La Amɛ141
He bumi kɛ je yayami peemi mi
1Tsaatsɛ Mawu, i ngɛ mo tsɛe, mo he nɔ mla. Moo bu ye gbi tue, ke i tsɛ mo ɔ.2Moo ngɔ ye kue fami ɔ kaa o he la su ku nɛ ma o ngɔ; nɛ ye nine nɔ womi kɛ sɔlemi ɔ nɛ pee kaa gbɔkuɛ bɔ sami!3Oo Neneene Tsɛ, mo ha ma kɔ ye lilɛ mi, nɛ ma le munyu tumi.4Mo ko ha nɛ ma di yayami peemi se, nɛ o ko ha nɛ i kɛ dikali nɛ bɔ, nɛ ma ko tsu a ni tsumi ɔmɛ; nɛ o ko ha nɛ ma ye a niye ni ɔmɛ eko.5Mo ha nɛ nɔmlɔ kpakpa nɛ tsɔse mi nɛ e ka ye hɛ mi. E ji tsopa, ko ha nɛ ma kua. Se be tsuaa be ɔ, i ngɛ Sɔlee ngɛ dikali kɛ a ni tsumi ɔmɛ a he.6Ke be nɛ o wo mɛ ngɔ wo ninɛmɛ nɛ maa bu mɛ gbenɔ fɔ ɔ a dɛ mi pɛ, a maa le kaa Mawu Munyu ɔ anɔkuale i.7Kaa bɔ nɛ a gbaa lɛ tsɔwitsɔwi ngɛ zugba a, ja a nɛ a maa gbɛ a wu ngɔ fia ngɛ gbogboe muɔ nya.8Se Neneene Tsɛ, ami lɛɛ mo blɔ nɛ i ngɛ hyɛe nɛ o ye kɛ bua mi. Mo ji ye wesa he. Ko ha nɛ a gbe mi.9Mo je mi kɛ je klamahi nɛ yayami peeli nɛ ɔmɛ tsɔ̃ kɛ ha mi ɔ a mi.10Mo ha nɛ dikali nɛ a du mɛ nitsɛmɛ a klama amɛ, nɛ ami lɛɛ ma je mi slɔkee.Biblica, Inc.