YESAYA12
Sɛfa Ɔpɛ Sinu
1Di dii nwu nkpo, bibabuɛ bilɛ:“O SAATE, kamatansa fɔ.Kuntɛ faanya ɔblɔ faakpee mi,ɔblɔ ntɔɔyɔɔ fɔni fatookpee mi kɔnɛɛ kaafutu nɛ.2Nwaako Yaa ninle mi didiki;kamatika nwɔ disi namayɛkɛ kafɔɔ.SAATE nwu; SAATE nwu; ninle mi osie ku onu nii;nnwɔɔ nintookple mi didiki nɛ.”3Ku suoto lɛyɔɔ bibadu ntudi didiki abiɔ nwu kamɛ.4Di dii nwu nkpo, bibabuɛ bilɛ:“Bipɛ SAATE nwu sɛfa, biɛlɛɛ leyooto nɔɔ;biɛta nnle nwu batofo lɛsaa le atɔɔbla ni,biebuɛ kafɔɔ bilɛ leyooto nɔɔ lɛtaka katoo.5Bisa onu bita SAATE nwu, diekye atɔɔbla asaa kplɛ;bita kayi kamuu katofo nle mmle.6Sion batii, bifaa osie kanya, biɛsa onu ku suoto lɛyɔɔ,diekye Israel Klekletɛ nwu lemuɔ di kamɛ lee.”The Seed Company