JABULI62
Bedo ki gen i gwok ma Lubanga aye miyo
1An abedo gira mot kena kun akuru Lubanga ki cwinya ducu;pien lar ma mera a ki bote.2En kene aye got ki Lalara,en aye cel gogo ma gwoka, pe kibidira cen wa ki acel.3Wun ducu mono wubiero lweny ikom dano pi kare marom mene,wek wuloye woko calo cel madong cok poto?4Giyubu lok me kwanye woko ki irwom me dito wek kidwoke piny.Ginongo yomcwiny iloko lok goba.Gin lamo gum ikom dano ki lok doggi nono,ento ki i cwinygi giceno dano acena.5Ageno mera Lubanga keken ma nongo abedo aling gira mot,pien gena ducu a ki bote.6En aye got ki lalara,en cel gogo ma gwoka, pe kibiyenga wa ki acel.7Larena kacel kideyona ducu tye bot Lubanga;en aye gota matek, dok en aye kalarena.8Wun dano, wugen Lubanga kare ducu,wutite lok ducu matye i cwinywu woko bote;Lubanga aye kalarewa.9Dano ma rwomgi piny gibedo calo yamo me yweyo mamwa,dok jo matye ki rwom mamalo bene obedo gin ma konye peke.Ka kipimogi i mijan,gin ducu kacel nongo giyot maloyo yamo me yweyo.10Pe wuket genwu ikom tim me bumu dano,pe wugen tim me yak, pien konye peke;kadi bed lonyowu tye kamede,pe wuket cwinywu iye.11Lubanga oloko lok makato tyen acel woko nien aye ewon twero;12dok ni en Rwot aye i won mar ma pe loke.In giri iculu dano acel acel muporo kit tice.Bible Society of Uganda