Oluku22
1Kwuye ungwu Odumudumu uwu Oburedi uwu e yi Otutu mo uwu o ya wu tee Odumudumu uwu Ikalama awu ba kwu nda fo.2Eboshi umbakɔ mbala wazɔ Ɛrama iyi Omosisi o yi mu ɔgwuzɛ igagyima uwu o yi Ɔzhizɔsi mo, umba ba o wiyi iyi enzu, kwuwo kwɔlɛ, o le mu ɔgwuzɛ igagyima kaa lɔ ngbɛ Ɔzhizɔsi ma kyokyokyo.3Akwɛyi Onzu uwoyi e fye mu egbo iyi Ozhuda uwu o ya wu tee Isikariyɔ awu, uwu bɔkɔ akwu ukpɛnyi meka iyi Wavɔngɔkiya wewo la wepo awu.4Akwɛyi Ozhuda a ka mbaa ebwoshi umbakɔ mbala wa to keyi umba Ɔtɛpu igbomo kaa la zɔ mba ɔgwuzɛ uwu ɔ zɛ kaa le to Ɔzhizɔsi la ya ma.5Ɔ mwɔnyɛ gyɔɔ akwɛyi ɔ nyama tee o shi wu eduwo.6Ozhuda a nyama, akwɛyi e le mu ɔgwuzɛ igagyima uwu wa rala Ɔzhizɔsi we shi mbo kwuyengwu bɔkɔ enzu o yi mbala wu mo.7Akwɛyi kwɔfyi ungwu Odumudumu uwu Oburedi uwu e yi otutu mo kwu bo ungwu bɔkɔ ɔ ngbɛ ilɔ.8Akwɛyi Ɔzhizɔsi a lɔ Opita mbala Ɔzhɔnu ma, a za mba tee, <<La lu so ka la lu wo kiya ingyirimo ingyi Odumudumu uwu ikalama ka la ki ri mbala esu.>>9Umba ba o yo wu te, <<Muna bɔkɔ ŋɔ gyi te la ki wo kiya ingyirimo ngyɛngyi?>>10Akwɛyi Ɔzhizɔsi a za mba te, <<Gba lu yi mu ifyemo mu kwuse, lu kpolo onzu ukpɛnyi uwu a za la kudu ungwu embi. La lu mbwalu wu mu kwogba ungwu bɔkɔ e fye,11akwɛyi lu za la ɔkwu uwu kwogba te: <Omale a zɔ te ugu e yi muna uwu bɔkɔ Imi mbala Wavɔngɔkiya mi ki ri kiya ingyirimo ingyi Odumudumu uwu ikalama?>12Ɔkwu uwu kwogba awu e to yi e reye mu kadu mu ugwu uwoshi akwɛyi a zɔ yi ugu uwakwu, uwu a nɔngɔ e she yi. La lu nɔngɔ ingyinangyina mɔmɔ>>13O kama mɔmɔ akwɛyi o du yi kyamate bɔkɔ Ɔzhizɔsi e so mbo tayi, akwɛyi o wo kiya ingyirimo ingyi Odumudumu uwu Ikalama.14Tabɔkɔ kwuye kwu wo mo, akwɛyi Ɔzhizɔsi mbala wa zɛ ilɔ wu ɔ ŋɔma kaa lo ri kiya.15Akwɛyi Ɔzhizɔsi a za mba te, <<Mi gyi kpɔɔ te la mi ri kiya ingyirimo ingyi Odumudumu uwu Ikalama mbala yi keyi dɛ kaa la mi bi ma wɔnu le!16Imi mi so yi, mi gba mi ri kiya ingyirimo ingyi Odumudumu uwu Ikalama ele fo nzhii ba kwuyengwu i fya iluma mu kwuyengwu Irɛsu iyi Ukpo.>>17Akwɛyi Ɔzhizɔsi e to ago iyi embyi ma, a gbɛlɛ Ukpo ɛnyi akwɛyi a za la wa zɛ ilɔ tee, <La lu to ago iyi embyi ma kaa la lu ka esu.18La mi so yi, mi gba mi wo owanyi ele fo nzhii ba kwuyengwu Irɛsu iyi Ukpo i bo.>>19Akwɛyi e to kwumuzhi ungwu kwoburedi, a gbɛlɛ Ukpo ɛnyi, a mu ngu ma, akwɛyi e shi mbo akwɛyi a zɔ tee, <<Ɛlɛ akwu ɛnwu mi iyi mi shi yi, la lu koko lu wo ɛlɛ kaa la lu lolo mi.>>20Tatayi, mizhikembo iyi o mbwa kiya ingyi onoyo irimo akwɛyi e to ago ɛlɛ e shi mbo akwɛyi a zɔ tee, <<Ago ɛlɛ akwu kenzu igyirima ungepo unga Ukpo unga o kokongomo mu ɛnzhi mi umba mi fu mbo mo kwuwo yi.>>21Lunyi la lu yese de! Onzu uwu bɔkɔ a ba ya mi ma le e yi mu kiya irimo mbala mi munɛ!22Umɛ uwu Onzu e kpomo kyamate bɔkɔ Ukpo a zɔ awu, tete gbetu akwiyi onzu uwu bɔkɔ a ya wu ma>23Akwɛyi wa zɛ ilɔ o le mu esu kwuyo iyomo, uwe meka mba ba e wo kiya ngyɛlɛ.24Wa vɔngɔ kiya wu o le mu kaambu irimo mbala esu tee uwe ba a ka meka mba.25Akwɛyi Ɔzhizɔsi a za mba tee, <<Asu umba enzu umba bɔkɔ o yi Ukpo mo, o zɔ enzu mba idomo, wa to keyi mba ba o gyi tee enzu lo zɔ tee mba akwu <Ɛmɛza umba Enzu.>26Ɔzhizɔsi ba a za mba tee lunyi ba la lu yi mate umba mo. Onzu uka meka yi ba le yi mate umɛshɛri te, u to keyi ba le yi mate umɛgba tayi.27Uwe ba a ka, uwu bɔkɔ a ŋɔma akwɛyi o ka la kiya kaa le ri naa onzu uwu bɔkɔ a kawu laa kiya ingyirimo ŋa? Akwu onzu uwu bɔkɔ a ŋɔma akwɛyi o ka wu laa kiya ingyirimo. Imi ba mi yi meka yi kyamate onzu uwu e wo ɛduma la enzu tayi.28Lunyi gba lu rima mbala mi le kwuyengwu imondomo mi.29Imi mi shi yi kapa kaa la lu ri ɛsu kyamate Ada mi e shi mi tayi.30Lu ri, lu wo mbala mi mu kagɔ kakpɛnyi mu Irɛsu iyi Ukpo, akwɛyi lu ŋɔma mu ukpa uwu ɛsu, akwɛyi lu zɔ ombu uwu ese uwo la epo iyi Izirɛ.31Ɔzhizɔsi a ya Ɔsamɔ ma tee, <<Ɔsamɔ, Ɔsamɔ! Ngbɛ kwɔlu kaa pwa! Onzu uwoyi a nda kwoya kaa lo shi kapa kaa la pwa yi ma lɛɛbi, kaa la ka enzu umbira ma mbaa enzu umba esheshi kyamate ɔnɛgba bɔkɔ a ka eyi iyi owiti ma mbala asɛ.32Imi ba mi nda Ukpo kwoya kwuwo ŋɔ Ɔsamɔ, kaa ikwu idu lu fulo ŋɔ li fɔma mo. Kwuye ungwu ŋɔ gba ŋɔ bo munyimi, ka ɛmɛnɛ ŋɔ ɛnwu ma.>>33Opita a gba wu opwu tee, <<Ɔkwu, mi nyama kaa mi somo mbala ŋa mu ugu ugyi kaa la mi kpomo mbala ŋa!>>34Ɔzhizɔsi a gba wu opwu tee, <<Opita, mi so ŋɔɔ, ɔnɛnɛ ŋɔ zɔ kwu zɔ mi izhɛla dɛ gba okwuru e tɛyi le.>>35Akwɛyi Ɔzhizɔsi e yo Wavɔngɔkiya wu kwuyo tee, <<Kwuye ungwu mi lɔ yi ma bɔkɔ lu za laa kakyɔ, kwongara, naa ekpoyata mo awu, kiya ki nyɛ yi ma re?>>
O gba wu opwu tee, <<Ayimo>>36Ɔzhizɔsi a za mba tee, <<kekelele, onzu uwu e yi kakyɔ naa kwongara ba la za ngwu; onzu uwu e yi ukpandɛrɛ mo ba ya origa wu ma kaa la ya ukpɛnyi.37Moo mi gyite la mi so yi tee, akwu mɛga o nyɔlɔ iyi bɔkɔ iso iyi Ukpo i so mu reshi mi tee, <O kyo wu mbala enzu umba ingbomo.> Ee, kiya ingyi bɔkɔ o ka mu reshi mi ki bo mbaa inyɔlɔma-a.>>38Wa vɔngɔ kiya wu o za wu tee, <<Ɔkwu, yese ikpandɛrɛ epo i ŋɛlɛ!>>
Akwɛyi a gba mba opwu tee, <<I kpokya tayi ŋa!>>
Ɔzhizɔsi a gba mba opwu tee, <<Matee ba lo so awu, akwu mi.>>71Akwɛyi o zɔ tee, <<Ki gagyi izɔgɔ iyifo shaafo! Ki pwa yi mu kenzu wu o lo!>>
O gba wu opwu tee, <<Ayimo>>36Ɔzhizɔsi a za mba tee, <<kekelele, onzu uwu e yi kakyɔ naa kwongara ba la za ngwu; onzu uwu e yi ukpandɛrɛ mo ba ya origa wu ma kaa la ya ukpɛnyi.37Moo mi gyite la mi so yi tee, akwu mɛga o nyɔlɔ iyi bɔkɔ iso iyi Ukpo i so mu reshi mi tee, <O kyo wu mbala enzu umba ingbomo.> Ee, kiya ingyi bɔkɔ o ka mu reshi mi ki bo mbaa inyɔlɔma-a.>>38Wa vɔngɔ kiya wu o za wu tee, <<Ɔkwu, yese ikpandɛrɛ epo i ŋɛlɛ!>>
Akwɛyi a gba mba opwu tee, <<I kpokya tayi ŋa!>>
Ɔzhizɔsi A Lɛ Ukpo Mu Lɔwa Undu Olifu
39Ɔzhizɔsi a lafya la kwuse kwɔngu a ka mu Lɔwa undu Olifu mate ba e koko e wo awu, akwɛyi Wavɔngɔkiya wu o mbwalu wu.40Tabɔkɔ o kama mɔmɔ, akwɛyi a za mba tee, <<La lu lɛ Ukpo kaa la lu tamakwuyengwu imondomo mo.>>41Akwɛyi e turumo bwɛ a ka keyi kyamate indama iyi i to kwokyi pyo tee, akwɛyi a bɔ epunu mɛzhi akwɛyi a lɛ Ukpo.42A zɔ tee, <<Ada, gba ŋɔ nyama, to ago iyi wɔnu ɛlɛ ma munyi mi. Tetete, lakwu iyi bɔkɔ mi gyi le gba li wo le mo, lakwu iyi bɔkɔ ŋɔ gyi le gba li wo le.>>43Akwɛyi ɔlɔgbulɔ uwu Ukpo a wɔ moshi e bo munyi wu akwɛyi e kyo wu ekpasu ma.44Kwuye kwɔngu e yi mu wɔnu umbɔkwu akwɛyi e yirimo mu Ukpo ilɛma iyɛkɔkɔ; anu wu ba o kalama o fu mɛzhi kyamate eri iyi ɛnzhi tayi.45Kwuye ungwu Ɔzhizɔsi a mbwa Ukpo ilɛma ma, akwɛyi a gba a ka mbaa Wavɔngɔkiya wu, ba e du mbo mu ondo ikpolomo kwuwongu ubwu ugyi.46Akwɛyi e yo mbo tee, <<Kimbe ki wo ba lu kpondo? La lu yimo kaa lu lɛ Ukpo kaa la lu tamakwuyengwu imondomo mo.>>47Tabɔkɔ Ɔzhizɔsi e yi mu iso isomo bɛnɛ akwɛyi enzu riba o bo munyi wu, Ozhuda, ukpɛnyi meka iyi Wavɔngɔkiya wewo la wepo, gba e to mbo keshi keyi le. E bo kɛlɛ mbaa Ɔzhizɔsi kaa la kpawu idu.48Ɔzhizɔsi ba e yo wu kwuyo tee, <<Ozhuda, ŋɔ to Umɛ uwu Onzu ŋɔ yama mu idu ikpama?>>49Kwuye ungwu wa mbwalu Ɔzhizɔsi umba bɔkɔ o yi mbala wu o ma kiya ingyi ki ŋi wo, akwɛyi o yo wu tee, <<Ada kwogba, la ki wa la ikpandɛrɛ nzu kaa la ki lo mu ilama re?>>50Akwɛyi ukpɛnyi mekeka mba e kpolo kwɔlu ungwu unye uwu Oboshi Uwakɔ ma.51Ɔzhizɔsi ba a zɔ tee, <<I kpokya tayi ŋa!>> Akwɛyi a pwu afyi mu kwɔlu ungwu onzu awu akwɛyi e bo wu ofya ma.52Akwɛyi Ɔzhizɔsi e yo ebwoshi umbakɔ, mbala wa to keyi umba o gbo Ɔtɛpu, mbala enzu umbakɔ, umba bɔkɔ o bo kaa lo yi wu mo tee, <<Lu wɔ la ikpandɛrɛ mbala ipyi kyamate mi kwu uwɛlɔ?53Kwɔfyi kwɔfyi mi yi mbala yi mu Ɔtɛpu, lunyi ba lu yi mi mo. Kekelele gba akwu kwuye yi le, ungwu bɔkɔ ipwu irɛsu.>>Opita A Zɔma Te E Yi Ɔzhizɔsi Mo
54Akwɛyi o yi Ɔzhizɔsi mo akwɛyi o kawa mogba uwu Oboshi Uwakɔ; Opita ba a mbwalu shaaru mu izhikembo.55O kpala ɔyi mu odida akwɛyi Opita e kyo a ŋɔma mbala enzu umba o yi mu ɔyi ivyemo mɔmɔ awu tete.56Tabɔkɔ umɛgba umesheko a ma Opita a ŋɔma umba ɔyi mɔmɔ akwɛyi a bɔ wu eyeshii akwɛyi a zɔ tee, <<Onzu ele tete e yi mbala Ɔzhizɔsi.>>57Opita ba a zɔma, a zɔ tee, <<Oko ele, Imi lala mi yi wu mo!>>58Kwuye bwɛɛ onzu awa a ma Opita akwɛyi a za wu tee, <<Uŋɔ ŋɔ kwu onzu ukpɛnyi meka mba tete!>> Opita ba a gba wu opwu tee, <<Uma, mi yi mbala mba mo!>>59Mizhikembo iyi awa ikpɛnyi tee, akwɛyi onzu uwufo e bo a zɔ tee, <<Imulo iyi munɛ mo ndii, onzu ele e yi mbala Ɔzhizɔsi, moo akwu onzu uwu Ogalili tete!>>60Opita ba a gba opwu tee, <<Uma, mi yi kiya ingyi ŋɔ yi mu isomo mo!>> Tabɔkɔ e yi mu iso isomo tayi akwɛyi okwuru e tɛyi.61Ɔkwu e fulo biri e yese Opita, akwɛyi Opita e lolo iso iyi ba Ɔkwu e so wu awu tee, <<Ŋɔ zɔ kwu zɔ mi izhɛla dɛ gba okwuru e tɛyi mutu ɔlɛ le.>>62Akwɛyi Opita a wɔ kwudu akwɛyi e loga iyɛkɔkɔ.O Wo Ɔzhizɔsi Ɛnɛ, O Kpawu Ɛmwu
63Akwɛyi enzu umba bɔkɔ o yi Ɔzhizɔsi igbomo awu o le wo mu ɛnɛ iwomo mbala ɛmwu ikpama.64O ma wu eyi mo akwɛyi o yo wu tee, <<Za nzu, uwe a kpa ŋa afyi?>>65Akwɛyi o kyo o so wu iso iyi ira gyɔɔ, laa ari ikpama.O Ka Laa Ɔzhizɔsi Mu Udaba Uwu Enzu Umbakɔ
66Tabɔkɔ eyi ilama, akwɛyi ebwoshi umbakɔ mbala wazɔ Ɛrama iyi Omosisi, o kpolo esu, akwɛyi o ka laa Ɔzhizɔsi mu udaba mba.67Akwɛyi o yo wu tee, <<Uŋɔ gba ŋɔ kwu Omezaya le? So nzu ŋa nɛ.>> Ɔzhizɔsi ba a gba mba opwu tee, <<Gba mi so yi, lu ŋu nyama la iso mi mo;68gba mi gba mi yo yi kwuyo, lu ŋu gba mi opwu mo.69Ina mu kekelele i shekeyi Umɛ uwu Onzu a ŋɔma mu kwuwo ungwungyi ungwu Ukpo Edego Ala.>>70Akwɛyi lɛɛbi mba o yo kwuyo tee, <<Inyete ŋɔ kwu Umɛ uwu Ukpo ŋa mo?>>Ɔzhizɔsi a gba mba opwu tee, <<Matee ba lo so awu, akwu mi.>>71Akwɛyi o zɔ tee, <<Ki gagyi izɔgɔ iyifo shaafo! Ki pwa yi mu kenzu wu o lo!>>
The Word for the World International