Misebezi ya Baapositola3
1Bumwi buzuba Pita o Joni bakainka kulabba lye Ngʼanda ya Leza musikati anako yawoola yatatu yokukomba.2Iino kumanjililo eelabba lye Ngʼanda ya Leza aalikwiitwa kuteeti, “Manjililo Mabotu,” kwali mwaalumi wali cihole kuzwa kubwana walikutolwaanga fateni buzuba obuzuba kuteegwa akaakukumbilile kubantu balikunjila mulabba lye Ngʼanda ya Leza.3Naakabona Pita o Joni kabayanda kunjila mulabba lye Ngʼanda ya Leza, wakabakumbila mali.4Bo bakamulangisisya, mpoonyina Pita wakamwaambila kuteeti, “Tulange!” Pita Waponya Cihole5Wakabalanga, kayeeya kuteeti mweendi balamupa kwateni cimwi cintu.6Kono Pita wakateeti, “Mali tandikwe, kono ndilakupa cendijesi. Muzina lya Jesu Kilisitu woku Nazaleta, nyamuka weende!”7Mpoonyina wakamujata kujanza lyakwe lyokululyo okumugwasya kunyamuka. Mpoonya-mpoonya maulu engongoozi zyakwe zyakabeenguzu.8Kuzwaawo wakasotoka okwiima okutalika kweendeenda. Kumane wakanjilaabo mulabba lye Ngʼanda ya Leza kayoobweenda okusotooka okukalumbaizya Leza.9Bantu boonse bakamubona kayoobweenda okuyoobulumbaizya Leza.10Nibakamuziba kuteeti ngonguwe sikukumbilila walikujanikaanga Amanjililo Mabotu, boonse bakakomokwa loko alizyakamucitikila.11Iino mwaalumi kacijatilide Pita o Joni, bantu boonse kabakomokedwe bakazuzila kulimbabo antoomwi ku cibaka ce nganda calikwiitwa kuteeti kotela lya Solomoni.12Kono Pita naakabona namu wakaambila bantu kuteeti, “Nobana ba Izilaili, ino niinzi cikomosyaawa? Ino niinzi nemutulangisisya namu mbuli kuteeti ninguzu okululama kwesu zyapa kuteeti ooyu mwaalumi eende?13Leza wa Abbulahamu, Isaka, o Jakobo, Leza wabasikale besu wakeeta bulemu kumubelesi wakwe Jesu kwiinda mukucita zili namu. Jesu ngumwakaaba okukaka mumeenso a Pilato, nekuba kuteeti Pilato watikamulukulule.”14Kono nywebo mwakamukaka, Uusalala, Mululami, okukumbila kuteeti mulukulwidwe mujayi.15Mwakajaya Jesu, cisiko cobuumi kono Leza wakamubusya kuzwa kubafu. Tulibakamboni kuleezi.16Kwiindila mukusyoma muzina lya Jesu, ooyu mwaalumi ngomubwene ape ngomuzi waponisigwa. Kusyoma muzina lya Jesu kukwamupa kupona mbuli mbomubwene noonse.17“Iino nobazyalwama, ndilizi kuteeti nywebo abasololi benu zyomwakacita kuli Jesu, mwakazicita mukutaziba.18Kono Leza wazuzikizya zyaakaamba ciindi kwiindila mubasinsimi boonse kuteeti Mesiya weelede kupenga namu.19Iino amweempe, okusandukila kuli Leza, kuteegwa zibi zyenu zigwisigwe,20kuteegwa ziindi zyokulemunukwa mumuuya zize kuzwa ku Mwami, ape uyootuma Jesu Mesiya ngumwakasalilwa kale.21Ooyo weelede kukala kujulu kusikila nako zintu zyoonse zikabambululwe bupya, mboonyina Leza mbwaakasyomezya kwiindila mubasinsimi bakwe beeciindi basalala.22Mozesi wakateeti, ‘Mwami Leza wenu uyoosala umwi akati kenu, kuba musinsimi mboonyina mbuli ndime. Mpoonyina mweelede kuteeti muzoomumvwide zyoonse zyatizoomwaambile.’23Ape Mozesi wakateeti, ‘Kufumbwa utayoomumvwidi ooyo musinsimi, uyoogwisigwa kubantu ba Leza okusinyoonwa.’24Ape basinsimi boonse kutalikila kuli Samiyeli bakaamba kwateni alizilimukucitika mumazuba eesunu.25Ndinywe mutambula zyaakasyomezya Leza kwiindila mubasinsimi ecizuminano caakapanga abasikale benu naakaambila Abbulahamu kuteeti, ‘Kwiindila mulibolunyungu lwako, ndiyooleleka bantu boonse munyika.’26Mpoonyina Leza wakasala mubelesi wakwe Jesu okutalikila kumutuma kulindinywe nobana Izilaili kuteegwa asaangune kuleleka ndinywe kwiindila mukumusandula umwi oumwi kuzwa kuzibi zyenu.”
The Seed Company