1Iliimbi kiinene kiamonii ku mayula: mukaasa mosi wali walwaata nyanga, ali na tsuungi ku tsini a miili mia nde na iburu kia bambwelele kuumi na boolo nha yulu a mutswe a nde.2Nde ali na yimi. Taanga dia ubutu bu diatoori, nde akiloo mundaa pasi dia misoongo mia mbutili.3Iliimbi ikimi kiamonii ku mayulu: ali darangowu munene, wabeenge weti mbaa. Nde ali na mitswe tsaamba na matsieembi kuumi. Nde ali na iburu nha yulu a pasi mutswe.4Mu mukili a nde, nde akoombili ibari imosi mu bibari bitata bia bambwelele ba yula, na abumi bo nha yulu a toto. Nde atemini nha kulu a mukaasa wali ka mu ubutu, paa nde adia mwaana a mukaasa wuu mu taanga di nde akaabutuu.5Mukaasa abuti mwaana wabaala, wukaatumu bifuumbu bia baata boosi mu mupaanga wa itali. Nhaa-na-nhaa, baholi mwaana na babiti nde kwaa Nziaambi na mbata a ipfumu kia nde.6Ka mukaasa abati ku tsi ya tsata, ku Nziaambi ali ayiluu nde mbuu, paa babuungulu nde kuu mu tsitsi a fuundu limosi na makama moolo maku-masamina (1 260) ma biluumbu.7Ni mu buu mudiingi abwi ku yula. Mikayeli na batumu ba nde badwaanisi darango, na darango wuu itwaari na batumu ba nde badwaani na bo.8Ka darango a abiingi pe. Babingi nde na batumu ba nde mu mayula.9Bamubumi ku mbari. Darango, ni taari wu mukulu, wububaata «Mukuutu a miheebili mimibi», Saatina, wuli mu ufutu baata ba tsi yoosi. Babumi nde nha tsini a toto, itwaari na batumu ba nde.10Tumake, me nayuyi muniingi a ndaa wu munene mu mayula wakileele:«Di ka taanga dia liyobolo, dia lituu,dia ipfumu kia Nziaambi a bisi,na litumu la Kristo a nde!Mundaa ti, nde abumi ku mbari,mufuundi a baana ba nguu ba bisi.Ni nde wakifuundu bo butsuu na nyanga,nha kulu a Nziaambi a bisi.11Ka baana ba nguu ba bisi,babiingi nha yulu a nde,mu makila ma limeme,na mu mandaa ma imbaangi kia bo.Bo bayeelili idiingi kia bo,natee mu iteesi kia usiingi ukwa.12Ni mu buu, we mayula, yaanga wa we,beni badili mu udiaala mu mayula,diyaanga wa beni!Ka ki pili a ngebe kwaa beni toto na mubu!Mundaa ti diaabele maasutuu kwaa beni.Nde aluulu mu fuukiri,bu ayaaba ti,ndila mwaana taanga hoolo dimaasala kwaa nde.»13Bu darango amoni ti bamaabumu nde nha tsini a toto, nde abingisi mukaasa wabuti mwaana wa baala.14Ka baheeri mukaasa mapapi moolo ma ngongo-nyunyi wu munene, paa nde adumuu natee ku mbuu yibali bayiluu mu ndaa nde, ku tsi ya tsata. Kuu nde sa aba la na taari, na sa babuungulu nde kuu mu tsitsi a taanga mosi, mu mataanga moolo, na ndaamba a taanga.15Ni mu buu taari aluyi maamba malaa weti nziali yinene nha mbisi a mukaasa, paa ti nyaamba a maamba yibiti nde.16Ka toto labaasili mukaasa: lo ladibimi, na lamini nziali yinene yi darango aluyi mu munywa a nde.17Bu nde aluuli mu fuukiri ku yulu a mukaasa, darango ayidwaanisa baana ba mukaasa wuu boosi babasiaali. Bo ni baata babali mu utumumu mikele mia Nziaambi na babali mu uhama mu uta imbaangi mu Yiisu.18Darango atemini nha simi la mubu.