem hem i stap givim kakae long olgetawe oli stap ona long hem.6Mo hem i soemaot paoa blong hem long yumilong fasin ya we hem i givim kantri ya long yumiwe fastaem i ples blong ol narafala man.7Olgeta samting we hem i mekemi soemaot we hem i stap holem promes blong hem,mo i stap jajem man long stret fasin.Olgeta tok we hem i putum,yumi save trastem olgeta.8Hem i putum olgetalong fasin we i tru mo i stret,mo bambae oli stap oltaem nomo,gogo i no save finis.9Yumi ol man blong hem,mo hem i mekem yumi fri.Hem i mekem wan promes wetem yumiwe bambae i no save finis.!Nem blong hem i tabu,mo hem i gat olgeta paoa!10Man we i wantem kam waes,nambawan samting blong hem i mekem,hem i mas tinghevi long Hae God,mo i mas ona gud long hem.Hae God i stap givim gudfala tingtinglong olgeta we oli stap obeilong ol tok blong hem,blong oli save skelemgudevri samting long laef blong man.!Oltaem bambae yumi presem hem,gogo i no save finis!
Bible Society of the South Pacific