Nɔɔneŋ1
Kenyaŋee gbagba
1Walaŋ ŋon,ɔ bɛɛ mo ɔ wose dona akpanyanyaŋtena ya,te ɔ bɛɛ tɛɛ nombiakumɛɛ yɛɛra gbɛɛneŋ man ya,te ɔ bɛɛ kyaa bomna baŋ bee kulu balaŋ ya nɛ, ŋonna nyeebam.2Mɔna Degbeŋgyoo nombia na gyoo ɔ sia,te ɔ na gyoo ɔ mmaraase man nelim na ka weese.3Mena walaŋ ŋonaŋ wɔɛ ŋgba daŋ keŋ bɔɔ duu ke boo nɔɔman,te kɛɛ se bia ka debaŋ man,te ke faareŋse bee kpiisi ya nɛ.Kpene kamasɛ keŋ walaŋ ŋonaŋ ne yɛɛ na ne dee fa e.4Mɔna akpanyanyaŋtena dɔɔ be doo mena ya!Baŋ yɛɛ ŋgba wura,ŋan feliŋ ne gyɔɔ leki nɛ.5Mena dɔɔ akpanyanyaŋtena be gyae baa nyiŋ daseŋae nombia dedii keŋ man,yaa nombiakumɛɛ yɛɛra ke kyaa baŋ be gbɛɛneŋ tenɛɛ nɛ deyilae man ya.6Nawolo nyi Degbeŋgyoo gyeŋ baŋ ba tenɛɛ nɛ gbɛɛ,mɔna akpanyanyaŋtena gbɛɛ na mo wɔ gyu yeŋ man bo.The Seed Company