JOB29
1Nao Job i tok bakegen, i talem se,2“Trifala.Mi mi wantem tumassipos God i save mekem laef blong mii kam gud bakegen olsem bifo,we hem i stap lukaot gud long mi.3Long taem ya bifo,oltaem hem i stap wetem mi,mo taem mi mi pas long tudak,hem i stap givim laet long mi.4Long taem ya,mi mi stap win gud long olgeta samting.God i stap fren gud long mi,i stap lukaot gud long hom blong mi,mo i stap blokemgud mifala.5Hem i gat olgeta paoa,mo long taem ya,hem i stap wetem mi,mo ol pikinini blong mi tuoli stap raonabaot long mi.6Ol buluk blong mi,mo ol nani blong mi,oli stap givim plante melek,mo nating we ol olif* blong mioli stap long graonwe i gat tumas ston long hem,be oli stap gru gud nomo.7Oltaem,taem ol bigman long ples blong mioli mekem miting,mo mi mi wokbaot blong go insaedlong miting blong olgeta,8nao taem ol yang man oli luk mi,olgeta oli givirod blong letem mi mi pas,mo ol olfala tu oli stanapblong ona long mi.9Taem mi mi kam insaed,ol bigman ya oli no moa toktok.10Nating we ol nambawan haeman,be oli stap kwaet nomo.11“Bifo,olgeta man we oli luk mi,no we oli harem nius blong mi,oli stap leftemap nem blong mi,from ol gudgudfala wok we mi stap mekem.12Taem ol puaman oli stap kraeblong man i givhan long olgeta,mi mi stap halpem olgeta,mo mi stap givhan long ol pikininiwe papa blong olgeta i ded,mo we oli no gat manblong lukaot long olgeta.13Ol man we trabol i spolem olgetaoli stap leftemap nem blong mi,from we mi stap givhan long olgeta,mo oltaem mi stap halpem ol widoblong oli stap gud.14Mi mi no save ravem man,oltaem fasin blong mi i stret gud.15Ol blaen man,mi mi ae blong olgeta,mo ol man we oli no save wokbaot,mi mi leg blong olgeta.16Ol puaman,mi mi papa blong olgeta,mo taem ol strenja oli gat trabol,mi mi stap tok long saed blongolgeta.17Ol rabis man,mi mi stap daonemgud paoa blong olgeta,nao mi stap sevem ol manwe olgeta ya oli stap spolem olgeta.18“Oltaem mi mi stap tingtingse bambae mi no save ded kwiktaem,bambae mi save stap longtaem,mo bambae mi ded long hom blong mi,we mi save harem gud nomo.19Mi mi harem se mi olsem wan tri,we oltaem ol rus blong hemoli stap long wota,mo ol han blong hem oli stap wetwetlong wota blong naet.20Oltaem,ol man oli stap leftemap nem blong mi,mo neva mi harem se mi mi kam slak.21Taem mi mi toktok long ol man,oli stap kwaet,oli stap lesin gud long ol tokwe mi mi talem.22Mo taem mi finis toktok,oli no save talem sam tok bakegenantap long tok blong mi.Ol tok blong mi i go insaedlong tingting blong olgetaolsem ren we i folfoldaon,23nao olgeta evriwan i glad long hem,olsem ol fama we oli glad long renlong taem blong planem garen.*24Taem man i luk se i no naflong wok blong hem,mi mi stap soemaotwe mi glad long hem,nao fes blong mi nomoi save leftemap tingting blong hem.25Mi kam olsem we mi jif blong olgeta,mi stap soem rod long olgetablong oli folem.Mi stap lidim olgetaolsem we king i stap lidimol soldia blong hem,mo taem tingting blong olgeta i foldaon,mi stap toktok gud long olgetablong leftemap tingting blong olgeta bakegen.
Bible Society of the South Pacific