BaKolose3
1Nokudalo kana mwakamuswa pamwempela naKristo, shakani zwinhu zwopezhulu, kwaali Kristo, eligele kuluboko lolulyi lwaMwali.2Ibigani indangalilo jenu pezwinhu zwopezhulu, zwisi zwinhu zwipo pasi,3nokuti mwakafa, akale bupenyu bwenu bulosisika naKristo munaMwali.4Yopo Kristo iye bupenyu bwedu paachaboneka, pakalepo imwi munoboneka naye mukungaima.5Nokudalo bulayani zwomunyika mwamuli, zwili busangu, bushambwa, lulakamilo, zwido zwobubi akale noluchibo, kuli kunanga sokunamata zwimwali.6Nokuda kwezwi zwinhu, bukali bwaMwali bumuzha.7Muna yezwi imwi mwakabakwenda mwazwili noumwe unshaji, muchinogala bupenyu bwenu muna izwo.8Koga ngweno zwilasheni kule zwose yezwi, kunyema, bukali, lunya, kunyeya akale nendebo imbi jinobhuda mundomo wenu.9Musiniepelane, sezwo mwakalasha lubumbo lwantolo nemishingo yalo,10akale mukambala lubumbo lupya, lumufhululwa muluzibo nomuchimo chombumbi wacho.11Yopa apangabe noNgiliki kana uNjuda, ulomhalajwa kana usilomhalajwa, usina luzibo, usinabupampu, undanda, unhu ulosungunuka, koga Kristo ulizwose, akale elimukati mwaizwo zwose.12Nokudalo mbalani feno sabaloshalwa baMwali, bachena akale banodikana, mbalani lutejo, ishe, kuzwideleja, bunyolo, akale nokugontama,13mube nomoyondefu kuna umwe noumwe, akale kana umwe eline chililijiko kuna umwe lekelelanani umwe noumwe, sezwo Tezi bakamulekelela imwi, nokudalo namwi mokwelela kulekelela.14Akale pezhulu paizwo zwose yezwi zwinhu ibani noludo, ilo lunosunga zwinhu zwose pamwempela mukuwhanana kulopelelela.15Lekejani lunyalalo lwaKristo lutonge mumyoyo yenu, lumwakashobelwa mumbili umwempela. Akale mupe kuboka.16Lekani iwhi lyaKristo ligale mwamuli zwizhele, layijanani akale mukololane umwe noumwe mubuchenjevu buzhele, akale kwimbani jimbo, inyimbo nenjimbo jompepo jokupa kuboka kunaMwali, mumyoyo yenu.17Akale zwamunota zwose kana kuleba kana muzwito, zwiteni zwose muzina lyaTezi Jesu, mupa kuboka munaMwali Tate kupindila muna iye.18Bakaji zwidelejeni kubalume benu, sezwinokwelela munaTezi.19Balume idani bakaji benu, akale musibe nobukali kwabali.20Bana, whililani bazwali benu muzwinhu zwose, nokuti yezwi zwinoshantisa Tezi.21Matate, musinyemese bana benu, yezwi zwingababojeka moyo.22Balanda, whililani matezi enu munaizwo zwose sezwo beli matezi enu openyika, kusibe kondomo chete, koga zwokushantisa banhu, nomwoyo ose, mutya Tezi.23Ingaba ipi mishingo yamunota, muyinshinge nemyoyo yenu yose sabanhu bamushingila Tezi kusi kushingila banhu,24muziba kuti kunaTezi motambula ishabo sendipo yenu, nokuti mumushingila Tezi Kristo.25Nokuti umbipisi unoopiwa indipo iye muluchinyo lwaakata, akale apana ishalulo.
The Word for the World International